ვეტერინარია პარამეტრები

[გოგა]

ეზო მაქვს.გარეთ დარბის სულ ეზოში.ძაღლს სახლში რა უნდა როცა ეზო გაქვს

[919]

ხო და ძაღლის სუნს რაც ეხება, ეს ხშირად ორი რამის მიზეზია,
1. პირიდან სუნი, კბილების ან კუჭის გაღიზიანების მანიშნებელი
ამ შემთხვევაში ძაღლს სპეციალურ პასტას აჭმევენ და სუნი უქრება.
2. პროქტიტი ანუ უკანალში არსებული ჯირკველის ანთება, რასაც
ვეტერინარი შველის სათანადო ... ამორწყევით.
ეს არის ან მოხარშული ძვლების ან უვარგისი საკვების ბრალი, თუმცა
შეიძლება მაგრად უვლიდე და პროქტიტი მაინც ჰქონდეს.
ამიტომაც, არ მისცეთ ძაღლს მოხარშული ძვალი!!! მხოლოდ უმი
და სასურველია მხოლოდ სახსრის წილი, აი ხრტილი რომ აქვს ზედე.
ნუ სუნზე მემგონი სულ ეგ არის რა

[ვანიჩკა]

წეჩკის დროს ხშირი შარდვა ახასიათებს ძაღლს?

[barambo]

ვანიჩკა

წეჩკის დროს ხშირი შარდვა ახასიათებს ძაღლს?

ველურ ბუნებაში ხშირი შარდვით ძუ ტოვებს შეტყობინებას ხვადებისთვის შეჯვარებისთვის მზადყოფნის შესახებ.შარდთან ერთად გამოიყოფა ნივთიერება,რომლის სუნიც ხვადს უადვილებს ატეხილი ძუს მიგნებას. ეს ჩვევა შემორჩენილი აქვთ შინაურ ცხოველებსაც,ასე რომ საგანგაშო არაფერია.

[Dr Regners]

პროფილაქტიკური აცრები – პრობლემა, რომელსაც ყურადღება უნდა მიაქციონ არა მხოლოდ ძაღლების, არამედ კატების მფლობელებმაც. ძაღლთა ყველაზე საშიში და გავრცელებული ინფექციური ავადმყოფობებია: ხორცის მჭამელი ცხოველების შავი ჭირი, ჰეპათიტი, პარვოვიროზი, ლეპტოსპიროზი, ცოფი; კატებისა: ვირუსული რინოტრაქეიტი; კალცივირუსული ინფექცია, კატების პანლეიკოპენია და ცოფი. ცხადია, უფრო მარტივია ყველა ამ ავადმყოფობის შესახებ გაფრთხილება, ვიდრე მათი მკურნალობა. ჩატარებული აცრების შესახებ ყველა ცნობა შეიტანება ვეტერინარულ პასპორტში, რომელიც ფორმდება ვეტერინარის მიერ ვაქცინის სახეობის, ვაქცინაციის თარიღისა და ვაქცინაციის ჟურნალში რეგისტრაციის ნომრის მითითებით. ეს განსაკუთრებით მნიშვნელოვანია, თუ თქვენ გეგმავთ გამოფენებზე მონაწილეობას ანაც ქვეყანაში ან მის ფარგლებს გარეთ ოთხფეხა მეგობართან ერთად მოგზაურობას.

ვაქცინაციის ვადები: ლეკვების აცრა პირველად 8-9 კვირის ასაკში ხდება, 3-4 კვირაში ატარებენ რევაქცინაციას იმავე აცრებით, ამ შემთხვევაში განმეორებით რევაქცინაციას ატარებენ 10 თვეში (წელიწადში), ამასთან ცოფის აცრასაც. კნუტებს ვაქცინაციას პირველად 9-12 კვირის ასაკში პოლივალენტი ვაქცინით უკეთებენ, შემდგომი რევაქცინაცია უნდა მოხდეს 3 კვირაში ამავე ვაქცინით, ამასთან უნდა გაკეთდეს ცოფის ვაქცინაც. უფრო ადრეულ ასაკში მაღალია დედისეული ანტისხეულების დონე, რომელთაც კნუტები და ლეკვები რძესთან ერთად იღებენ, ამიტომაც ამ პერიოდში ვაქცინაცია არაეფექტურია.

ზრდასრული ცხოველების ვაქცინირება საჭიროა წელიწადში ერთხელ ყოველწლიურად.

აქტიური იმუნიტეტის გამომუშავება არ ხდება ვაქცინაციის მომენტიდან 10 დღის შემდეგ, ამ პერიოდში აუცილებელია თვალი ადევნოთ იმას, რომ ცხოველები არ გაცივდნენ, არ შეიძლება მათთან ერთად ქუჩაში სეირნობა, არ არის რეკომენდირებული მათი დაბანვა.

თუ დაავადებულ ცხოველთან კონტაქტი უკვე მოხდა ან ავადმყოფობა განვითარების ადრეულ სტადიაზეა, მაშინ შესაძლებელია ჰიპერიმუნური შრატების გამოყენება. შრატი – ეს არის მზა ანტისხეულები ძაღლებისა და კატების ვირისული დაავადებებისათვის; იგი უზრუნვეყოფს პასიურ იმუნიტეტს 2 კვირის ვადით.

ვაქცინაციის წესები:
ვაქცინირებული შეიძლება იყვნენ მხოლოდ კლინიკურად ჯანმრთელი ცხოველები;
ვაქცინაციამდე 10 დღით ადრე აუცილებელია დეგელმინტიზაციის ჩატარება, რადგანაც გელმინტები გამოყოფენ ტოქსინებს, რომლებიც ასუსტებენ იმუნურ სისტემას და ვაქცინას არაეფექტურს ხდიან;
ვაქცინაცია (განსაკუთრებით პირველი ვაქცინაცია) უნდა ჩაატაროს ვეტერინარმა კლინიკაში, რადგანაც არაა გამორიცხული ვაქცინათა ისეთი ნეგატიური ქმედებები, როგორიცაა სხვადასხვა ალერგიული რეაქცია, მათ შორის ანაფილაქსიის უმძიმესი მდგომარეობები. ამიტომაც, ამ შედეგებისაგან პროფილაქტიკისათვის და დაცვისათვის აცრამდე იყენებენ რომელიმე ანტიჰისტამინ პრეპარატს (დიმედროლი, სუპრასტინი, ტავეგილი).


ლინკი წაშლილია, ადმინისტრაციასთან შეუთხანმებლად, ღია რეკლამა იკრძალება.

ადმინისტრაცია

[გოგიტა]

ვაქცინირებული შეიძლება იყვნენ მხოლოდ კლინიკურად ჯანმრთელი ცხოველები;

კლინიკურად ჯანმრთელი რას ნიშნვას?

[Dr Regners]

ეს ტერმინი სამედიცინოა და ნიშნავს ჯანმრთელ ცხოველს

[გოგიტა]

10 წლის კურცხარი მყავს და რამდენად უსაფრთხო იქნება მისი ცოფზე აცრა,
უკვე ხანში შესულია და ასაკის გამო უკუჩვენება ხომ არ ექნება?

დღემდე ყოველ წელს ვცრიდი. ფიზიკურადაც ძაღლი ჯანმრთელად გამოიყურება და ეს ყველფერი საკმარისია, რომ აიცრას?

[Dr Regners]

თქვენს ძაღლს უკბინა ტკიპმა, როგორ უნდა მოიქცეთ?

უპირველეს ყოვლისა – ტკიპა უნდა მოაშოროთ ძაღლს, რაც შეიძლება მალე. ამის გაკეთება შესაძლებელია. ამისათვის პინცეტით დააფიქსირეთ ტკიპა მის თავთან რაც შეიძლება ახლოს და ფრთხილად ამოიღეთ კანიდან. არ შეიძლება ტკიპის ამოწევა, რადგან ამ შემთხვევაში არსებობს კანში პარაზიტის პირის აპარატის ნაწილის დატოვების რისკი, ამან კი შეიძლება გამოიწვიოს ადგილობრივი ანთების განვითარება. თუ შიშობთ დამოუკიდებლად მოქმედებას – მიმართეთ ვეტერინარს, მას აქვს სპეციალური მოწყობილობები პარაზიტის უსაფრთხო მოშორებისათვის. მოშორების შემდეგ საჭიროა ნაკბენის ადგილის დეზინფიცირება იოდით ან “სპირტით”.

ძაღლების შემთხვევაში ტკიპა საშიშია იმით, რომ ზოგი მათგანი ინფექციური დაავადებების მატარებელია და მათი ათვისება შეუძლია თქვენს ძაღლს. ამიტომაც, ძალზე მნიშვნელოვანია კბენის მერე ყურადღებით ადევნოთ თვალი ცხოველის ჯანმრთელობის მდგომარეობას. ყველაზე გავრცელებული და საშიში დაავადებაა – ძაღლების პიროპლაზმოზი ან ბაბეზიოზი. პიროპლაზმები – შიდაუჯრედოვანი უმარტივესი მიკროორგანიზმები – ტკიპისაგან ძაღლს გადაეცემა კბენისას (ნერწყვთან ერთად). საინკუბაციო პერიოდი შეადგენს 6-15 დღეს, რის შემდეგაც ჩნდება დაავადების პირველი სიმპტომები: ტემპერატურის ამაღლება, მოდუნებულობა, მადის დაკარგვა, შარდი მუქია ან სისხლნარევი. თუ ამ სიმპტომებიდან ერთი მაინც არსებობს, მალევე მიმართეთ ვეტერინარს ზუსტი დიაგნოზის დასადგენად. პიროპლაზომზი თავისით არ მორჩება, მკურნალობის გარეშე ცხოველი მოვკდება, შეყოვნება კი აუარესებს ხელსაყრელი შედეგის შანსებს. სამწუხაროდ, ამ დაავადების საწინააღმდეგო ვაქცინები არ არსებობს.

უფრო იშვიათი, მაგრამ ასევე უსიამოვნო დაავადება – ეს არის ბორელიზო ან ლაიმას დაავადება. საინკუბაციო პერიოდი შეიძლება იყოს ძალიან ხანგრძლივი, რამდენიმე თვემდე, უმრავლეს ცხოველს კი სიმპტომები საერთოდ არ უვითარდება. თუმცა, ისეთი სიმპტომების გამოვლენისას, როგორიცაა სიკოჭლე ამაღლებულ ტემპერატურასთან, მოდუნებულობასთან, კანზე ეროზიასთან და გამონაყართან შეხამებით, აუცილებელია მიმართოთ ვეტერინარ სპეციალისტებს დიაგნოსტიკისა და მკურნალობის სფეროში.

იმისათვის, რომ საკუთარი თავი და თქვენი ცხოველი მსგავსი უსიამოვნებებისაგან დაიცვათ, აუცილებელია ტკიპების თავდასხმის პროფილაქტირება სპეციალური პრეპარატების დახმარებით. 3-4 კვირაში ერთი დამუშავება მაღალი (მაგრამ არა 100%-იანი) ალბათობით გამორიცხავს ტკიპების თავდასხმას.

http://vet-express.ge/about_us.php

თუ სანადიროდ არ გაგაყავთ და არ არის კონტაქტში ცხოველებთან შეგიძლიათ არ აცრათ.

[ვანიჩკა]

თენგო

ველურ ბუნებაში ხშირი შარდვით ძუ ტოვებს შეტყობინებას ხვადებისთვის შეჯვარებისთვის მზადყოფნის შესახებ.შარდთან ერთად გამოიყოფა ნივთიერება,რომლის სუნიც ხვადს უადვილებს ატეხილი ძუს მიგნებას. ეს ჩვევა შემორჩენილი აქვთ შინაურ ცხოველებსაც,ასე რომ საგანგაშო არაფერია.

და 2 კვირის მანძილზეა ხო ატეხილი?

[გოგა]

Dr Regners
ჯერ ერთი კეთილი იყოს შენი ფეხი ჩვენსკენ გაგვეცანი მეგობარო და გვითხარი რა გამოცდილება გაქვს ვეტერინარიაში(გეტყობა რო ცოდნა გაქვს),რამდენი წლის ხარ და ასე შემდეგ
ეს ყველაფერი შეგიძლია დაწერო ამ თემაში
http://forum.ochopintre.ge/index.php?showtopic=15



გურიკ რა ქენი შენი ძაღლი აჩვენე ვეტექიმს?გვითხარი რა ჭირს ბოლო ბოლო

[Maverick]

თენგო


და 2 კვირის მანძილზეა ხო ატეხილი?

თუ შეჯვარებას არ აპირებ, მაშინ მინიმუმ 1 თვე შენი უბნის მაწანწალებთან ერთად მოგიწევს ძაღლის გასეირნება, ''პაჩოტნი'' ყარაული მუდამ შენს გვერდით იქნება

[barambo]

ვანიჩკა

და 2 კვირის მანძილზეა ხო ატეხილი?

მინიმუმ 21-22 დღე საფრთხილოა.

[919]

Dr Regners

მოგესალმებით, როგორც ახალ ვეტერინარსა და კლუბის წევრს.
მაქვს შეკითხვა თქვენს კლინიკასთან დაკავშირებით. გაქვთ თუ არა დამხმარე სასუნთქი აპარატი PO6
ხანგრძლივი ქირურგიული ოპერაციის ჩასატარებლად. მკითხავთ ალბათ თუ რათ მინდა.
მყავს 2 ძაღლი, უნცროს ესაჭიროება ტრავმატოლოგიურ-ორთოპედიული ოპერაცია, რომელიც
გაგრძელდება ~5 საათი. ნარკოზი გვესაჭიროება ინჰალაციური და არა პარენტელარული...
აგრეთვე ვეძებთ საოპერაციოს. წინასწარ მადლობა!

პატივისცემით
გიგა

[ვანიჩკა]

Maverick

თუ შეჯვარებას არ აპირებ, მაშინ მინიმუმ 1 თვე შენი უბნის მაწანწალებთან ერთად მოგიწევს ძაღლის გასეირნება, ''პაჩოტნი'' ყარაული მუდამ შენს გვერდით იქნება

ამ დროს მინდორში საგეშად გაყვანასაც არ ექნება ხო აზრი?