ტყის ქათამი 2015-16, მიმოხილვა... პარამეტრები

[უიარაღო]

ბიპერის აუცილებლობა მწვავედ ვიგრძენი. ბევრად უკეთესი შედეგი იქნებოდა ბიპერი ან თუნდაც ზარები მაინც რომ ჰქონოდათ ძაღლებს. თუმცა არ გეგონოთ ვწუწუნებ. უმაგრესი დღე იყო, ის აცდენებიც, ის ნახვა და ვერ სროლაც მე პირადად დიდ სიამოვნებას მგვრის.

[dima71]

ბრავო , კარგი გასეირნება გამოგსვლია!!! ... ბიპერზეც გეთანხმები, მეც ბევრჯერ მინანია მისი უქონლობა!!!!

[ოთო.]

უიარაღო
რას გვერჩი წამომივიდა ნერწყვები მაგარი გასვლა გქონია

[MORGAN]

მეტყისქათმება )

[marco-polo]

მერე წავიდეთ

[Aslan Memishishi]

დასავლეთში კარგად არის
სოფელში ვიყავი ჩემთან ჩასული (კვარიათში)
საქმეზე ვიყავი 2დღით და ნადირობას დიდი დრო ვერ დავუთმე სამწუხაროდ.
1საათი გავედი და 3ცალი ააფრინა ძაღლმა
2ავიყვანე ერთი გავმაზე
მარტო ვიყავი და სელფის გადაღება მომიწია




პოსტის უკანასკნელი ჩამსწორებელია Aslan Memishishi: Dec 9 2015, 11:22

[ჭალიმგელა]

მშვენიერია

[megreli]

კარგია

[Aslan Memishishi]

როგორც იქნა ძაღლმაც გაიცნო ქათამი
თავიდან არ შედიოდა ეკალბარდში. სვეცკობდა მაგრამ ერთი რომ აუფრინდა მერე მოიხოდა
ისე კი არ არის პოინტერი მაგ საქმისთვის რა:( საწყალი სუ დაიფატრა. ყოველდღე რომ ატარო მოშუშებას ვერ მოასწრებს ნაკაწრები.

[უიარაღო]

Aslan Memishishi მშვენიერი ნადირობა გამოგსვლიათ. ისე წელს რომ ქათამია ამდენი არასოდეს არ მინახავს. 9 ერთეულია უკვე ჩემს ანგარიშზე, თან იშვიათად ვნადირობ. ცოტა დროს მოვნახავ და დავდებ გუშინდელ ნადირობის ამბებს

[Aslan Memishishi]

უიარაღო
საღოლ შენ
მეც დროის პრობლემა მაქვს + მანქანა გავყიდე და დრო როცა მაქვს მანქანის შოვნა არ გამომდის ხოლმე

მოკლედ რომ იარო სისტეამტურად მართლა ისიამოვნებ ქათამზე

ჩემთვის ერთერთი საუკეთესო სანადირო ობიექტია მუხლში ძალაა საჭირო და სწრაფი სროლა ისეთ ადგილებში ფრინდება ფაქტიურად წამები გაქვს სასროლად რა და ეს გაცილებით აზარტულია ვიდრე ფრინველზე ნადირობა

[უიარაღო]

მომავალი შაბათ-კვირები დაკავებული ვარ და სანადიროდ ვეღარ მოვიცლიდი, ამიტომ გუშინ , ავიღე 1 დღიანი შვებულება (დეი ოფი) და გავწიე სანადიროდ ნაცნობ ადგილებში. მონადირის ეთიკა როგორც გვკარნახობს, შევეხმიანე ყველას ვისთან ერთადაც მქონდა ამ ადგილებში წინა გასვლა. 6 კაციდან 4-ს ეცალა. იმ დილით კი მეოთხესაც საქმე გამოუჩნდა და წავედით სამი კაცი სამი ძაღლით. 2 პოინტერი და ერთი ჩემი დასაგეში დრათხაარი. ადგილზე რომ მივედით 11 იყო დაწყებული. ძაღლები ჩამოვსვით და დავიწყეთ იარაღის შალითიდან ამოღება, პატრონტაშების შემორტყმა და ასე შემდეგ. ამასობაში ძაღლებმა კიდეც ამოაფრინეს 1 ქათამი, რამაც იმედით აგვავსო. დავიწყეთ ნადირობა. პირველი ამჯერადაც მე შემხვდა. პოინტერმა როგორც კი დაიწყო "პაწიაშკები" ესევე მარჯვნივ გავვარდი, რათა ბუჩქებს გვერდიდან დავდგომოდი და სროლის შანსი მომცემოდა, მაგრამ ქათამი არ დამელოდა, აფრენილა და უკვე სამშვიდობოს გადიოდა თვალი რომ მოვკარი. მანძილი საკმაოდ დიდი იყო მაგრამ მაინც ვესროლე, ერთი- შეტორტმანდა ჰაერში მაგრამ მაინც გააგრძელა ფრენა, მეორე და ფრთა მოსტყდა. დაჭრილი ჩემმა დრათხაარმა დაიჭირა და მომირბენინა. ამჯერად ოზკუსანის ვაზნებით ვნადირობდი, უკონტეინერო, 28 გრამიანი 9-10 ნომერი. მიუხედავად იმისა რომ წვრილი სფანტია და თან ნაკლებ წონიანი საკმაოდ შთამბეჭდავ მანძილზე ავიღე პირველი ქათამი. გავაგრძელეთ ნადირობა და მეორე უკვე ჩემმა ძაღლმა ამოიყვანა, შევიდა ბალახიან ბუჩქნარში და არ ამოფრთხიალდა ეს ნისკარტდალოცვილი. ერთი სროლა და ესეც მეორე ჩემს მიერ მოპოვებული ქათამი. საუცხოო ხასიათზე დავდექი. 1 საათში უკვე ლიმიტს ერთიღა მეკლდა ამოვიღე ტელეფონი სურათების გადასაღებად. დაჭაობებულ ადგილებს მშრალი ბუჩქნარი შეენაცვლა და მეგობრის თოფის გრიალიც გაისმა. მესამე ქათამი მეგობარმა აიღო. ასაღებად რომ მივიდა ასე ორიოდე მეტრიდან კიდევ აუფრინდა მაგრამ სროლა ვეღარ მოასწრო. რაც მთავარია გავიგეთ რომ აქ ქათამი ისევ კარგად იყო. ათიოდ წუთი იქნებოდა გასული რომ მინაფრენ ქათამს მოვკარი თვალი, სროლას აზრი არ ჰქონდა , საკმაოდ შორს იყო და დავიძახე "გაგვივიდა ქათამი" რომ ჩემს წინ არ დაიფრთხიალა მეორემ. მაგარი დიდი ქათამი იყო და ბუჩქების "ფანჯარაში " აპირებდა გაფრენას რომ ჩემი საფანტიც მიეწია და აეშალა ბუმბული, მეორე ინსტიქტურად მივაყოლე, თუმცა სროლის აუცილებლობა აღარ იყო. სადღაც საათნახევარში ლიმიტი შევასრულე. მაგარ ხასიათზე დავდექი, თან თავს ცოტა უხერხულად ვგრძნობდი მესამეს რომ ჯერ არ ჰყავდა არაფერი მონადირებული.
ამის შემდეგ მეორე მეგობარს ამოუფრინდა კიდევ რამოდენიმე (2-3) და გამაზა. ეს პირველი რაუნდის სურათები









აქ დასრულდა პირველი რაუნდი, პატარა შევისვენეთ, წავიპურიჭამეთ და გადავინაცვლეთ სხვა ადგილას მეორე რაუნდისათვის.

[უიარაღო]

მეორე რაუნდი .
ჩემთვის ვფიქრობდი რომ თუშესაძლებელი იქნებოდა მე აღარ მესროლა და მეგობრებისთვის მიმეცა სროლის საშუალება, რათა მათაც მოეკლად ჟილკა. მოკლედ მეორე რაუნდში უფრო მეტი სიარული მოგვიწია და უფრო ნაკლები ქათამი ვნახეთ. რამოდენიმე ნახვა არასასროლზე, ერთი ორი აცდენა და უცებ ჩემს თავზე წამოვიდა ქათამი, 4 ვაზნა "გავატანე " და ვერ ავიღე მაგრამ დავინახე რომ უკან, ჩვენს ნატარზე ჩაჯდა. მეორე მეგობარს რომელიც ჩემთან ახლოს იყო, დავუძახე და ვუთხარი რომ დავინახე სადაც დაჯდა და შევუტრიალდეთ მეთქი. მართლაც არ დაგვეზარა და მოვუტრიალდით. ძაღლები დაწინაურდნენ და დადგა კიდეც მესამე ძმაკაცის პოინტერი ნაბულზე. გადავნაწილდით სასროლად მე და ვანო და ბრძანებაზე "ეცი" მიეტანა კიდეც ჯუნა (მესამე ძმაკაცის პოინტერი, უმაგრესია) ამოფრინდა და რა ამოფრინდა.. ესროლა ვანომ და აღარ გადაუტენა (თურქული ვალტერი აქვს) მეორე სროლაზე მოვხსენი და დაიფრთხიალი მეორე ქათამმაც, ესეც მეორე სროლით მოვიპოვე. ფაქტიურად დუპლეტი გამომივიდა. ასეთი შემთხვევა ჯერ არ მქონია. 5 ქათამი ჩემთვის რეკორდია. 3 კაცს 6 ქათამი უკვე გვქონდა და გამოვწიეთ მანქანისაკენ. ტყის ბოლოში კიდევ ერთი აფრინდა და მესამე ძმაკაცმაც გატეხა ნავსი , მანაც მოიპოვა 1 ქათამი. ნადირობა ხომ გამართლებაა. იმ დღეს მაინც და მაინც მე შემხვდა ამდენი ქათამი. მაგარი კმაყოფილი დავრჩი ამ დღის. 3 კაცზე 7 ქათამი ძალიან მაგარი შედეგი მგონია.





მესამე რაუნდიც იქნება.

[უიარაღო]

მესამე რაუნდი სუფრასთან.
აქ სასაუბრო ბევრი არაფერია. ასეთი მშვენიერი დღის შემდეგ ასეთი ამაღლებული განწყობით საკითხავიც არაა რა დროს გავატარებდით. შევეხმიანეთ მეგობრებს, ვინც ვერ მოახერხა სანადიროდ წამოსვლა და შევიკრიბეთ. კულინარობა ჩემზე ავიღე. შეიწვა კალმახა სოკო რომელიც მეორე გასვლაზეც ვიპოვეთ. ქათმები დავყავი ოთხ ნაწილად, მკერდები დავბრაწე ტაფაში ღვინის სოსუთან. ფრთები და ბარკლები კი ჩავხოხბე ბლომა ხახვში, კარაქში და პომიდორში. ცოტა მწვადი, წნილი, ყველი, ცივ-ცივი კახური და ტკბილი მუსაიფები შეშის ღუმელის სითბოსა და ტკაცუნის თანხლებით. ერთი 20 დღის სიცოცხლე მაინც მომემატა.

[megreli]

მალადეც ძმაო !!! ძალიან მაგარი რეპორტია სუფრითურთ გუდ ჯობ