მონადირეთა და მეთევზეთა კლუბი - ოჩოპინტრეს წევრობა! პარამეტრები

[ბესო]

მონადირეთა და მეთევზეთა კლუბი "ოჩოპინტრე"-ს წევრობის მსურველთა საყურადღებოდ!

1) სახელწოდება: არაკომერციული (არასამეწარმეო) იურიდიული პირი “საქართველოს მონადირეთა და მეთევზეთა კლუბი “ოჩოპინტრე”

2) ააიპ “საქართველოს მონადირეთა და მეთევზეთა კლუბი “ოჩოპინტრე”-ს წევრი შეიძლება იყოს:
3) საქართველოსა და უცხოეთის სახელმწიფო მოქალაქე, ფიზიკური პირი;

4) საქართველოს რეზიდენტი ან არარეზიდენტი იურიდიული პირი. იურიდიულ პირს “საქართველოს მონადირეთა და მეთევზეთა კლუბი “ოჩოპინტრე”-ში წარმოადგენს “საქართველოს მონადირეთა და მეთევზეთა კლუბი “ოჩოპინტრე”-ს წევრი იურიდიული პირის უფლებამოსილი წარმომადგენელი;

5) კლუბის წევრად მსურველის მიღება ხდება წერილობითი განცხადების საფუძველზე, რომელსაც 2 რეკომენდატორის თანხმობა ახლავს;

6) კლუბის წევრად მიღების შემდეგ წევრი ავსებს სპეციალურ ანკეტას, რომლის მიხედვითაც წევრს გადაეცემა კლუბის წევრის მოწმობა!

7) კლუბის წევრად მიღების შესახებ განცხადებას განიხილავს კლუბის გამგეობა. გამგეობას უფლება აქვს როგორ დააკმაყოფილოს, ასევე უარი უთხრას განმცხადებელს წევრად მიღებაზე. უარის დასაბუთება სავალდებულო არ არის;

8) კლუბის წევრს უფლება აქვს ნებისმიერ დროს გავიდეს წევრობიდან გამგეობის წინაშე გაკეთებული განცხადების საფუძველზე;

9) კლუბის წევრის კლუბიდან გარიცხვა ხდება – კლუბის წესების, მიღების პირობების და წესდების დაუცველობის შემთხვევაში, ასევე კანონდარღვევის აღმოჩენისა და ნებისმიერი ისეთი საქმიანობის შემთხვევაში, რომელიც კლუბის მიზნებს და პრესტიჟს საფრთხეს უქმნის;

10) კლუბის უმაღლესი მმართველი ორგანოა წევრთა კრება;

11) კლუბის აღმასრულებელი ორგანოა კლუბის გამგეობა;

12) ნებისმიერ წევრს უფლება აქვს არჩეულ იქნას ან აირჩიოს გამგეობის წევრი;

13) კლუბის წევრს უფლება აქვს მიიღოს მონაწილეობა ერთობლივ ღონისძიებებში, რომელიც კლუბის სახელით იქნება მოწყობილი;

14) კლუბის წევრს შეუძლია ისარგებლოს ფასდაკლებებით, რომელიც კლუბისთვის არის დაწესებული;

15) კლუბის წევრის მიერ წევრობისთვის შესატანი საწევრო არის თვეში 10 ლარი, ეს თანხა ხმარდება კლუბის განვითარებას, რეკლამირებას, საკლუბო ატრიბუტიკის დამზადებას, ნადირობის კულტურის განვითარებას, სანადირო მეძაღლეობის ხელშეწყობას, ფორუმისა და ვებ გვერდის განვითარებას და ა.შ;

16) კლუბის ლიკვიდაციის შემთხვევაში მისი ქონება გადაეცემა ერთ ან რამდენიმე არაკომერციულ – მსგავსი მიზნების მქონე იურიდიულ პირს, რომლის შესახებაც გადაწყვეტილებას იღებს ლიკვიდაციის შესახებ გადაწყვეტილების მიმღები ორგანო;

17) კლუბის წევრობისათვის აუცილებელია, რომ კლუბის წევრობის კანდიდატი დადიოდეს კლუბის მიერ მოწყობილ თევზაობებზე, ნადირობებზე და სხვა ღონისძიებებზე. უნდა გააცნოს კლუბის წევრებს თავი. უნდა ეთანხმებოდეს კლუბში მიღების წესებს, კლუბის მიზნებს და წესდებას;

18) კლუბის წევრთა კრება უფლებამოსილია წევრთა 2/3-ის შეკრების შემთხვევაში;

19) კლუბის წევრთა კრებაზე გადაწყვეტილების მიღება ხდება კრების მონაწილეთა ხმების უმრავლესობით (50%+1);

20) კლუბის მმართველი ორგანო აირჩევა 1 წლის ვადით;

21) კლუბის წევრს გადაეცემა წევრობის დამადასტურებელი მოწმობა და მაღალი ხილვადობის კები კლუბის სიმბოლიკით;





1. კლუბის ძირითად მიზანს წარმოადგენს დაიცვას და გაუფრთხილდეს ბუნებას. გააუმჯობესოს ფაუნის წარმომადგენელთა არსებობის პირობები მეცნიერულად დადასტურებული მეთოდებით, კერძოდ სანადირო აღკვეთილების შექმნის გზით.

2. მიზნის მისაღწევად კლუბი იხელმძღვანელებს საქართველოში მოქმედი კანონმდებლობით და არსებული წესდებით შემდეგი ამოცანების გადასაჭრელად:

ა) ჩაატაროს საგანმანათლებლო სამუშაოები ბუნების დაცვის მიზნით;

ბ) კლუბის წევრებისათვის მოამზადოს ღონისძიებები ერთობლივი ნადირობის და თევზაობის მიმართულებით საქართვერლოში მოქმედი კანონმდებლობის შესაბამისად;

გ) ხელი შეუწყოს კლუბის წევრებში და გარეთ სპორტული ნადირობის და თევზაობის პროპაგანდას;

დ) ითანამშრომლოს აქტიურად მონადირე ძაღლების კლუბთან და კლუბთან ერთად აქტიურად მიიღოს მონაწილეობა მონადირე ძაღლების მოშენებასა, გამოფენებსა თუ სხვა ღონისძიებებში;

ე) მოამზადოს ტრენინგები და სემინარები სანადირო მეურნეობების მენეჯმენტის მიმართულებით, ხელი შეუწყოს ჯანმრთელი ცხოვრების წესის პროპაგანდას;

ვ) ითანამშრომლოს უცხოურ დონორ ორგანიზაციებთან გადაშენების პირას მყოფი ნადირი ფრინველის მოშენებასას და დაცვის მიმართულებით;

ზ) ხელი შეუწყოს სახელმწიფო დაცვის ორგანოებს ბრაკონიერებთან ბრძოლაში.

- ასევე ეწევა სხვა საქმიანობას, რაც არ არის აკრძალული მოქმედი კანონმდებლობით!

კლუბის ყველა წევრი სარგებლობს, ააიპ "საქართველოს მონადირეთა და მეთევზეთა კლუბი - "ოჩოპინტრე"-ს წევრის ყველა პრიორიტეტით!


განაცხადი: გადმოწერა: http://forum.ochopintre.ge/sound/Ocho_A4_Col.rar



ანკეტებთან ერთად აუცილებელია, კლუბში მისაღები განმცხადებლის საპასპორტო სურათის ციფრული (ელეკტრონული) ვერსია, მინიმალური გარჩევადობით 640X480 რომელიც უნდა გამოაგზავნოთ ელ. მისამართზე: Davitus[@]msn.com

კლუბის წევრობის მსურველებმა დაპოსტეთ ამ თემაში!

სხვა, თემასთან შეუსაბამო პოსტები, წაიშლება!!!

[თაზო]

+1 ბატონ რეზოს.

[nrg200]

nrg200

სავარაუდოდ დასუფთავების აქციაზე, რომელიც უახლოეს მომავალში განხორციელდება...

მაინც როდის? დაუგეგმავად არ გახვიდეთ თქვენს გვერდით მსურს ყოფნა

[ჩელე]

nrg200

დაუგეგმავად არც გავდივართ დაანონსდება აუცილებლად ფორუმზე და შეიტყობთ.

[ROMAN]

მოგესალმებით!
მე გახლავართ რომან ქურციკიძე და დიდი სურვილი მაქვს გავწევრიანდე თქვენს კლუბში.

[ZEZVA1]

მოგესალმებით!
მე გახლავართ ზეზვა ქავთარაძე და დიდი სურვილი მაქვს გავწევრიანდე თქვენს კლუბში.

[ოთო.]

ROMAN
ZEZVA1
მოგესალმებით. ორივეს ზუსტად იდენტური ტექსტი გაქვთ უბრალოდ დაემთხვა თუ რახდება?

[თაზო]

ოთო.
მე მოგახსენებ პატივცემულო რაც ხდება)) ორივე კანდიდატი არის ჩემი ახლობელი, კარგი ადამიანები და მონადირეები. ასევე მეთევზეებიც. ზეზვა ჩემი უფროსი ბიჭის რაგბის ტრენერია, რომა ჩემი მაგარი ახლობელი და ძმა. ჩვენთან ორივეს ბევრი იცნობს და ახლობლობს ამ ბიჭებთან, ჰქონიათ შეხება ბუნებაშიც და სუფრასთანაც. ორივეს დიდი ხანია უნდათ ოჩოელობა, მოერიდათ აქტიურები რომ არ არიან და ასე ლამაზად ჩამოაწიკწიკეს ტექსტიც მაგიტომ მორიდებულად)))) მე ორივე ხელით ვუწევ რეკომენდაციას ორივეს. დარწმუნებული ვარ, ამ ადამიანების სახით ნამდვილი ქართველები და კაცები შეგვემატება ოჯახში. რამდენი ვწერე

[ოთო.]

თაზო
სხვათა შორის დღეს მეც გავიცანი რომა ნამდვილი მონადირული გაცნიბა იყო მინდორი ძაღლები და მერე ცივი ღვინო.

[general]

ROMAN
ZEZVA1

ეს მაგარი ხალხი ნამდვილად კლუბის ღირსია, უამრავი ამბავი გვაქვს ერთად გადახდენილი და შესაბამისად ორივეს რეკომენდაცია ჩემგან უდაოდ მოუხდებიან კლუბს სტრუქტურულად

[Nodar_Ilarionich]

მოგესალმებით, მეც ვუწევ რეკომენდაციას ზეზვასა და რომას, ორივესთან ერთად ხშირად ვყოფივარ სათევზაოდ, სანადიროთა და სუფრაზე, ორივე თავისი ინდივიდუალურობით ნამდვილად შემატებენ კლუბს მრავალფეროვნებას.

მოგესალმებით, მეც ვუწევ რეკომენდაციას ზეზვასა და რომას, ორივესთან ერთად ხშირად ვყოფივარ სათევზაოდ, სანადიროთა და სუფრაზე, ორივე თავისი ინდივიდუალურობით ნამდვილად შემატებენ კლუბს მრავალფეროვნებას.

[giokupra]

მოგესალმებით მეგობრებო! ერთი რაგაც მაინტერესებს ვარ 17 წლის და თუ შემიძლია კლუბში გაწევრიანება ?

[ჩელე]

giokupra

მოგესლამები. მისასალმებელია შენი მონდომება ჩემო კარგო. მაგრამ როგორც ყოფით ცხოვრებაში ხდება, ისე ხდება აქაც კლუბში გაწევრიანება. როდესაც ადამიანს გაიცნობ, მაშინვე ხომ არ ეძმაკაცები? რაღაც პერიოდი უნდა გავიდეს, გაიცნო ნორმალურად, დაუმეგობრდე და შემდეგ უკვე ან ძმაკაცობ მასთან ან არა. ასეა აქაც. ამიტომ, ჯერ გაგვიცანი კარგად, ნახე როგორი ხალხი ვართ. იქნებ საერთოდ არ მოგწონვართ და საერთოდ სხვა მიზნები გვაქვს ჩვენ და შენ სხვა. ამიტომ იაქტიურე ფორუმზე. არის ხოლმე უამრავი ღონისძიება, სადაც შეგიძლია მონაწილეობა მიიღო. ჩვენც გაგიცნობთ კარგად და შემდეგ ერთად გადავწყვიტოთ იქნები თუ არა ჩვენ გვარდით.

[giokupra]

მადლობა ჩელე ინფორმაციისთვის გაიხარე. გასაგებია ყველაფერი კარგი წესები გქონიათ, მე ძირითადად "სპორტულ თევზაობით " ვარ დაკავებული, ნადირობა ამავდროულად ძალიან მიყვარს მალე სრულწლოვანი ვხდები და მინდა ბევრი ახალი მეგობარი შევიძინო ! ! ! მადლობა კიდევ ერთხელ ინფორმაციისთვის მეგობარო გავითვალისწინებ შენს რჩევას და იმედია ბევრი კარგი მონადირე მეყოლება გვერდით

[ჩელე]

giokupra

ბევრი კარგი მონადირე მეყოლება გვერდით

მეთევზეებმა რა დავაშავეთ?

[giokupra]

მეთევზეები ხო საერთოდ. თევზაობა ჩემი სტიქიაა სადაც არ უნდა ვიყო ყველგან ვთევზაობ რა