მეორე კლუბთაშორისი შეჯიბრი სპორტინგში, ''ოჩოპინტრეს თასი- 2014'' პარამეტრები

[ჩელე]

მოგესალმებით მეგობრებო.

როგორც იცით, 13 ივლისს, მონადირეთა და მეთევზეთა კლუბმა ''ოჩოპინტრე'' უკვე მეორედ ჩაატარა კლუბთაშორისი შეჯიბრი სპორტინგში- ''ოჩოპინტრეს თასი-2014''. შეჯიბრმა საკმაოდ დიდი ინტერესი გამოიწვია როგორც მონაწილეების, ასევე დამსწრე საზოგადოების მხრიდან.

შეჯიბრში მონაწილეობა მიიღო ექვსმა კლუბმა. ესენია:

1. ჩუბინი
2. აირგანი
3. ლეგიონი
4. ექსტრიმ ფედერაცია
5. ბაზიერი
6. ოჩოპინტრე

გუნდში წარმოდგენილი იყო 3-3 მონაწილე. სულ გახლდათ 4 პოზიცია:

პირველი პოზიცია: 5 გასროლა (კლასიკური ხოხობი)
მეორე პოზიცია: 5 გასროლა დუპლი (ვალდშნეპი) (ჯამში 10 გასროლა)
მესამე პოზიცია: 10 გასროლა (კაკაბი)
მეოთხე პოზიცია 5 გასროლა დუპლი (5 გასროლა რებითი, 5 გასროლა ველური ხოხობი)

შეჯიბრს სჯიდნენ საერთაშორისო კატეგორიის მსაჯები: ავთო ანდღულაძე და შოთა თავაძე.

ამინდი გახლდათ მზიანი და ოდნავ ქარიანი.

კენჭისყრა ჩატარდა 8:30

შეჯიბრი დაიწყო 9:00

დასრულდა 16:30

როგორც უკვე მოგახსენეთ, ამინდი იყო მზიანი და ოდნავ ქარიანი. თუმცა ხანდახან ძლიერადაც წამოუბერავდა. მიუხედავად ამისა, ჩვენი სპორტცმენები არ შეუშინდნენ ქარს და სიცხეს და მედგრად იდგნენ და ესროდნენ წარმოსახვით ხოხობს, ვალდშნეპს, კაკაბს თუ კურდღელს.
შეჯიბრმა მშვიდ და მეგობრულ გარემოში ჩაიარა. იყო სიწყნარე რაც მონაწილისთვის ძალიან მნიშვნელოვანია. მსაჯები იყვნენ მკაცრი და სამართლიანები. საკმაოდ დაძაბული ბრძოლა იყო. იყო გამართლებებიც და იყო იმედგაცრუებებიც, მაგრამ რას ვიზამთ? ეს ხომ სპორტია.

რაც შეეხება გამრჯვებულებს:

პირველი ადგილი 73 ქულით მოიპოვა კლუბმა ''ჩუბინი''
მეორე ადგილი 72 ქულით მოიპოვა კლუბმა ''ლეგიონი''
მესამე ადგილი 70 ქულით მოიპოვა კლუბმა ''ბაზიერი''

რაც შეეხება საუკეთესო ექვსეულს ქულები ასე გადანაწილდა:



1. ჩუგუაშვილი ლევან- ლეგიონი გადასროლამდე: 31 გადასროლის შემდეგ: 38
2. რუსიშვილი სიმონი- ბაზიერი გადასროლამდე: 27 გადასროლის შემდეგ: 37
3. ვარდოსანიძე გიორგი- ოჩოპინტრე გადასროლამდე: 26 გადასროლის შემდეგ: 36
4. ჩუგუაშვილი ნიკო- ლეგიონი გადასროლამდე: 25 გადასროლის შემდეგ: 33
5. ეზიეშვილი ზურა- ჩუბინი გადასროლამდე: 27 გადასროლის შემდეგ: 32
6. კაპანაძე დავით- ბაზიერი გადასროლამდე: 25 გადასროლის შემდეგ: 31


დიდი მადლობა ყველას ვინც მიიღეთ მონაწილეობა ამ შეჯიბრში.
დიდი მადლობა დამსწრე საზოგადოებას.
დიდი მადლობა მსაჯებს ერთგულად ჩვენს გვერდით ყოფნის გამო.
დიდი მადლობა ბატონ შოთას და კლუბს ''აირგანი'' რომ გვათხოვეთ თქვენი კუთვნილი სასროლი მანქანები და არა მარტო.
დიდი მადლობა ორგანიზატორებს ასეთი ლამაზი დღისთვის. ჩემთვის ეს სპორტი დღითიდღე მიმზიდველი და აზარტული ხდება.

დიდი მადლობა ჩვენს სპონსორებს: მაგნუმს და გლობალ არმს-ს
და რა თქმა უნდა დიდი მადლობა რუსთავი 2-ს. იმედი მაქვს კარგი სიუჟეტი იქნება უკვე ხვალ 3 საათიან კურიერში.

იმედი მაქვს მომავალ წელს კვლავ შევხვდებით რინგზე და კვლავ ვისიამოვნებთ საუკეთესო ნასროლების ყურებით.

პ.ს. თუ რამე გამომრჩა მომიტევეთ და თქვენ ჩაამატეთ.



ეს კი ფოტო მასალა მათთვის ვინც იქ არ ყოფილა და ისტორიისთვის. თქვენც თუ რამე მასალა მოგეპოვებათ, გთხოვთ აგვიტვირთოთ და გაგვიზიაროთ.

პატივისცემით: მე.....

მცირე ინსტრუქტაჟი და პირველი პოზიცია.























хостинг картинок