მტრედი, მტრედის აღწერილობა და მასზე ნადირობის წესები პარამეტრები

[ლეკი]

მტრედის აღწერილობა

ქედანი
გვრიტი
გვიძინი ანუ გულიო
მტრედი



ცნობილია მტრედისნაირთა ოჯახის ოთხი სახეობა:ქედანი, გვრიტი, გვიძინი ანუ გულიო და მტრედი. ჩვენთან ოთხივე სახეობა გავრცელებულია. მტრედისნაირთა ოჯახის ყველაზე პატარა წარმომადგენელია გვრიტი, თუმცა მას ყველაზე გემრიელი ხორცი აქვს. ყველაზე დიდი წარმომადგენელია ქედანი, მისი წონა დაახლოებით 450-620 გრამამდე მერყეობს.
მტრედი ბუდობს და მრავლდება ხშირფოთლოვან ტყეში, სადაც მისი შემჩნევა არც თუ ისე ადვილი საქმეა. მხოლოდ გამრავლების პერიოდში შესაძლებლია მისი ადგილსამყოფელის მიგნება თავისებური ხმოვანი ბგერებით, რომელსაც გამოსცემს მამალი, როცა დედალს უხმობს. ბუდის გაკეთებაში მონაწილეობას ღებულობს, როგორც დედალი ასევე მამალი. დედალ დებს ორ იშვიათად სამ კვერცხს. ბუდეზე ძირითადად დედალი ზის, მაგრამ არის შემთხვევა როცა ენაცვლება მამალიც. ინკუბაცია გრძელდება 17-18 დღე. ბარტყების გამოკვებაში მონაწილეობს ორივე მშობელი.

გადაფრენა და მიგრაცია

მტრედები გუნდური ცხოვრების მოყვარულები არიან, ისინი საკვებად და დასასვენებლად ყველგან ერთად დაფრინავენ. მტრედების მიგრაციას განსაკუთრებული თავისებურება ახასიათებს, ირჩევენ ერთ მარშუტს და და ყოველთვის იმ მარშუტით დაფრინავენ. მტრედები თავიანთი ფრთხილი ბუნების გამო ღამის გასათევად ირჩევენ ისე ადგილებს სადაც საშიშროებას ნაკლებად ელიან. მაგალითად: მაღალი ხეები, დანგრეული შენობები, მიტოვებული სახლების სახურავები, ელექტრო ანძები და სხვა. კარგად ცნობილია და ჩემი დაკვირვების შედეგადაც ნათელი გახდა, რომ მათ მიგრაციის განსაკუთრებული გრაფიკი გააჩნიათ. ყოველ დილით ადრე და საღამოს შებინდებისას, ისინი საკვებად გაშლილი მინდვრებისკენ ან ნათესებისაკენ გადაფრინდებიან და ისევ უკან ბრუნდებიან ერთსა და იმავე დროის შუალედში.

მტრედზე ნადირობა

მტრედზე ნადირობა ჩვენთან ნაკლებად პოპულარულია, მიუხედავად იმისა რომ რესურსი ამოუწურავია. ის სხვა ნადირობებისაგან მეტი აზარტულობითა და ემოციით გამოირჩევა. იშვიათად მეგულება კაცი, რომელიც სპეციალურად მტრედზე წავა სანადიროდ, შემთხვევით თუ წააწყდება სადმე და მცირე წანადირებით იკლავს მონადირულ ჟინს. მტრედზე ნადირობა გარკვეულწილად მცირე გამოცდილებასაც საჭიროებს, მონადირე რომელსაც სპორტული ნადირობის არანაირი გამოცდილება არ გააჩნია, მისთვის მტრედი უცხო ხილი იქნება.
მრავალი მონადირის აზრი მომისმენია და პირადი გამოცდილებიდანაც შემიძლია ვთქვა, რომ მტრედი ყველაზე ძნელად მოსაპოვებელი ფრინველია სხვა სანადირო ფრინველებს შორის. მას ძალიან მახვილი თვალი და განსაკუთრებული ალღო გააჩნია, რომელიც ეხმარება მას საფრთხის თავიდან აცილებაში. მტრედზე ნადირობისას ყველა მონადირეს განსაკუთრებული მოთმინება მართებს. ხანდახან საათობით გვიწევს ერთ ადგილაც, გაუნძრევლად ჯდომა მტრედის გამოჩენის ლოდინში და ერთმა ნაჩქარევად გადადგმულმა ნაბიჯმა შეიძლება ყველაფერი წყალში ჩაგვიყაროს.

მტრედზე ნადირობის ხერხები და მეთოდები


ძირითადად მტრედზე ნადირობის ორი მეთოდი არსებობს: მიპარვით და მალვით. მიპარვით - ამ მეთოდით ნადირობის დროს მთავარია მინდორში საკვებად დამსხდარ გუნდს განსაკუთრებული სიფრთხილით მიეპარო სასროლ მანძილზე. თუმცა უმეტეს შემთხვევაში ეს ხერხი ნაკლებად შედეგიანია. მალვით - მტრედზე ნადირობის ეს ხერხი ჩემი აზრით მეტი აზარტულობითა და ემოციით გამოირჩევა, მაგრამ ზოგისთვის დამღლელი და მოსაბეზრებელია, რადგან ამ შემთხვევაში უფრო მეტი მოთმინება და ლოდინია საჭირო. ამ მეთოდით ნადირობის მთავარი პრინციპი საფარის განსაკუთრებულად მოწყობაში მდგომარეობს, ადგილი სადაც გადაწყვეტთ სამალავის მოწყობას უნდა ეცადოთ რომ ზუსტად შეახამოთ გარემოსთან რათა ფრინველის მახვილი თვალისთვის შეუმჩნეველი იყოს საფრთხე.
როგორც სხვა ფრინველებზე, ასევე მტრედებზე ნადირობის დროსაც ფიტულების ჩაწყობა დიდ ეფექტს იძლევა. სრულიად საკმარისია 3-4 ფიტული და მტრედების ყურადღებას აუცილებლად მიიპყრობთ. თუმცა რაც მეტი ფიტული იქნება მით უკეთესი, მტრედების მოტყუების შანსი კიდევ უფრო გაიზრდება. არსებობს ფიტულების სხვადასხვანაირი სახეობა:

1. პენოპლასტის ფირფიტაზე დახატული მტრედი

2. მოკლული ფრინველი სატყუარად გამოყენების კიდევ ერთი ნიმუში( მიწაში ჩარჭობილ ლითონზე დამაგრებული) რომელიც ისეთ ეფექტს ქმნის თითქოს დაჯდომას აპირებს

3. მექანიკრი ფიტული, რომელიც მხოლოდ ქარის დროს რეაგირებს(თუმცა ზუსად ასეთი ელექტროებიც არებობს)

4. ელექტრო ფიტული

სატყუარად მკვდარი ფრინველის გამოყენებაც ეფექტიანია მისი სწორად დადგმის შემთხვევაში. თავი აუცილებლად უნდა იყოს აწეული მდგომარეობაში რათა ცოცხლის ეფექტი მეტად შეიქმნას. ამაში გამოგვადგება ორკაპა ჯოხი. რაც ყველაზე მთავარია, როდესაც მოკლული მტრედის სატყუარად გამოყენებას გადაწყვეტთ ყურადღება უნდა მიექცეს მისი ფრთების განლაგებას. მტრედს ფრთის ბოლოს, ქვემოდან აქვს თეთრი ფერის ბუმბული, რომლის გამოჩენაც მათთვის საშიშროების ნიშანია და 60-70 მეტრიდან ამჩნევენ. ასეთ შემთხვევაში ნადირობა უშედეგო იქნება.

სამტრედე თოფის და ვაზნების შერჩევა

სამტრედე თოფის შერჩევაში იგულისხმება არა რომელიმე ფირმის იარაღი ან მოდელი, არამედ მისი ტექნიკური მონაცემები. ანუ იქიდან გამომდინარე რომ მტრედებზე ნადირობა სპორტულ ხასიათს ატარებს იარაღი უნდა აკმაყოფილებდეს იმ მოთხოვნებს რაც სპორტული ნადირობისთვისაა აუცილებელი. მაგალითად უმეტესობა ყოფილხართ მტრედზე სანადიროდ და გეცოდინებათ რა სისწრაფით გვჭირდება სროლა იმ მომენტში როცა მტრედების გუნდი გადაგიფრენს. სამტრედე თოფი უნდა იყოს აუცილებლად მსუბუქი და მოხერხებული და რა თქმა უნდა სწრაფი დატენვის მექანიზმით. ჩახმახიანი თოფით მტრედზე ნადირობა ცოტა არ იყოს და მოუხერხებლად მეჩვენება. ამას ვამბობ მალვით ნადირობის დროს როდესაც ჩამალული ხარ და არ იცი როდის გადმოგიფრენს გუნდი, ანუ ისევ სპორტული თვალსაზრისით. ჩემი აზრით მტრედზე საუკეთესოა ნახევრადავტომატური ტიპის იარაღი რომელიც ძალიან სწრაფი და მოხერხებული სოლის საშუალებას იძლევა. თუმცა ეს არა მხოლოდ ჩემი აზრია, ინგლისელები რომელთაც მტრედებზე ნადირობა სპორტად აქვთ ქცეული ნახევრადავტომატს აღიარებენ.
რაც შეეხება ვაზნებს პირველ რიგში მინდა ვთქვა, რომ ეფექტურ სროლას ყოველთვის განაპირობებს ვაზნების ხარისხი.
რაც უფრო კარგი ხარისხის ვაზნას ისვრი მით მეტია ეფექტი და შედეგიც. მტრედისთვის სტანდარტულად მიჩნეულია 6-7 და ზოგ შემთხვევაში 8 ნომერი საფანტი 35-50 მეტრზე სასიკვდილო სროლისათვის. მტრედის მკვრივი კანისა და ბუმბულის ხშირი საფარის გამო ძნელია სასიკვდილო ჭრილობის მიყენება, ადვილად იტანს ჭრილობას. ამისათვის საჭიროა ვაზნების სწორი შერჩევა და განსაზღვრა.
პ.ს ეს ჩემი პირველი სტატიაა და თუ ცოტა გაურკვევლად მიწერია რამე ჩავასწორებ

[kajuberi]

[LeoTaso]

პირველი გასვლა იყო წელს, საერთო ჯამში არაუშავდა.
სურო არაა მწიფე და ტყეზე არაა მასიურად, მაგრამ მაინც ჭამს პაწა-პაწას, კიდო ნაჭამი ქონდა რკო და ბალახი



ხო მართლა ვიდეოს ხარისხი მთლად ისეთი ვერ არის, გადაღებულია GoPro HERO 3 -ით მაგრამ როგორც ჩანს რედაქტორი (Camtasia Studio 8) და Yთუბი აბანძებს :( თუ ვინმეს გესმით და გეგულებათ უკეთესი პროგრამა პირადში მომწერეთ, მადლობა წინასწარ !

[smekosmeko]

საღოლ, სად იყავით ესეთ ადგილას, ქედანი საუკუნეა არ მინახავს :(

[დაქსი]

LeoTaso

პირველი გასვლა იყო წელს, საერთო ჯამში არაუშავდა.
სურო არაა მწიფე და ტყეზე არაა მასიურად, მაგრამ მაინც ჭამს პაწა-პაწას, კიდო ნაჭამი ქონდა რკო და ბალახი

არაუშავდა კიარა მაგარია , ბრავოოოო

[feroni]

LeoTaso
კარგად გინადირია, გილოცავ. ეს Dასავლეთია თუ აღმოსავლეთი?

[LeoTaso]

smekosmeko
feroni

აღმოსავლეთი, ლაგოდეხისკენ.

[ლეკი]

LeoTaso

საღოლ ლევან.. (Y)

[bashiachuki]

LeoTaso მალადეც მაგრებიხართ რა მანძილზე გადმოდიოდა ქედანი? მე ვიყავი დგეს ზაან ბევრი გადმოდიოდა ათასობით სრული ამ სიტყვის მნიშვნელობით მარა 50 მეტრი და ზევით ვერხვებზე ათი ოცი მეტრით მაღლა დახშირად ვერ ვრისკავდი სროლას ორი მოვკალი ერთი ვერვნახე და მეორე ავიღე.


ხვალ დავდებ იმ ერთის სურათს დღეს ბოდიშით

[LeoTaso]

bashiachuki

ჩვენ შემთხვევაშიც დაახლოებით ეგრე, 50 მეტრი იყო საშუალო სასროლი მანძილი. მოდიოდა უფრო მაღალზეც და დაბალზეც ( მანძილმზომით ვზომავდი ხის სიმაღლეს და პითაგორას თეორემის თანახმად ვადგენდი სასროლ მანძილს ) მე პირადად 55 მეტრის იქეთ ქედანს არ ვესვრი, ბევრი დაჭრილი მიდის და ბრალია. ვესროდით 3-6 ნომრებს 32 გრამიანებს და მემსუბუქება ეგეთ პირობებში (-7 გრადუსი იყო დილით), კარგად ჩანს ვიდეოში როგორ იპუტება და მაინც მიდის ფრინველი, თუ ფრთა არ მოტეხე ტურის ლუკმა ხდება :(

[ჯეკო]

ამ უმწყერობასი გადავწყვიტე მტრედზე და ქედანზე გადავერთო. რამაც გადამაწყვეტინა მარტივად დამემზადებინა სატყუარა ფიტულები. ძალიან მარტივი დასამზადებელია ცოტა მასალა და მარჯვე ხელების დახმარებით! საკმაოდ ეფექტურია სესტირება წარმატებით გაიარა.


მატორის სამაგრი





დატესტვის დრო კამერა დამრჩა და ვერ გადავიღე პროცესი. სამომავლოდ კარგი ვიდეოებით დაგიბრუნდებით

[assassin29]

ჯეკო
ყოჩაღ კარგია
მე მაგდენი ნიჭი არ მაქ და ნავთლუხში ვიყიდე 10 ლარად თითო ფიტული

[jorj]

ჯეკო მაგარია. რისი მიტორია?

პოსტის უკანასკნელი ჩამსწორებელია jorj: Sep 12 2015, 04:23

[ჯეკო]

ვjorj არვიცი რაგაც რუსული დზრავია, მანქანის პადიომნიკიტ უკეტესი გამოდის

[camaro]

კარგია...
ელექტრო მანოკში ხომ არ გადის?

[უიარაღო]

მანოკთან ამას არაფერი საერთო არ აქვს. როგორც ნადირობის ვიდეოებშია მაგარი ეფექტური რამეა. ყოჩაღ ჯეკო