ტყის ქოთამი. კლუბის ერთობლივი გასვლა., 2014 წლის 16 ნოემბერი პარამეტრები

[ჩელე]

მოგესალმებით მეგობრებო.

2014 წლის 16 ნოემბერს, კლუბმა ''ოჩოპინტრე'' 2 კვირიანი დაგეგმვის შემდეგ, გადაწყვიტა მოეწყო კიდევ ერთი ლამაზი ნადირობა და კიდევ უფრო ლამაზი ე.წ. მეორე სერია. შევიკრიბეთ სერ ტამპლიერის სახლთან. მივიკითხეთ, მოვიკითხეთ ერთმანეთი. ვიყაყანეთ, ცოტა ვიცინეთ და გზას ბარაქაც დავაყენეთ. გასვლა მოხდა დილის 6:30-ზე თეთრიწყაროს მიმართულებით. ვიყავით 8 მანქანა, 24 კაცი და დაახლოვებით 15-მდე ძაღლი.

მივედით ადგილამდე, ავაწყვეთ თოფები, ავისხით ''პატრონტაჟი'' და დავიშალეთ სხვადასხვა მიმართულებით. ძირითადი მასა ხელმარცხნივ წავიდნენ. მე, ილარიონიჩი, გოჩა, თაზო და გენერალი კი მარჯვენა მხარეს წავედით. ვიარეთ, ვიარეთ, ვიარეთ.... შემდეგ კიდევ ვიარეთ, ვიარეთ , ვიარეთ. ამ სიარულში ახალციხელი და ჟოლა შეგვხვდნენ. იმათაც კარგად უვლიათ და განაგრძეს სიარული.... მერე კიდევ ვიარეთ, ვიარეთ,ვიარეთ, ვიარეთ და გადავაწყდით პაატას.... იმასაც კარგად უვლია... აქა-იქ გასროლის ხმები ისმოდა.... ბოლოს დავრჩით მე და პაატა და გავაგრძელეთ ბოდიალი. კარგად რომ ვიბოდიალეთ და ვიგრძენით, რომ დავიღალეთ ვეკითხები პაატას: რა ვქნათ პაატა, რა გავაკეთოთ მეთქი და პაატამ წავიდეთ ნელ-ნელაო და დააწვა ქვევით მხარეს.... კი ვიფიქრე სად მიდის მეთქი და ვკითხე: ეგრე საით მიდიხარ მეთქი და მანქანებთანო.... არა პაატაჯან, მანქანები ზედა მხარეს არის მეთქი. უი ეგ რა მითხარი-ო? კლიანუს მეთქი რაა, თუ გინდა გარანტიით დავიგინები მეთქი.... მოკლედ, მცირედი კოლოქვიუმის შემდეგ გადავწყვიტეთ ზემოთ წამოვსულიყავით და არც შევცდით....

მანქანებთან უკვე პატარა სუფრა დაგვხვდა გაშლილი... მოშივდათ და აბა რა ექნათ? განვაიარაღდით და მივუჯექით მე და პაატაც სუფრას. მეოთხე სადღეგრძელოზე იყვნენ უკვე ეს ლოთები ესენი.... მოკლედ რომ ვთქვათ, მოვგროვით უმრავლესობა. მხოლოდ ჭალიმგელა, მეგრელი, მარკო-პოლო, დარჩო და ლეკი იყვნენ მოსასვლელები. გადავწყვიტეთ მეორე სერიისთვის მზადება და ლოკაციის შეცვლა. წავედით 4 მანქანა, რომ გაგვემზადებინა სუფრა მშვენიერ დახურულ სივრცეში სადაც ძველი ნამოსახლარი იყო და არც ისე შორი შეკრების ადგილიდან.... დავანთეთ ცეცხლი, მივასუფთავეთ ჩვენი ხიჟინა. გენერალმა და დავითუსმა ხორცის გამზადება დაიწყეს. მე ხახვზე და სუფრის გაშლაზე ავიღე პასუხისმგებლობა.... ამასობაში ბიჭებიც დაბრუნდნენ და დაიწყო და რა დაიწყო. დიდებული ქეიფი და ამაში ფოტოებს რომ თვალს გადაავლებთ მაშინ დარწმუნდებით. ჟირაფის რძე არ ეკლდა სუფრას. გენერალმა და დავითუსმა გმირულად შეწვეს უუუუგემრიელესი მწვადი. ჭალიმგელა გმირულად იბრძოდა სადღეგრძელოებით. ღვინო ''ოჩოპინტრე'' კი ნელ-ნელა გვეპარებოდა და თანდათან სიყვარულით თბებოდა თეთრიწყაროს ტყეები...




















хостинг картинок bmp

1. დიდი მადლობა ორგანიზატორებს, დიდი მადლობა ყველა იმ ადამიანს ვინც მიიღო მონაწილეობა ამ ყველაფერში.
2. განსაკუთრებული მადლობა გენერალს და დავითუსას თავგანწირვისთვის. აბა ეხუმრები 10 კილო მწვადის შეწვას?
3. დიდი მადლობა ტყის ქოთამს რომ არც კი დამენახა, მოკვლაზე ვიღა ლაპარაკობს? გაგწყვიტათ ჭირმა.
4. დიდი მადლობა თაზოს არაჩვეულებრივი თოფის თხოვებითვის, რომელიც არც კი გამისვრია.
5. დიდი მადლობა ჟოლას მშვენიერი ჟილეტისთვის და ბოდიში 1 პატრონა რომ დაჰგიკარგე
6. დიდი მადლობა გენერალს, 7 ნომერი ტყვიების მოცემითვის
7. და ბოლოს დიდი მადლობა გურგენ კაცს რომ წამიყვანა და მომიტანა უვნებელი სახლში

გკოცნით და გეხვევით, თქვენი: ნიკო კეცხოველი.....

[ჩელე]

თაზო

ეგრე გეთქვა კაცო რათ მანერვიულე?

[თაზო]

ჩელე
არც ისე სტარიკები ვართ, როგორც ბერძნები ამბობდნენ))))

[marco-polo]

ვინმე თუ აპირებთ ნადირობას დილით მომწერეთ.გუშინ დილით წყნეთს ვერ გავცდი მერსედესით და უკან დავბრუნდი.ხვალ დილით ისევ წავალ.ერთ ძაღლიან წევრს ჩავისვამ უკანა სიდენიებზე.დაწერეთ თუ ვინმეს გინდათ ნადირობა.გავალ 8 საათზე

[gioman84]

გამარჯობათ ყველას!!! მე ახალი წევრი ვარ ამ ფორუმის და დიდი სურვილი მაქვს რომ ასეთ ერთობლივ ღონისძიებებში მივიღო მონაწილეობა. სამწუხაროდ ჩემს გარშემო ნადირობის მოყვარულები არ არიან შესაბამისად მარტოს მიწევს ხეტიალი ხოლმე. თუ კიდევ დაგეგმავთ ერთობლივ ნადირობას დიდი სიამოვნებით მივიღებ მონაწილეობას.

[megreli]

gioman84

მოგესალმები !

კარგია რომ გადაწყვიტე ფორუმზე გაწევრიანება,წარმატებებს გისურვებ

რაც შეეხება ერთობლივ გასვლებს,ფორუმის წევრებისთვისაც იგეგმება ხოლმე ერთობლივი გასვლები,კლუბის წევრებთან ერთად,გაცნობითი ხასიათის გასვლებია,სადაც ყველა ფორუმელს შეუძლია წამოსვლა,ასეთ შეკრებებზე და ფორუმზე აქტიურობით კლუბის წევრობამდეც კი მიდის საქმე
მისალმების და სხვა გაცნობით თემებს გადახედე და გაგვაცანი თავი ნელ-ნელა

[assassin29]

gioman84
კაი მოქეიფე კაცი ყოფილხარ ბევრია აქ ეგეთი

[ჩელე]

მგონი ამ თემამ ამოწურა თავისი თავი. თუ ვინმეს ფოტოს დადება მოგინდათ, მომწერეთ და გავხსნი.