სპინინგი, ზოგადი საუბრები პარამეტრები

[გიორგი]

მტაცებელ თევზებზე ნადირობა მთელ მსოფლიოში უდიდესი პოპულარობით სარგებლობს. ულამაზესი ორაგულისებრი მტაცებლის – კალმახის არსებობას უნდა ვუმადლოდეთ თევზაობის “უმაღლეს პილოტაჟად” აღიარებულ ყველაზე ელეგანტური მეთოდის ჩამოყალიბებას, რომელსაც ინგლისურად FLY FISHING-ი ეწოდება.

რიგი მიზეზების გამო ამ ულამაზესი მეთოდით თევზაობა საქართველოში ნაკლებად პოპულარულია. FLY FISHING-თან შედარებით ჩვენში ოდნავ მეტად მოიკიდა ფეხი სპორტული თევზაობის მეორე, არანაკლებ მომხიბლავმა მეთოდმა, რომელსაც ინგლისურად SPINNING-ი ეწოდება. აქვე მინდა დავძინო, რომ ქართული სათევზაო ტერმინოლოგია ძალზე ღარიბია და ჩვენი მეთევზეების დიდი ნაწილი რუსულ ტერმინებს ხმარობს.

ამავე დროს სათევზაო სამყარო ძირითადად ინგლისურ ტერმინოლოგიას იყენებს და უმჯობესია ნურც ჩვენ გადავუხვევთ არსებულ ტრადიციას. ამას იმიტომ კი არ ვამბობ, რომ ჩვენ არ შევეცადოთ ტერმინოლოგიის გადმოქართულებას, არამედ პირიქით, სათევზაო ტერმინებს მაქსიმალურად შევუსადაგოთ ქართული სიტყვები და მხოლოდ იმ შემთხვევაში გამოვიყენოთ ინგლისური ან სხვა ტერმინები, როცა ისინი მთელ მსოფლიოშია შემოღებული.

სამწუხაროდ დღეს-დღეობით ქართველი მეთევზეების დიდი უმრავლესობა არაინფორმირებულობის გამო “სპინინგს” მოიხსენებს სხვადასხვა არასწორი მნიშვნელობით. სინამდვილეში კი სპინინგი მხოლოდ და მხოლოდ მტაცებლებზე თევზაობის მეთოდია და არა ჯოხი, რომლის მნიშვნელობითაც მას უმეტეს შემთხვევაში იყენებენ.

მტაცებლებზე სპინინგით თევზაობა ორიოდ ათეული წლის წინ დავიწყე, და ისე გამიტაცა, რომ ყველა სხვა მეთოდით თევზაობას თავი დავანებე. წარმოიდგინეთ მდინარის, ან ტბის კამკამა წყლის სივრცეში მოფარფატე სატყუარა, რომელსაც უეცრად ლოდის, მორის, ან წყალმცენარის უკან ჩამალული მტაცებელი გამოეკიდება, ელვის სისწრაფით დაეწევა და ეძგერება. ხოლო ნემსკავზე აღმოჩენის შემთხვევაში წარმოგვიდგენს განუმეორებელი წარმოუდგენელი ენერგიით აღსავსე ფინტების კასკადს ნემსკავიდან გათავისუფლების მიზნით. მნიშვნელოვანი ისაა, რომ მთელი ეს სანახაობა მტაცებლების საბინადრო სუფთა და გამჭვირვალე წყლის წყალობით მონადირისათვის თვალსაჩინოდ ხდება და ძლიერ ამაღელვებელ სანახაობას წარმოადგენს! ასეთი ემოციური სანახაობები სპინინგით თევზაობისას ძალზე ხშირია და მონადირეზე დაუვიწყარ შთაბაჭდილებას ახდენს.

საქართველოში სპინინგით მტაცებლებზე მონადირენი ძალზე ცოტანი ვართ. როდესაც მხოლოდ ვიწყებდი, მაშინ მხოლოდ ხელზე ჩამოსათვლელნი თუ ვიქნებოდით. დღეს უფრო მეტნი ვართ, მაგრამ მაინც არასაკმარისად ბევრნი, როგორც ამას მტაცებლები და მათზე ნადირობის ეს მშვენიერი მეთოდი იმსახურებს. ღირსეული მტაცებლებზე მონადირე სპინინგისტი – ნამდვილი ბუნების ქომაგია! ის არ დაუშვებს თევზის უმოწყალოდ განადგურებას.

იმედს გამოვთქვამ, რომ წესიერი და პატიოსანი მეთევზეების მომრავლებითა და ერთობლივი ძალისხმევით შევძლებთ ჩვენი წყლების ლამაზ მობინადრეებზე ბრაკონიერების საშინელი პრესის ნაწილობრივ შემსუბუქებას.
ამ საქმეში საჭიროა თვით მოსახლეობისა და პირველ რიგში ბუნების ქომაგი მეთევზეების უფრო მეტი აქტიურობა, რადგან ვხედავთ, რომ ბუნების დასაცავად შექმნილი და მოწოდებული სახელმწიფო ორგანოები სათანადოდ ვერ ართმევენ თავს მათზე დაკისრებულ მოვალეობებს. როგორც გვახსოვს, ახლო წარსულში ხშირ შემთხვევაში ბრაკონიერობა ხდებოდა თვით რაიონების ხელმძღვანელებისა და ძალოვანი სტრუქტურების უშუალო მფარველობის ქვეშ – ვისაც ბუნება უნდა დაეცვა თვითონ აჩანაგებდა მას.

იმედია ახლადშექმნილი გარემოს დაცვის ინსპექცია სხვა კეთილ საქმეებთან ერთად საქართველოს მცირე მდინარეებს, ტბებსა და არხებსაც მიაქცევს ჯეროვან ყურადღებას. გვესმის, ეს ძალზე ძნელია მცირე დაფინანსების, ინფორმაციის, კომუნიკაციის და გადაადგილების საშუალებების უაღრესად შეზღუდულ პირობებში. მაგრამ, კიდევ ერთხელ გამოვთქვამ იმედს, რომ თვით მონადირეების, ადგილობრივი მოსახლეობისა და გდი-ის ერთობლივი ძალისხმევით ახლო მომავალში შევძლებთ იმდენად დავიცვათ მტაცებელთა საბინადრო წყალსატევები, რომ პირველ ეტაპზე გადავარჩინოთ ალაგ-ალაგ შემორჩენილი მცირერიცხოვანი პოპულაციები სრული განადგურებისაგან, ხოლო მეორე ეტაპზე ნელ-ნელა ხელი შევუწყოთ გადარჩენილი პოპულაციების ზრდას.

საქართველოში მტაცებელი თევზების გადარჩენა, შენარჩუნება და შემდგომში მომრავლება მეტად მამულიშვილურ და საშვილიშვილო საქმედ მიმაჩნია. მომავალში ამ საქმემ შესაძლებელია მნიშვნელოვანი ეკონომიკური ეფექტიც კი მოგვცეს. მაგალითისათვის ბევრ განვითარებულ ქვეყანაში, (განსაკუთრებით სკანდინავიის ქვეყნები მაქვს მხედველობაში, მაგრამ არც სხვა დანარჩენი ევროპული ქვეყნები, აშშ, კანადა, ავსტრალია და ახალი ზელანდია ჩამორჩებიან) საკალმახე მდინარეები თევზით იმდენად მდიდარია, რომ საშუალებას იძლევა განვითარდეს სათევზაო ტურიზმი. ერთი პირისათვის საკალმახე ხუთდღიანი ტურის ღირებულება 2500 აშშ დოლარიდან იწყება, ხოლო საორაგულე ტურები რამდენჯერმე უფრო ძვირი ღირს. ეს მაშინ, როცა ტურის მომწყობისათვის დანახარჯები გაცილებით უმნიშვნელოა! აქვე მინდა დავამატო, რომ ამ ქვეყნებში თევზის დაცვის ღონისძიებები უმაღლეს დონეზეა დაყენებული. სახელმწიფო და თავად მდინარეების მონაკვეთების მოიჯარეები (რომელთაც მდინარის გარკვეული მონაკვეთები სახელმწიფოსაგან იჯარით აქვთ აღებული) ყოველწლიურად უშვებენ მდინარეებში ხელოვნურად გამრავლებული თევზის ლიფსიტებს. გარდა ამისა საყოველთაოდ არის გავრცელებული თევზაობის პრინციპი “დაიჭირე – და გაუშვი”. ანუ მეთევზეები იჭერენ თევზს მხოლოდ სიამოვნებისათვის. ხოლო გასტრონომიული მოთხოვნილებების დასაკმაყოფილებლად მხოლოდ ზოგიერთ მათგანს მიაქვს სახლში დაშვებული ზომის ორი ან სამი ეგზემპლარი.

მაგრამ არ იფიქროთ, რომ თევზზე ზრუნვა ამით შემოიფარგლება. პრინციპი “დაიჭირე – და გაუშვი” მჭიდრო კავშირშია თევზაობის წესების კიდევ ერთ აკრძალვასთან. მაგალითისათვის, კატეგორიულად არის აკრძალული კალმახის და სხვა ძვირფასი სახეობის თევზის ჭერა ყველა სახის ბუნებრივი სატყუარებით, ანუ როგორიცაა: ჭია, მატლი, პეპელა და სხვა. გარდა ამისა ზოგან სპინინგის ხელოვნური სატყუარებიც აკრძალულია და ნებადართულია მხოლოდ FLY FISHING-ის ხელოვნური სატყუარები – ე.წ. “ბუზები”. ეს ყოველივე იმისათვის კეთდება, რომ სატყუარამ რაც შეიძლება ნაკლები ფიზიკური ტრავმები მიაყენოს თევზს და პრინციპი “დაიჭირე – და გაუშვი” მაქსიმალურად ეფექტურად ამუშავდეს. ყველასათვის ნათელია, რომ ბუნებრივ სატყუარას თევზი ეჭვის გარეშე განსაკუთრებული აგრესიულობით ეძგერება ხოლმე და ღრმად ყლაპავს. ხშირად ამ შემთხვევაში ტრავმები სიცოცხლისათვის შეუთავსებელი აღმოჩნდება ხოლმე.

სრულიად განსხვავებულია მტაცებლებზე ნადირობა სპორტული მეთოდებით. დასაწყისისათვის მოდით ჩამოვთვალოთ იმ თევზების სახეობები, რომლებზეც შესაძლებელია სპინინგით თევზაობა: ქაშაპი, ჭერეხი, ქარიყლაპია, ქორჭილა, ფარგა, შამაია, ლოქო და სხვ. სანამ ამ თემაზე საუბარს გავაგრძელებთ, მოდით სპორტულ თევზაობასთან დაკავშირებულ რამდენიმე ტერმინზე შევთანხმდეთ. დასაწყისისათვის საყოველთაოდ ცნობილი რუსული ტერმინი “БЛЕСНА” მოდით შევცვალოთ ინგლისური SPINER-ით, ან საჭიროებისამებრ ტრიალა SPINER-ით. “КОЛЕБЛЮЩАЯСЯ БЛЕСНА” -ს ან “КОЛЕБАЛКА”-ს იქნებ სფუნ ბეითი ან ყანყალა ვუწოდოთ. “НАХЛЫСТ” –ს (FLY FISHING) კი შესაძლებელია “გაწკეპლვა”, “გაწკეპლვით თევზაობა” ან “შოლტით თევზაობა” მოუხდეს. არავითარ შემთხვევაში არა მაქვს პრეტენზია ჩემეული ტერმინების დამკვიდრებაში. დროთა განმავლობაში შესაბამისი ტერმინი თავად მოიკიდებს ფეხს პრაქტიკოს მეთევზეთა წრეებში.

ავტორი: troutbaiter

[Miro]

:X მიტხრეს რო სპინინგატაც გამოდგებაო და ტან არც დზაან მდზიმე არაა

[Pendragon]

Miro

"სპინინგი" არის თევზჭერის ერთ-ერთი მეთოდი და არა ჯოხის ნაირსახეობა. თუ გვინდა კითხვა დავსვათ სასპინინგე აღჭურვილობის შესახებ, უნდა ვთქვათ ასეთნაირად: "სასპინინგე ჯოხი", "სასპინინგე კოჭა", "სპინინგის სატყუარები' და ასე შემდეგ.

როგორც მივხვდი, შენ გაჩუქეს ჯოხი და კოჭა, რომლებიც განკუთვნილია ფიდერით სათევზაოდ. ასეთი ჯოხით ითევზავებ მხოლოდ ფსკერული მეთოდით და სპინინგისთვის ვერ იხმარ. გადახედე სპინინგის განყოფილებას, მანდ არის ცალ-ცალკე აღჭურვილობებზე თემები და წერია რა გამოგადგება და რა არა...

[Miro]

დიდი მადლობა პასუხისთვის,
ერთი კითხვა კიდე მაქ თუ ჯოხი სპინინგის გრამებში (ანუ ჯოხის ტესტი) ექვემდებარება სპინინგის სტანდარტს მაშინ ნებისმიერი ჯოხით სჰეილება თევზაობა?

[Fuego]

To Pendragon
ფიდერით "სპინინგაობა" ვერ იქნება მოსახერხებელი როცა ფიდერი ჰევი ან ექსტრაჰევია, მაგრამ თუ ფიდერი ლაითია ან საერთოდ პიკერია - მაშვინ ჯიგისთვის ზედგამოჭრილი იქნება (ოღონდ კაი "კაჩოკი"-ს ხელში) ფიდერის კოჭა კი ძაან იშვიათი რამაა და ნებისმიერი ფიდერისტი შესაბამისი კლასის სპინინგის კოჭაში დიდი სიამოვნებით გაცვლის - რა თქმა უნდა - თუ სჭირდება

To Miro

სპინინგის ტესტი გრამებში მიუთითებს მიახლოებით რა წონის სატყუარების სასროლად იქნება ესათუის ჯოხი განკუთვნილი და აქაც თვითონ მეთევზესა და სატყუარაზეცაა დამოკიდებული რამდენად კომფორტულად იგრძნობს სროლას.

[Miro]

http://www.amazon.com/Shimano®-Solara-Spi...mp;sr=8-4-spell
აი ეს ნახეთ რა იქნებ მირჩიოთ და რა ზომა ჩამოვიტანო იქნებ ეგეც მითხრათ

[Pendragon]

Fuego
ნუ ეგრე ბამბუკის ჯოხებითაც სპინინგობენ დასავლეთში ადგილობრივები. ამასთან ერთად, იყენებენ ინერციულ კოჭებს და თევზსაც იჭერენ

ამ კაცს, როგორც ამბობს, შეძენაც სურს სასპინინგე აღჭურვილობის და ბარემ შესაბამისი ჯოხის ყიდვა ვურჩიოთ, მე მგონი აჯობებს

[Fuego]

To Miro

http://forum.ochopintre.ge/index.php?s=&am...ost&p=89478

და კიდევ - ეცადე ერთიდაიგივე საკითხი არ დააყენო ყველა თემაში.

[nikoloza_migina]

http://www.amazon.com/Shimano®-Solara-Spi...mp;sr=8-4-spell
აი ეს ნახეთ რა იქნებ მირჩიოთ და რა ზომა ჩამოვიტანო იქნებ ეგეც მითხრათ

მირო ამას ტუ გამოიწერ მეც მაწყოპს და ერტად ჩამოვიტანოტტტ

[Fuego]

წესი პირველი - სანამ რამეს შეუკვეთავ, გაიაზრე - გჭირდება თუ არა ეგ ნივთი.
წესი მეორე - კარგად ადითვალე ნივთის საფასური - ტრანსპორტირების ფასმა შეიძლება რამდენჯერმე გადააჭარბოს ნივთის ფასს.
წესი მესამე - შეისწავლე ადგილობრივი ბაზარი, ღირს კი "იქიდან" ბრმად გამოწერა, პრაქყტიკულად გარანტიის გარეშე.

წესი საბოლოო - როცა რამე ძძძძძძძძძალიან გინდა, არანაირი წესი და რჩევა არ მოქმედებს.

[Miro]

მართალი ხარ

[nikoloza_migina]

Miro
ჯობს მიხვიდე FIshing club-ში და იყიდო 49 ლარიანი სპინნინგი მე მომეწონა და უნდა ვიყიდო მალეეე

[amroci]

nikoloza_migina

ეგ რა მისამართზეა?

[nikoloza_migina]

nikoloza_migina

ეგ რა მისამართზეა?

ნუცუბიდძე N8

[nikoloza_migina]

მალე იტალიაში მივდივარ და რა ფირმას მირჩევთ კოჭაზე და ჯოხზე?????

[ij18e]

სპინინგით უფრო ხშირად ქარიყლაპიას ვიჭერ სხვა თევზებზეც ვთევზაობ, მაგრამ უმთავრე ხიშნიკებზე