მონადირეთა და მეთევზეთა კლუბი - ოჩოპინტრეს წევრობა! პარამეტრები

[ბესო]

მონადირეთა და მეთევზეთა კლუბი "ოჩოპინტრე"-ს წევრობის მსურველთა საყურადღებოდ!

1) სახელწოდება: არაკომერციული (არასამეწარმეო) იურიდიული პირი “საქართველოს მონადირეთა და მეთევზეთა კლუბი “ოჩოპინტრე”

2) ააიპ “საქართველოს მონადირეთა და მეთევზეთა კლუბი “ოჩოპინტრე”-ს წევრი შეიძლება იყოს:
3) საქართველოსა და უცხოეთის სახელმწიფო მოქალაქე, ფიზიკური პირი;

4) საქართველოს რეზიდენტი ან არარეზიდენტი იურიდიული პირი. იურიდიულ პირს “საქართველოს მონადირეთა და მეთევზეთა კლუბი “ოჩოპინტრე”-ში წარმოადგენს “საქართველოს მონადირეთა და მეთევზეთა კლუბი “ოჩოპინტრე”-ს წევრი იურიდიული პირის უფლებამოსილი წარმომადგენელი;

5) კლუბის წევრად მსურველის მიღება ხდება წერილობითი განცხადების საფუძველზე, რომელსაც 2 რეკომენდატორის თანხმობა ახლავს;

6) კლუბის წევრად მიღების შემდეგ წევრი ავსებს სპეციალურ ანკეტას, რომლის მიხედვითაც წევრს გადაეცემა კლუბის წევრის მოწმობა!

7) კლუბის წევრად მიღების შესახებ განცხადებას განიხილავს კლუბის გამგეობა. გამგეობას უფლება აქვს როგორ დააკმაყოფილოს, ასევე უარი უთხრას განმცხადებელს წევრად მიღებაზე. უარის დასაბუთება სავალდებულო არ არის;

8) კლუბის წევრს უფლება აქვს ნებისმიერ დროს გავიდეს წევრობიდან გამგეობის წინაშე გაკეთებული განცხადების საფუძველზე;

9) კლუბის წევრის კლუბიდან გარიცხვა ხდება – კლუბის წესების, მიღების პირობების და წესდების დაუცველობის შემთხვევაში, ასევე კანონდარღვევის აღმოჩენისა და ნებისმიერი ისეთი საქმიანობის შემთხვევაში, რომელიც კლუბის მიზნებს და პრესტიჟს საფრთხეს უქმნის;

10) კლუბის უმაღლესი მმართველი ორგანოა წევრთა კრება;

11) კლუბის აღმასრულებელი ორგანოა კლუბის გამგეობა;

12) ნებისმიერ წევრს უფლება აქვს არჩეულ იქნას ან აირჩიოს გამგეობის წევრი;

13) კლუბის წევრს უფლება აქვს მიიღოს მონაწილეობა ერთობლივ ღონისძიებებში, რომელიც კლუბის სახელით იქნება მოწყობილი;

14) კლუბის წევრს შეუძლია ისარგებლოს ფასდაკლებებით, რომელიც კლუბისთვის არის დაწესებული;

15) კლუბის წევრის მიერ წევრობისთვის შესატანი საწევრო არის თვეში 10 ლარი, ეს თანხა ხმარდება კლუბის განვითარებას, რეკლამირებას, საკლუბო ატრიბუტიკის დამზადებას, ნადირობის კულტურის განვითარებას, სანადირო მეძაღლეობის ხელშეწყობას, ფორუმისა და ვებ გვერდის განვითარებას და ა.შ;

16) კლუბის ლიკვიდაციის შემთხვევაში მისი ქონება გადაეცემა ერთ ან რამდენიმე არაკომერციულ – მსგავსი მიზნების მქონე იურიდიულ პირს, რომლის შესახებაც გადაწყვეტილებას იღებს ლიკვიდაციის შესახებ გადაწყვეტილების მიმღები ორგანო;

17) კლუბის წევრობისათვის აუცილებელია, რომ კლუბის წევრობის კანდიდატი დადიოდეს კლუბის მიერ მოწყობილ თევზაობებზე, ნადირობებზე და სხვა ღონისძიებებზე. უნდა გააცნოს კლუბის წევრებს თავი. უნდა ეთანხმებოდეს კლუბში მიღების წესებს, კლუბის მიზნებს და წესდებას;

18) კლუბის წევრთა კრება უფლებამოსილია წევრთა 2/3-ის შეკრების შემთხვევაში;

19) კლუბის წევრთა კრებაზე გადაწყვეტილების მიღება ხდება კრების მონაწილეთა ხმების უმრავლესობით (50%+1);

20) კლუბის მმართველი ორგანო აირჩევა 1 წლის ვადით;

21) კლუბის წევრს გადაეცემა წევრობის დამადასტურებელი მოწმობა და მაღალი ხილვადობის კები კლუბის სიმბოლიკით;





1. კლუბის ძირითად მიზანს წარმოადგენს დაიცვას და გაუფრთხილდეს ბუნებას. გააუმჯობესოს ფაუნის წარმომადგენელთა არსებობის პირობები მეცნიერულად დადასტურებული მეთოდებით, კერძოდ სანადირო აღკვეთილების შექმნის გზით.

2. მიზნის მისაღწევად კლუბი იხელმძღვანელებს საქართველოში მოქმედი კანონმდებლობით და არსებული წესდებით შემდეგი ამოცანების გადასაჭრელად:

ა) ჩაატაროს საგანმანათლებლო სამუშაოები ბუნების დაცვის მიზნით;

ბ) კლუბის წევრებისათვის მოამზადოს ღონისძიებები ერთობლივი ნადირობის და თევზაობის მიმართულებით საქართვერლოში მოქმედი კანონმდებლობის შესაბამისად;

გ) ხელი შეუწყოს კლუბის წევრებში და გარეთ სპორტული ნადირობის და თევზაობის პროპაგანდას;

დ) ითანამშრომლოს აქტიურად მონადირე ძაღლების კლუბთან და კლუბთან ერთად აქტიურად მიიღოს მონაწილეობა მონადირე ძაღლების მოშენებასა, გამოფენებსა თუ სხვა ღონისძიებებში;

ე) მოამზადოს ტრენინგები და სემინარები სანადირო მეურნეობების მენეჯმენტის მიმართულებით, ხელი შეუწყოს ჯანმრთელი ცხოვრების წესის პროპაგანდას;

ვ) ითანამშრომლოს უცხოურ დონორ ორგანიზაციებთან გადაშენების პირას მყოფი ნადირი ფრინველის მოშენებასას და დაცვის მიმართულებით;

ზ) ხელი შეუწყოს სახელმწიფო დაცვის ორგანოებს ბრაკონიერებთან ბრძოლაში.

- ასევე ეწევა სხვა საქმიანობას, რაც არ არის აკრძალული მოქმედი კანონმდებლობით!

კლუბის ყველა წევრი სარგებლობს, ააიპ "საქართველოს მონადირეთა და მეთევზეთა კლუბი - "ოჩოპინტრე"-ს წევრის ყველა პრიორიტეტით!


განაცხადი: გადმოწერა: http://forum.ochopintre.ge/sound/Ocho_A4_Col.rar



ანკეტებთან ერთად აუცილებელია, კლუბში მისაღები განმცხადებლის საპასპორტო სურათის ციფრული (ელეკტრონული) ვერსია, მინიმალური გარჩევადობით 640X480 რომელიც უნდა გამოაგზავნოთ ელ. მისამართზე: Davitus[@]msn.com

კლუბის წევრობის მსურველებმა დაპოსტეთ ამ თემაში!

სხვა, თემასთან შეუსაბამო პოსტები, წაიშლება!!!

[ჩელე]

nrg200

სავარაუდოდ დასუფთავების აქციაზე, რომელიც უახლოეს მომავალში განხორციელდება...

[ხაჭაპურა]

მოგესალმებით!
მე გახლავართ კახა ხაჭაპურიძე და დიდი სურვილი მაქვს გავწევრიანდე თქვენს კლუბში. გავიზარდე მონადირის ოჯახში , ამიტომ ბავშობიდანვე შემაყვარა მამამ ბუნება , მონადიერე ძაღლი და სწორი ნადირობა. მიყვარს ცეცხსასროლი იარაღი. დარეგისტრირებული მაქვს 4 თოფი.
დიდი ხანი არ არის რაც დავრეგისტრირდი ამ ფორუმზე. მაგრამ რამოდენიმე წელია რაც ურთიერთობა მაქვს კლუბის რამოდენიმე წევრთან. ამ ხნის განმავლობაში კლუბის წევრებთან ერთად გვქონდა რამოდენიმე საერთო საინტერესო ნადირობა.
გთხოვთ გამიწიოთ რეკომენდაცია გაწევრიანებაზე.
მზად ვარ ვუპასუხო თქვენს ყველა კითხვას.

[ჯოლა]

savage
ინებეთ ჩემი რეკომენდაცია და ღმერთმა კაი ნადირობებში მოგახმაროს
კლუბის წევრობას რაც შეეხება, 2 გზაა და შენ რომელი აირჩიე ? საბოს მეთოდი თუ ბლექის?

[ჩავლე]

savage
ერთი ხმაც ჩეგან, ბედნიერი ფეხით და კარგი მადირობით დაგეწყოს სეზონი ჩვენს კლუბში

[თაზო]

ერთი გემრიელი რეკომენდაცია ჩემგან)) დარწმუნებული ვარ, სულით და გულით ჩაერთვები კლუბის ცხოვრებაში)

[gacho]

კახა ჩემგანაც ერთი ხმა და შენ უკვე გაქვს 4 კი და გადასული ხარ ფინალში. წარმატებებს გისურვებ.

[ნუკრიMax]

gacho
4 ხმა არ შველოს, ფინალისთვის 5 ხმაა საჭირო...
ასე რომ კახაა, საფინალო ხმა ჩემგან შენ

[გურგენა]

ეგრეა რა, ყველაფერი დასწრებაზეა. ერთი რეკომენდატორიც აქაა, თუ ვინმე უარზე გავიდა

[რეზო...]

მოგესალმებით მეგობრებო. მეც დიდი სურვილი მაქვს შემოვუერთდე თქვენს დიდ ოჯახს. ბევრ თქვენთაგანთან მინადირია და ბევრი თქვენთაგანიც მიცნობს.
მყავს ინგლისური პოინტერი. გურგენას ლაიმას ბუდობიდან. ვნადირობ 1978-79 წლებიდან. 2014 წლიდან დავრეგისტრირდი ფორუმზე, თუმცა მანამდეც ვადევნებდი თვალყურს.

ჩემთვის დიდი პატივი იქნება თუ თქვენს გ ვერდით მიგულებთ

პატივისცემით რეზო ბეჟაშვილი

[ჩავლე]

რეზო...
რეზოს ერთი ხმა ჩემგან და წარმარებული სვლა ფინალისკენ

[ჭალიმგელა]

რეზო...
savage

თითო ხმა ჩემგან. დიდი სიამოვნებით

[გურგენა]

რეზო...
+ 1 ხმა ჩემგან

[ჯოლა]

რეზო...
+1 ხმა ჩემგანაც ბატონებო

[ნუკრიMax]

ხოდა მეხუთე გამსვლელი ქულა ისევ ჩემგან
+1 რეზოს

[ჩელე]

კახას სამწუხაროდ არ ვიცნობ. ბატონ რეზოს კი ჩემგანაც 1 ხმა...