სოკოები, მდებარეობა მანგლისი პარამეტრები

[Georgian]

მოგესალმებით ყველას! მართალია ეს ფორუმი მონადირეთა და მეთევზეთა მცოდნეებისათვის არის და დამწყებთათვის, მაგრამ სოკოც კარგი რამეა. მონადირეობის რა გითხრათ სულ 2-3 ვარ ნამყოფი სანადიროდ გაბზარულ-კონდახიანი 1 ლულიანი იჟი მაქვს და კარგი შტიკი რადგან სოკოების განყოფილებაც არის აქ დავწერ ჩემს პირად გამოცდილებას, სოკოზე ძალიან ხშირად დავდივარ ყოველ სეზონზე. ძალიან მიყვარს როგორც სოკოზე სიარული ასევე მისი მომზადება და კაი ჭაჭასთან ჭამაც. ძირითადად მანგლისის მთებში.

მანგლისი - მოდის ვარყა (მთაში ეძახიან "გრუზძ") მოდის ძირითადად წიწვოვანში, არის თავიდან ბოლომდე თეთრი ფერის. ამოდის წიწვის და ფოთლების ქვეშ და მიწისაგან და ფოთლებისგან ედება თავზე მოყვითალო ფერი. მისი შემჩნევა არის რთული თუ ზემოდან დახედავთ რადგან არის წიწვების ქვეშ, როდესაც გრუზძს ეძებთ უნდა დააკვირდეთ ქვემოდან ზემოთ, ანუ როდესაც არის აღმართი, არ უნდა ეძებოთ ზემოდან ქვემოთ უნდა შეხედოთ ქვემოდან, ასე შეიძლება ბევრი სოკო გამოგრჩეთ. ასევე იზრდება ოჯახებად, როდესაც აღმოაჩენთ 1 ან რამდენიმე სოკოს აუცილებლად უნდა მოთხაროთ მინიმუმ 1 მეტრი გარშემო მიწა აუცილებლად ნახავთ კიდე. დახასიათება: არის ერთ-ერთი მწარე სოკოთა ოჯახიდან. იზრდება სიგანე 1სმ დან 50 სმ მდე. სიმაღლე - 1სმ დან 10 სმ მდე. მომზადების წესი: პირველ რიგში მოკრეფიდან კარგად უნდა გავრეცხოთ, დანით უნდა მოვაშოროთ მიწა და წიწვები, ოღონდ ფრთხილად რომ ბევრი ხორცი არ მოვაშოროთ. შემდეგ რომ კარგად გავრეცხავთ უნდა გამდინარ წყალში იყოს 1 საათით. შემდეგ ჩავყრით დიდ ქვაბში და ავადუღებთ, ვადუღებთ 10-15 წუთი მეტი არა თორემ შეიძლება დაიშალოს. შემდეგ გამოვრთავთ და იმავე ქვაბში გავაჩერებთ დილამდე. ამით სრულიად მოშორდება სიმწარე. შემდეგ უკვე ტექნოლოგიის მიხედვით დავამარინადებთ, ყველას თავისი ტექნოლოგია აქვს მე პირადად ესე ვაკეთებ, ძმარს ვასხავ წყალს 1 ლიტრზე 300 გრამი რომ ძალიან მძაფრი არ იყოს სოკო დამარინადებული, ვისაც კაი მჭავე უყვარს შეუძლია არც გაუკეთოს წყალი. ძმარს ვადუღებთ და ვაციებთ. ვდებთ ადუღებული წყლით კარგად გარეცხილ ქილებში სოკოს ფენა-ფენა ვალაგებთ დაფნის ფოთოლს და ქინძს (ოღონდ გამხმარს) რომ ავავსებთ სოკოს შემდეგ ჩავასხავთ ძმარს პირამდე ავსებთ და ცოტა ხნით დაველოდებით ძმარი ჩაიწევს ქვემოთ და გაიჟღინთება სოკოები, შემდეგ დავამატებთ ძმარს ავავსებთ პირამდე და კარგად დავხუფავთ. 1 კვირაში შეგიძლიათ გახსნათ და მიირთვათ. შეგიძლიათ ზამთრამდეც შეინახოთ.

აგერ ჩვენი მოკრეფილი 30 სმ სიგანის გრუზძი

[Gcckoka]

[koba1973]

ფოტო განწყობისთვის.

[უიარაღო]

კობა როდინდელი სურათია და რა სოკოა? რაღაც ვერ ვიცანი.

[ჩელე]

ქამა აშკარად არ არის. ან როდის მოასწრო ამოსვლა ამ ყინვებში?

[koba1973]

ჩვენთან მელანას ან მელანოს ეძახიან. სურათი სამი ოთხი დღის წინანდელია. ყველგან ჯერ არ არს ამოსული. ძველ საქონლის ნადგომ(ნაალხაჯარ) ადგილებში მოვძებნე და 3 დიდი ცელოფნის პარკი ავავსეთ.