''ოჩოპინტრე''-ს და სსიპ - ეროვნული საშენი მეურნეობის, ნერგების დარგვის ერთობლივი აქცია პარამეტრები

[ჩელე]

16 აპრილს, საქართველოს გარემოსა და ბუნებრივი რესურსების დაცვის სამინისტროსა და მონადირეთა და მეთევზეთა კლუბ „ოჩოპინტრეს“ შორის გაფორმებული მემორანდუმის ფარგლებში, სსიპ - ეროვნულ საშენ მეურნეობაში ჩატარდა აქცია. ღონისძიების შედეგად, მეურნეობის ტერიტორიაზე ქარსაცავი და მინდორსაცავი ზოლების აღდგენითი სამუშაოები განხორციელდა. დაირგო გვალვაგამძლე სახეობები: ვერხვის და ტუიას 300-მდე ნერგი.

აღნიშნული აქციის მიზანია, სართიჭალის ზონაში გაჩეხილი და განადგურებული ქარსაფარი ზოლებისგან გამოწვეული ნიადაგის გამოფიტვისაგან დაცვა.

ღონისძიებაში მონაწილეობდნენ, სსიპ - ეროვნული საშენი მეურნეობის სპეციალისტთა ჯგუფი და მონადირეთა და მეთევზეთა კლუბ „ოჩოპინტრეს“ წევრები და ოჯახის წევრები. გეგმაში 500-მდე ნერგი იყო. მიუხედავად ქარისა და უამინდობისა, საკმაოდ მხიარული და შედეგიანი დღე გამოვიდა. ცუდი ამინდი რომ არ ყოფილიყო, უფრო მეტი ნერგი დაირგვებოდა, მაგრამ რაც დაირგო მგონი ესეც საქმეა.

დიდი მადლობა მინდა გადავუხადო ამ აქციაში მონაწილე ყველა ადამიანს. დიდი მადლობა სანერგე მეურნეობას და ყველლა მის თანამშრომელს. იმედს ვიტოვებ, რომ მსგავსი აქციები შემდგომშიც გაგრძელდება.

ესეც ფოტო მასალა.