"საველე გამოცდების და გამოფენების ქართული წესები" პარამეტრები

[არჩილი]

ამ თემის გახსნის იდეა ბაბუს ეკუთვნის სათაურიც მას დავესესხე, იმედია არ ეწყინება.
ციტატები:
შეიქმნას ქართული სანადირო წესები, რომელიც გაითვალისწინებს იმ ყველა სპეციფიკას რაც ახლავს საქართველოში ნადირობას. ყველა ის გეოგრაფიული თუ ტრადიციული ნიუნასი რაც აქტულურია და მნიშვნელოვანია. ისეთი წესები სადაც ორივე ოჯახის (კონტინეტალური) და ბრიტანული ძაღლების თვისებები იქნება გათვალისწინებული და შეჯერებული. ეს წესები იქნება სუფთა ქართული და მორგებული იქნება ჩვენ გარემოს და ტრადიციას (თუ გვაქვს საერთოდ). იგივე გზა გაირეს ფინელებმა და 50-იან წლებში გამოყვნენ გერმანულ წესებს და მის ბაზაზე საკმაოდ ეფექტური წესები შექმნეს, ხოლო ფინური ძაღლები, მით უფრო კონტინენტალურები მოწოდების სიმაღლეზე დგანან. მგონი არ უნა იყოს ცუდი აზრი და ძაან რთული. dato 85

ძალიან ბევრი რამეა შესაცვლელი, ვერ გამოვედით ამ "ამერიკისკენ წავიდეთ თუ რუსეთისკენ". ვერ ვისწავლეთ ჩვენი თავის და ქვეყნის პატივისცემა. გავაკეთოთ როგორც დათომ თქვა საქართველოზე მორგებული წესები და ძაღლების სელექციაც ევროპიდანაც და რუსეთიდანაც საქართველოზე მორგებული უნდა ვაწარმოოთ. ჩემი აზრით შესაცვლელია გამოფენის წესებიც. კარგად მესმის რომ საბჭოთა კავშირის დროს, ძაღლების გადეკორატიულობისგან გადასარჩენად შემოღებული იქნა ბონიტირება, მაგრამ აუცილებელია მადაც ცვლილება. ჭალიმგელა
კლუბის საველე წესები უნდა იყოს ლეგიტიმური და არა იმ ქვეყნის რომელიც უყვე არ არსებობს და დამტკიცებული ჩვენს ქვეყანაში და არა МСХ СССР…Bონიტირება საერთოდ უნდა მოიხსნას და გაუქმდეს,ძაგლი ან იგებს ან არა ან ღებულობს დიპლომს ან არარ და არანაირი შთამომავლობა არანაირ ქულას არ უმატებს და არ გაყავს ელიტში და არ აძლევს შეჯვარების უფლებას. Alik

ის რომ ჩვენი,ქართული წესებია შესამუშავებელი მაგას გავიძახოდი 10 წლის წინ მოყოლებული ამ ბოლო დრომდე,სანამ არ მომბეზრდა! ახლა მომბეზრდა და გავჩუმდი! არაფერი შეუძლებელი ამაში არ არის,უბრალოდ სწორი ორგანიზება უნდა ამ საქმეს !!!!!!!!!!!! მოდი, გავხსნათ ფორუმზე თემა "საველე გამოცდების და გამოფენების ქართული წესები" ამ თემაში გამოითქვას მოსაზრებები,წინადადებები. ახალი ველოსიპედის გამოგონება არ არის საჭირო, რაც პირდაპირ გადმოსაღებია სხვა ქვეყნების წესებიდან, გადმოვიღოთ. რასაც ჩვენი პირობებისთვის ადაპტაცია ჭირდება- გადავამუშავოთ. ახალია რამეა მოსაფიქრებელი-მოვიფიქროთ. მერე ეს დაგროვილი მასალა გადავამუშაოთ და სოფელიც აშენდება! აქ თემის გახსნა ფორუმზე იმითაა კარგი რომ უფრო მეტი ალბათობაა მცოდნე ხალხმა არ დაიზარონ და თავისი აზრი გამოთქვან. თან ღია მსჯელობა იქნება, სწორი აზრი უფრო ადვილად გაიმარჯვებს! მოდით ერთ კარგ იდეას შემოგთავაზებთ! "ოჩოპინტრემ" ითავოს ამ საქმის ორგანიზება! ამ ბოლო დროს,რასაც ხელი მოკიდა კლუბმა,ყველაფერი 10 გამოვიდა (გინდა საველე შეჯიბრი,გინდა ერთობლივი ნადირობები) დამიჯერე, არაფერი შეუძლებელი ამაში არ არის,უბრალოდ სწორი ორგანიზება უნდა ამ საქმეს !!!!!!!!!!!! ბაბუ

წინასწარ ბოდიშს გიხდით თუ მოგაწყენთ, ვრცელი წერილია და შეიძლება ბევრი რამეზე არასწორი წარმოდგენა მქონდეს. საველეს წესების მცოდნედ ნაღდად ვერ მივიჩნევ თავს, თუმც მაინც მინდა ვთქვა და გავიგო მაინც რა მიმართულებით მივდივართ, ვის როგორ წარმოუდგენია ჩვენი წესები.
ზემოთ მოყვანილი ციტატების საერთო აზრია, რომ ძველი წესები შესაცვლელია და უკვე არა ერთი წელია. თუმცა პროცესი მძიმედ მიდის, ეტყობა უმრავლესობას არსებული წესები აკმაყოფილებს. ეს გაუგებარია მით უმეტეს ახლა, როცა კარგი ევროპული სისხლები შემოდიან ყველა ჯიშში და ბუნებრივია რომ მოთხოვნები უნდა გამკაცრდეს. სხვადასხვა თემებიდან ამოვკრიბე ფორუმელების აზრი ამ თემის გარშემო, ადრე კი დავწერე, მაგრამ ზოგი შევცვალე. ზოგი ჩემიც დავამატე–ის რაც მომწონს, რამდენად მართებულია არ ვიცი. ლიტონი სიტყვები რომ არ გამომსვლოდა, მინდა ცვლილება და მორჩაო, ამიტომ შევეცადე უფრო კონკრეტულად დამეწერა, თუმცა უმნიშვნელო საველე შეჯიბრების სტაჟი გამაჩნია და ჩემი შეხედულებები შეიძლება იყოს დილეტანტური. ნიუანსებში არ ვერკვევი, შეიძლება ამიტომაც ადვილი მგონია ცვლილებები (მაგრამ მინდა, თუნდაც იმიტომ, რომ ჩვენი საკუთარი გვქონდეს), უბრალოდ გამოვხატავ რიგითი მოყვარული მონადირის სურვილს, საქართველოში უკეთესი ძაღლების ყოლისა (არ ვგულისხმობ ჯიშების თითო–ოროლა საუკეთესო წარმომადგენელს).
გერმანული და ინგლისური ძაღლები ცალკ–ცალკე რომ უნდა გამოიცადონ–ვეთანხმები. ფინური და გერმანული წესები არ ვიცი, როგორც dato 85 ამბობს, კარგი რამეები აქვთ ჩვენთვის გამოსადეგარი. ფცი–ს ძაღლების საველედან კი შეგვიძლია ზოგიერთი რამ პირდაპირ გადმოვიღოთ. კონსტიტუციის პარაგრაფები და მუხლები თუ გადმოგვაქვს საველემ რა დააშავა. გადმოვიღოთ რაც ჩვენი აზრით ჩვენს საველეს, ნადირობას, ძირითად სანადირო ობიექტებს მიესადაგება და მეძაღლეობას განვითარებას წაადგება.
მე რას გადმოვიღებდი, რას შევცვლიდი და თუ შეიძლება ასე?
გულდასაწყვეტია, როდესაც საველეს ანგარიშს კითხულობ და ხედავ, რომ ძაღლების მესამედს ან მეოთხედს უწერია: ყნოსვა ვერ გამოავლინა, უფრინველოდ და ა.შ.. გამოცდილი, არა ერთგზის დიპლომირებული ძაღლი დარჩა უფრინველოდ. არა და, პატრონი ამ პრესტიჟულ შეჯიბრს (ციციშვილის მემორიალი) ერთი წელი ელოდა, ჰქონდა ერთადერთი შანსი და არ გაუმართლა. აწი უნდა იცადოს მომავალ წლამდე. ასეთი შემთხვევებს ვერ გავექცევით, მაგრამ შეგვიძლია შევამციროთ.
როგორ; თავიდან შეჯიბრი ორ ტურად უნდა ჩატარდეს. ყველა ძაღლი გამოდის პირველ და ასევე ყველა გამოდის მეორე ტურში, ანუ ორივე დღეს. ამისათვის საჭირო იქნება ძაღლების ორ ჯგუფად დაყოფა და ექსპერტთა ორი ბრიგადა. შეჯიბრის პირველ დღეს ექსპერტთა ერთი ბრიგადა ერთ ჯგუფს უმსაჯებს, ხოლო ექსპერტთა მეორე ბრიგადა მეორე ჯგუფს. მეორე დღეს კი ერთმანეთს ჯგუფებს გაუცვლიან მეტი ობიექტურობისთვის. ასეთ შემთხვევაში ძაღლების შანსი დარჩნენ უფრინველოდ, უყნოსველად და ასე შემდეგ მცირდება, ვინაიდან ორი გამოსვლა ორ დღეში თუნდაც ნაკლები დროით, უფრო საიმედოა, ვიდრე 1 ხანგრძლივი. ყველას რჩება შანსი, რომ პირველ დღეს თუ არ გაუმართლა, მეორე დღეს გაუმართლებს. ორჯერ გამოსვლა იმიტომაც არის კარგი, რომ ყველას მოუწევს თითქმის ერთნაირ კლიმატურ პირობებში გამოსვლა. მესამე დღეს კი ჩატარდება ფინალი, სადაც გამოვა 8 საუკეთესო და გამოვლინდება გამარჯვებული.
ჩვენს შეჯიბრზე გამოდის 25– 30 ძაღლი და ეს ნაწილდება 3 დღეზე, დრო 30 წუთი (ნახევარი საათი ერთი ძაღლის გაყოლა ცოტა მოსაწყენია, ევროპაში მეორე წუთზე ხსნიან ნელ და უსტილო ძაღლს, ჩვენ კი ნახევარი საათი დავყვებით, ოღონდ იპოვოს და როგორმე დიპლომი აიღოს) და სამი შეხვედრა (ბევრია გამოცდილი ძაღლისთვის). იქნებ ჯობია როგორც ევროპულში–15 წუთი. ყველა ძაღლი გამოვა 2–ვე დღეს (3–ვე დღეს ვინც ფინალში გავა, ეხლაც 3 დღე ტარდება, იმ განსხვავებით, რომ ერთ ძაღლს მხოლოდ ერთხელ უწევს გამოსვლა) 15 წუთი, ერთი მუშაობა თითოეულ დღეს. ეს საკმარისი უნდა იყოს, ვინაიდან აქ გამოდიან გამოცდილი ძაღლები, ზოგს რამოდენიმე დიპლომი აქვს, პლიუს ამას, მათ ხვალაც ექნებათ გამოსვლა. ორი დღე 15 წუთი ჯამში 30 წუთი კი გამოდის, მაგრამ ორი დღე უკეთესი უნდა გამოდგეს ძაღლის წარმოსაჩენად (ნამდვილად ჯობია ერთ გამოსვლას), ხოლო ვინც ფინალში გავა, მათ სამჯერ მოუწევთ გამოსვლა. ინგლისური მეძებარი რომელიც ძებნისას (და არა რაღაცის შეყნოსვისას) გამოურევს ჩორთს– მოიხსნას, გამოტოვებს–მოიხსნას, ნაყნოს ფრინველს დააფრთხობს–მოიხსნას, იქექება–მოიხსნას. საპატიოა 1 ცრუ ნაბული, სხვა რაზე უნდა მოიხსნას და რა უნდა იყოს საპატიო მე არ ვიცი. შეიძლება ეს წესები ვინმეს მკაცრი მოეჩვენოს, მაგრამ ჯერ ერთი, ეს ძაღლები წარმოადგენენ ჩვენი სანაშენე ძაღლების ბირთვს და უნდა მოვთხოვოთ მაქსიმუმი და მეორე გამოცდა და შეჯიბრი უნდა განსხვავდებოდეს. შეჯიბრის დიპლომის აღება უნდა იყოს ძნელი და რაც უფრო ძნელი იქნება, მით უფრო დასაფასებელი იქნება, თანაც თუ ძაღლმა ორივე დღეს (ან სამივე დღეს) სადიპლომო მუშაობა აჩვენა და ასეთებიც იქნებიან, ერთ შეჯიბრზე ორი დიპლომი არ იქნება ცუდი. 3 დღეში 3-ჯერ გამოსვლა ამცირებს შემთხვევითობას და უფრო ობიექტურ შედეგებს გვაჩვენებს. 1 საათში შესაძლებელი იქნება 4–5 ძაღლის გამოცდა, ვინაიდან ზოგი დროზე ადრე აჩვენებს მუშაობას, ზოგი კი დროზე ადრე შეიძლება მოიხსნას. დროის ეკონომიის მიზნით, შედეგები შეიძლება გამოცხადდეს ყოველი დღის ბოლოს, შეჯიბრების დამთავრების შემდეგ, მშვიდ ვითარებაში. რა სასწრაფოა მინდორში, ზეზეულად ქულების დათვლა.
ვთქვათ პირველ ან მეორე დღეს ძაღლი დარჩა უფრინველიდ ან სხვ. მაინც უნდა შეფასდეს მისი მუშაობა, რადგან თუ ორი დღის ჯამით, ორ ძაღლს ექნა ერთნაირი ქულა, არასადიპლომო შედეგი, მაგრამ მუშაობის მთავარი ელემენტები სისწრაფე და სტილი, გადამწყვეტი იქნება ფინალში გასასვლელად. თუ ძაღლმა მხოლოდ ერთ დღეს შეძლო მაღალი ხარისხის დიპლომის აღება და მეორე დღეს ვერ აიღო, უპირატესობა უნდა მიენიჭოს ძაღლს, რომელმაც ორივე დღეს შეძლო ნებისმიერი ხარისხის დიპლომის აღება. თუ ძაღლი პირველი ხარისხის მუშაობას აჩვენებს, მას მიეცეს მეორე ფრინველი, ან მესამეც, მსაჯების შეხედულებისამებრ. ჩემი აზრით, გადამჯდარ ფრინველზე მუშაობა არ უნდა იყოს სავალდებულო (ტყის ფრინველზე ხომ არ მოეთხოვება), თუმცა შეიძლება ნება დაერთოს, თუ პატრონმა გამოთქვა სურვილი.
მინდა შევეხო ჩვენი ნადირობისათვის ისეთ მთავარ ელემენტს როგორიცაა მიტანება. ძაღლს რომელიც არ აკეთებს მიტანებას (ასეთი ძაღლით ნადირობა არსად სიამოვნება არაა, განსაკუთრებით კი ტყეში, ქათამზე), შესაბამის გრაფაში დაეწეროს <0>,და არა<5> როგორც ეხლა. ხოლო თუ ძაღლი ადგილიდან არ იძვრის და პატრონის მცდელობის მიუხედავადაც ფრინველი არ ამოდის–მოიხსნას. თუ ძაღლი ისე ახლოს უჩერდება ფრინველს, რომ პატრონის მიახლოებისას ფრინველი ამოდის, შეიძლება ჩაეთვალოს მიტანებაში შესაბამისი ქულით. (როგორ უნდა გავიგოთ, მიტანების არქონა გენეტიკურად გამოყვა ძაღლს, თუ დაგეშვის დროს სიუხეშის ბრალია?).
სტილი აუცილებელი მოთხოვნა გახდა დიპლომის ასაღებად და ეს ძალიან კარგია. მაინტერესებს სტილის ქულები 14–12–10 როგორ იშიფრება? იმიტომ რომ, ლტოლვა–მიტანების მაღალ ქულას არანაირად არ უნდა გაყავდეს ძაღლი ჯამით სტილიანებში. მთავარი სვლის და ნაბულის სტილია. კარგი იქნება თუ დაწესდება ქულები სისწრაფეში, მით უმეტეს ახალი სისხლები შემოდიან ზესწრაფი, რომლებიც ადრე თუ გვიან აუცილებლად იქონიებენ ჩვენზე ზეგავლენას და ნელი ძაღლი არ უნდა გავიდეს ჯამით, ძებნის მანერის ხარჯზე.
გამსვლელი უნდა იყოს სამი მთავარი–ყნოსვა+სისწრაფე+სტილ
ი (სვლის და ნაბულის). ყნოსვას არ უნდა დაექვემდებაროს არც ერთი. სტილში მთავარი უნდა იყოს სვლა და ნაბული, ლტოლვა და მიტანება კი არ უნდა იყოს ერთად. ლტოლვა–მიტანების სტილი ერთად ჩემთვის გაუგებარია, ამათ რა კავშირი აქვთ ერთმანეთთან? თუ ერთი უნაკლოდ აქვს და მეორე საერთოდ არა– მაშინ როგორ ფასდება? შეიძლება ეს ორი განსხვავებული კომპონენტი ერთად იყოს და გამოვიყვანოთ საშუალო არითმეტიკული? ლტოლვა აქვს თუ არა, ყნოსვის მანძილის განსაზღვრისას როლს არ თამაშობს, მაშინ რატომ ენიჭება მას იმხელა მნიშვნელობა, რომ მისთვის არსებობს 1 ცალკე გრაფა და მიტანებასთან ერთად მეორე გრაფა, თუმცა მიტანებასაც ორი გრაფა აქვს, ეს არ მესმის.
ბონიტირებაზე. გადავხედე წესებს. იქ რომ რიცხვებია, მეათედები, მეასედები. ბოლომდე გარკვევა არც მიცდია, ნამეტანი რთულად მომეჩვენა. ამ რიცხვების ანგარიშს კალკულატორი ჭირდება. სპეციალისტისთვის ალბათ ადვილია, მაგრამ უბრალო კაცისთვის–რთული და მოუხერხებელი. რატომ უნდა იყოს საჭირო კარგი ძაღლის გამოსავლენად ბაბუის ბაბუის, ან ბებიის ბებიის ქულები. ვეთანხმები Alik –ს რომ ძაღლი ძაღლი არ უნდა გახდეს ჩემპიონი შთამომავლების და მით უმეტეს წინაპრების მეშვეობით. კარგ ძაღლს არ ჭირდება არანაირი დახმარება. ბონიტირება აუცილებელია კარგი ძაღლის გამოსავლენად? სხვა ქვეყნებს თუ აქვთ რაიმე მსგავსი სისტემა? საქართველოში არის რამოდენიმე ძაღლი, რომლებიც ფცი–ს წესებით გამოვლენ ევროპაში. ღმერთმა ქნას და თუ რომელიმე ევროპის ჩემპიონი გახდა, ხომ მიანიჭებენ ამ საპატიო წოდებას ბონიტირების გარეშე. ჩვენ უფრო მკაცრი წესები გვაქვს ვითომ? ჩემპიონის ბედი უნდა წყდებოდეს პირისპირ შეჯიბრში, ყველას თვალწინ და არა ფორმულებით. როგორ უნდა გახდეს ჩემპიონი ის ძაღლი რომელსაც არასოდეს მოუგია შეჯიბრი. ადრე თუ გვიან ბონიტირება გაუქმდება, როგორც არასრულყოფილი და ზედმეტი ტვინის საჭყ**ტი სისტემა. როდესაც ძაღლი მინდორში მიიღებს ჩემპიონობას, ბონიტირებით ჩემპიონობის საჭიროება არ იქნება, ის აზრს დაკარგავს, ან ფასს.
ჩემპიონობაზე. ძაღლს, რომელიც მოიგებს ციციშვილის მემორიალს–(იგივე საქართველოს ჩემპიონატია, უფრო მაღალი რანგის შეჯიბრი ჩვენს ქვეყანაში არ არის)– უნდა მიენიჭოს საქართველოს ჩემპიონის წოდება დიპლომის ხარისხის მიუხედავად, შესაბამის დოკუმენტში ჩაწერით. ამის ნუ შეგვეშინდება, ძაღლი (გინდა ადამიანი), რომელიც შეჯიბრში ამარცხებს თავის 20-30 მეტოქეს (დიპლომიანს, თანრიგოსანს, ოსტატს) თანაბარ პირობებში, ის არის ჩემპიონი ყველა კრიტერიუმით, ნებისმიერ ქვეყანაში. ყველას ეცოდინება რომ ამ ძაღლმა მოიგო სერიოზული შეჯიბრი სერიოზულ კონკურენტებთან და ზედმეტი კითხვა არავის გაუჩნდება. შეჯიბრსაც მეტი ფასი დაედება. ყველას ეცოდინება რომ ჩემპიონის ოფიციალური ტიტულისთვის გამოდიან და მოინდომებენ. შედეგიც უფრო ობიექტური გვექნება (3 დღის სამჯერ გამოსვლის შედეგი და არა 1 დღის ერთჯერადი, სადაც მეტი წილი იღბალია). ეხლანდელი წესებით –თუ აიღო 1 მეორე და 1 მესამე, ჰყავს 1ან 2 დიპლომიანი შვილი+წინაპრები+რაღაც ქულები ხდება ჩემპიონი. კარგი სტატია დევს ფორუმზე gagrinski-ს ნათარგმნი, რომ თუ გინდა დაღუპო მეძაღლეობა, ისეთ ძაღლს უნდა მისცე ჩემპიონობა, ვინც სინამდვილეში ასეთს არ წარმოადგენს (მიახლოებით ასე). უაზროდაა ერთმანეთთან დაკავშირებული 1 ხარისხის დიპლომი და ჩემპიონობა. 1 ხარისხის დიპლომი ძაღლის განსაკუთრებულობის, მით უმეტეს სტაბილურობის უტყუარ ნიშნად ვერ გამოდგება. ზოგჯერ ისეთი კლიმატური პირობებია 3 ხარისხის დიპლომის აღება ჭირს. ან ავიღოთ თუნდაც ტერმინები: შეჯიბრების გამარჯვებული და მინდვრის ჩემპიონი. თუ ძაღლმა მოუგო 30 ძაღლს, რომელთა შორის ადრე 5–ს ქონდა 1 ხარისხის დიპლომი ან იყო მინდვრის ჩემპიონი, 2 ან 3 ხარისხის დიპლომით, ის არის მხოლოდ შეჯიბრების გამარჯვებული. შეიძლება ქვეყნის შეჯიბრების გამარჯვებული არ იყოს ჩემპიონი? სადმე თუ არსებობს (გინდა ადამიანებში) ასეთი რამ. რატომ უნდა გახდეს მუშა ძაღლი ჩემპიონი ასფალტზე და არა მინდორში. რა მნიშვნელობა აქვს შეჯიბრს ქულებით მოიგებ თუ ნოკაუტით, იუკოთი თუ იპონით. მოიგე– ჩემპიონი ხარ!
გამოფენის წესები არ ვიცი, არ ვიცი რა შემთხვევაში იგებს ძაღლი რინგს, შეიძლება რომ უდიპლომომ მოუგოს დიპლომიანს? უფროს ასაკობრივ ჯგუფში, უდიპლომო ძაღლს, სულ ვარსკვლავებს რომ წყვეტდეს, შანსი არ უნდა ჰქონდეს, ვინაიდან ეს არის მუშა ძაღლების გამოფენა და არა შოუ. გამოფენა აუცილებელია იმიტომ რომ ჩვენი ერთგული და საყვარელი ოთხფეხა მეგობრები უნდა იყვნენ ფიზიკურად სრულყოფილი, ეს სასიამოვნოა ჩვენთვის და აუცილებელია შთამომავლობისთვის. მაგრამ ეს არ უნდა იყოს უპირატესი, არამედ მხოლოდ თანამდევი. უნდა გაიმარჯვონ დიპლომიანებმა. მაგრამ მონადირე ძაღლს თუ აქვს ჩემპიონის ტიტული, ის უნდა იყოს მინდვრის ჩემპიონი და არა გამოფენის ჩემპიონი.
მგეშავის და სიმპატიის პრიზებზე. მონადირეს თუ კარგი საგვარეულოს მქონე ლეკვი შეხვდა, მის დაგეშვას არ უნდა არავითარი წვალება, ხოლო თუ ბუნებამ ლეკვი ნიჭითაც უხვად დააჯილდოვა, მაშინ მისი დაგეშვა შეუდარებელი, დაუვიწყარი სიამოვნებაა. აქ მგეშავის როლი მცირეა, ამიტომ მგეშავის პრიზიც, არასერიოზული პრიზია. სიმპატიის პრიზი შეიძლება ნებისმიერმა დააწესოს, ეს უფრო პატრონის წამახალისებელია, გული რომ არ დაწყდეს (პატრონს ხომ არ ვაფასებთ), ძაღლს რა ემატება ამით? ჩემი აზრით დაგეშილიც და სიმპატიურიც არის ერთადერთი ძაღლი–გამარჯვებული! ჩემი ნება რომ იყოს, ამ პრიზებს ექსპერტებს გადავცემდი, სხვა სახელით რა თქმა უნდა. ყველაზე დიდი ჯაფა მათ ადგათ ამ დღეებში. ძალიან ძნელია ზედიზედ 3 დღე, 5–6 საათი აღმა–დაღმა, შესვენების გარეშე, ხშირად მშიერ–მწყურვალი, თვალი არ მოაშორო, სულ დაძაბული. ვფიქრობ იმსახურებენ.
ზოგი ამბობს ადვილიაო წესების შეცვლა, ზოგი კი ამას არც თუ ისე იოლად მიიჩნევს. რუსეთი დიდი ქვეყანაა და მათთვის რამის შეცვლა რთული და ხანგრძლივი პროცესია. მაგრამ ვთქვათ და რუსებმა შეცვალეს საველეს წესები, მაშინ ჩვენ როგორ უნდა მოვიქცეთ? გადმოვიღოთ შეცვლილი წესები თუ ერთგულად მივყვეთ ძველს? არ არსებობს სსრკ, წარმოვიდგინოთ, რომ არ არსებობს რუსული წესებიც– წაგვართვეს!!! გავბედოთ, შევცვალოთ რაც არ მოგვწონს, გადავხედოთ რა შედეგს გამოიღებს ესა თუ ის ცვლილება და დავტოვოთ საუკეთესო. 20 წელია დამოუკიდებელი ქვეყანა ვართ, წესები კი მეტროპოლიის გვაქვს. თუ პრეზიდენტი განწყობის მიხედვით ცვლიდა კონსტიტუციის მუხლებს, რომლებიც ჩვენ ადამიანებს გვეხებოდა, რატომ არ შეგვიძლია შევცვალოთ ის, რაც ძაღლებს ეხება და არავის აინტერესებს ჩვენს გარდა. მთავარია–მთავარი გაკეთდეს, პატარ–პატარა შესწორებების შეტანა კი ყოველთვის შეიძლება. არ უნდა იყოს ძნელი რაც გვჭირდება იმის გადმოტანას + ჩვენიც რაღაცეები. შეიკრიბოს ვინც კომპეტენტურია– მადლობა ღმერთს ასეთები გვყავს–ექსპერტები, მაჩაბლის კლუბი, კლუბი ოჩოპინტრე, სულ რამოდენიმე მცოდნე კაცი და მონდომების შემთხვევაში ყველაფერი გამოვა. მჯერა რომ, ექსპერტებს, საველეებში გამოცდილ მონადირეებს ამ პრობლემის უკეთესი ხედვა და გადაჭრის უკეთესი გზებიც ექნებათ.
გთხოვთ გამოთქვათ თქვენი ვარიანტები,მოსაზრებები, წინადადებები საველე და საგამოფენო წესებზე. როგორ ფიქრობთ, საჭიროა თუ არა ცვლილებები და უნდა გვქონდეს თუ არა ჩვენი საკუთარი წესები.

[achiko-l]

საკმაოდ კარგი პოსტია და ბევრი რამაა გასათვალისწინებელი ზემოთხსენებულიდან.
პირადად მე ვეთანხმები იმ აზრს,რომ კონტინენტალურ და კუნძულელ მეძებრებს ერთი და იგივე არ უნდა მოვთხოვოთ,ცოტა განსხვავებული მიდგომა უნდა არსებობდეს ამ ჯიშების მიმართ.მაგალითად ძებნის ტემპი.პოინტერი და კურცჰაარი ხო ვერ ირბენენ ერთ ტემპში?!შესაბამისად პოინტერს უპირატესობა აქვს შეჯიბრის დროს,თუ ერთნაირად მოვთხოვთ.

[Bone]

ბევრი წამიკითხია ამ თემებზე, ასეთი ნაკლებად.

[barambo]

არჩილი

ამ თემის გახსნის იდეა ბაბუს ეკუთვნის სათაურიც მას დავესესხე, იმედია არ ეწყინებ

პირიქით არჩილ ბატონო,პირიქით!
მიხარია ვინმე თუ ამყვება.უფრო სწორად ვინმეს თუ უბიძგებს ჩემი პოსტი ქართულ წესებზე იმუშაოს.
ექსპერტებმა წაგვიყრუეს და იქნებ მოყვარულებმა შეუძახოთ!!!!!!!!!!!!

[iason]

არჩილი

პირიქით არჩილ ბატონო,პირიქით!
მიხარია ვინმე თუ ამყვება.უფრო სწორად ვინმეს თუ უბიძგებს ჩემი პოსტი ქართულ წესებზე იმუშაოს.
ექსპერტებმა წაგვიყრუეს და იქნებ მოყვარულებმა შეუძახოთ!!!!!!!!!!!!

გავეცანი რა თქვენს მოსაზრებას,და გაცნობილი ვარ ჩვენს მსგავსი მდგომარეობა განვლილ ქვეყნებში,,რუსეთი,უკრაინა,,და + ბატ.ს.შაგინოვის მოსაზრებასაც საველე წესების,გამოცდების შესახებ..ჩემთვის ჩამოყალიბდა ასეთი აზრი,რომ ველოსიპედი უკვე გამოგონილია და მისი ხელახლა გამოგონება,მხოლოდ წყლის ნაყვა იქნებოდა..ალბად ექსპერტებიც იმიტომ დუმან,რომ მათ ამის შესახებ უკვე თქვეს და ჩამოაყალიბეს აზრი..ე.ი.არის ევროპული წესები და ჩვენთვის კარგად ცნობილი,საბჭოთა წესები..ანუ (რუსული სინამდვილეში)..ჯერჯერობით იმართება რუსული წესების საფუძველზე და მიხედვით.ასევე ჩატარდება,ევროპული წესებით,ოღონდ მხოლოდ ევროპიდან შემოყვანილი ძაღლების და მათი მფლობელებისთვის.(საჩვენებელი უკვე ჩაატარეს,გაერკვნენ,რა და როგორ არის საჭირო,დააკვირდნენ უკრაინაში ჩატარებულ საველე შეჯიბრსაც)..ჩემთვის როგორც მოყვარულლი მონადირესთვის ორივე მისაღებია და საინტერესო,უფრო საბჭოთა,რადგან რუსული მოშენების ძაღლი მყავს(ამას ვერ ქაჩავს და ევროპული წესით რინგამდე მოსახსნელია)ჯერჯერობით ჩემსავით უმრავლესობას უნდა აკმაყოფილებდეს ეს პირობები..რუსებმა და უკრაინელებმა გაიარეს თქვენს მიერ შემოთავაზებული გზა:სცადეს რუსულ-ევროპული წესები,ძაღლების შერევაც და მივიდნენ დასკვნამდე,რომ ან ევროპულ წესებზე და ევროპ.მოშენების ძაღლებზე უნდა გადავიდნენ ან დატოვონ რაც ჰქონდათ,ან ორივე წესი უნდა ამუშაონ,არავითარი შერევა,არც წესების,არც ძაღლების.ანუ ეს უკვე ნაცადია და საკამაო დრო ამ ცდებზე დაკარგული.ვფიქრობ გასაგებად გადმოვცემ ჩემს აზრს..ჩემთვის პირადად საინტერესოა კიდევ კონტინენტალურებისთვის,სუფთა გერმანული წესებით გამოცდის გადმოღებაც..

[არჩილი]

რუსებმა და უკრაინელებმა გაიარეს თქვენს მიერ შემოთავაზებული გზა:სცადეს რუსულ-ევროპული წესები,ძაღლების შერევაც და მივიდნენ დასკვნამდე,რომ ან ევროპულ წესებზე და ევროპ.მოშენების ძაღლებზე უნდა გადავიდნენ ან დატოვონ რაც ჰქონდათ,ან ორივე წესი უნდა ამუშაონ,არავითარი შერევა,არც წესების,არც ძაღლების.ანუ ეს უკვე ნაცადია და საკამაო დრო ამ ცდებზე დაკარგული

მაინტერესებს ამ დასკვნების ავტორები ვინ არიან.....

მე ვფიქრობ ძირითადი ამოსავალი წერტილი უნდა იყოს ადგილობრივი ფრინველი , მისი რაოდენობა, კონცენტრაცია და ფასეულობა. ჩვენი ძირითადი სანადირო ობიექტია მწყერი. ჩვენთან რომ იყოს მხოლოდ გნოლი, ან კაკაბი, და სხვა არაფერი, როგორც ევროპის უმრავლეს ქვეყანაში, სადაც ან უმნიშვნელო რაოდენობითაა მწყერი, ან ზოგან გასროლადაც არ უღირთ ზომების გამო, მაშინ ჩვენი უმრავლესობა, თუ ყველა არა იყოლიებდა შორს გამსვლელ ძაღლებს, ვთქვათ 300 მ. რაც ბუნებრივია მეტ შანსს მოგვცემდა წარმატებული ნადირობისთვის. არა მგონია რომელიმე ჩვენი მონადირე დაუზარებლად გაივლის 200–300 მეტრს მწყრის გულისთვის, რომ ნაბულზე მივიდეს და თანაც არა ერთხელ. სხვა საქმეა კაკაბი, ხოხობი და ა.შ.
გავითვალისწინოთ ასევე ჩვენი რელიეფი და საფარი. ჩვენი ფერდობები, უსწორმასწორებები მცირე მონაკვეთზეც კი, პრაქტიკულად არ იძლევა შორს გამსვლელი ძაღლების დანახვის, სრულად გამოყენების საშუალებას. არ დაგვავიწყდეს დასავლეთ საქართველო, შავიზღვისპირეთი, სადაც მწყერზე სანადირო მთავარი ადგილებია, სიმინდის ყანები, ჩაის პლანტაციები, თხილის პლანტაციები, ყოველ 30 მეტრში დრენაჟები, 100–150 მეტრში არხები,წელამდე სიმაღლის სარეველა ბალახი,. ძაღლი ზოგჯერ 30 მეტრის მერე არ ჩანს. ყველაფერი ამის გათვალისწინებით შორს გამსვლელი ძაღლი ასეთ პირობებში გამოუსადეგარია, აქედან გამომდინარე მთელი ქვეყნის მასშტაბით ფცი–ს წესებით შეჯიბრების ჩატარება არ იქნება სწორი. ვისაც რისი სურვილი აქვს, იმას ჩაატარებს, ვერავის დააძალებ, დღეს ამ მხრივ სრული თავისუფლებაა.
არ დაგვავიწყდეს მეორე მთავარი ობიექტი ტყის ქათამი. აქაც არ არის აუცილებელია შორი გასვლა. მე პირადად მშვიდი და ჩუმი ნადირობა მიყვარს, არ მინდა ნადირობა ბიპერით და ეჟვანით. მე კი არ უნდა ვეძებდე ძაღლს, არამედ თვითონ უნდა მაკონტროლოს.
ჩემი აზრით ჩვენი რელიეფი, საფარი, მწყერი, მისი ზომა, კონცენტრაცია ყველაფერი ამის გათვალისწინებით 100, ხოლო უმწყერობის დროს ძაღლის 150 მეტრზე გასვლა ოპტიმალურია. ჩვენი წესებიც ამისათვის არის საჭირო.
iason
კითხვები მაქვს თქვენთან, ზემოთ მოყვანილი ციტატიდან გამომდინარე

1. რატომ არ შეიძლება ძაღლების შერევა?

ევროპულ სისხლები, სწორედ რომ წაადგება ჩვენს ძაღლებს, თუმცა ეს ახალი არა არის, სისხლების განახლება, ევროპის ქვეყნებიდან ძაღლების გამოწერა 19 საუკუნის ბოლოდან იყო მეფის რუსეთში. ეს მათთვის არ გამოდგება, ჩვენთვის კი სასარგებლო იქნება. ეს ჩემი პასუხია, მაინტერესებს თქვენი.

კითხვა 2. რატომ არ შეიძლება წესების შერევა?

რატომ არ უნდა გადმოვიღოთ ის რაც კარგია? (ეს კითხვა შეიძლება განვაზოგადოთ და არა მარტო ძაღლები ვიგულისხმოთ), რატომ ფიქრობთ რომ უნდა იყოს ან ევროპული ან რუსული უცვლელად? ეტალონი არ შეიძლება რომელიმე იყოს. თვითონ ევროპული წესებიც ხშირად იცვლება ბოლო ცვლილებაც 2013 წლის იანვრიდან მიიღეს უფრო გამკაცრებისკენ ასე რომ თუ ჩვენ შევცვლით ან გავამკაცრებთ ეს არ იქნება წესების შეჯვარება , მაგრამ თუნდაც იქნეს ამაში კრიმინალს ვერ ვხედავ. მთავარია გამოგვადგეს. ეს ჩემი პასუხია, მაინტერესებს თქვენი.
http://www.youtube.com/watch?v=e4E0xHhwKPY
აქ არის ვიდეო, ცნობოლი კონდუქტორის და მომშენებელის ხოსე კონდადოს ნადირობა მწყერზე. მას რომ ცუდი ძაღლები არ ეყოლება ამაში ეჭვი არავის გვეპარება. მაგრამ იმ დასკვნამდე მივდივარ რომ შეჯიბრი და ნადირობა ორი განსხვავებული რამ არის. დავაკვირდეთ როგორ მუშაობენ ძაღლები. გთხოვთ დააკვირდეთ, მანძილი–გასვლა, ზოგჯერ თავი დაბლა, ჩორთიც გამოურიეს, დევნა, დაჭერის მცდელობა, კვალზე მუშაობა, უნაბულოდ აფრენა. ანუ ყველაფერი ის რასაც აკეთებენ ჩვენი საშუალო ძაღლები. ეს არის პრაქტიკული, რიგითი ნადირობა მწყერზე, ამიტომ არ შეიძლება გნოლის და მწყერის შედარება და ამათზე მომუშავე ძაღლების შედარებაც. არა შედარება როგორ არ შეიძლება მაგრამ იმის მტკიცება რომ მხოლოდ ევროპელები არიან რაც არიან თავიანთი ძაღლებით და წესებით და მხოლოდ ეს უნდა ავიტაცოთ– არასწორი მგონია. ყველას აქვს არსებობის უფლება. ბევრი რამ შესაცვლელია წესებში ამას ჩემზე უფრო მცოდნე და საპატივცემულო ხალხი ამბობს, ჩვენი მინუსები ხომ ყველაზე კარგად ჩვენ ვიცით.
პ.ს. როგორც ნახეთ ძაღლმა მაინც მიიღო ტრავმა. ეს რომ სპორტულ ძაღლს დამართნოდა ხომ ჩაუვარდა ერთი შეჯიბრი მაინც. ამიტომ სპორტის ძაღლებს განსაკუთრებით უფრთხილდებიან , ვაი თუ ფეხი გაიჭრას თვალი დაისეროს....მათ მარათონისთვის არავინ გაიმეტებს. რაც უფრო ძვირფასია მით უფრო ურთხილდებიან, თვალის ჩინივით. კი ნადირობენ, სხვაგვარად წარმოუდგენელია, მაგრამ სპორტული ძაღლებით ნადირობისას ხომ ვერ მისცემდა კონდადო თავს იმის უფლებას, ანუ გემრიელად ნადირობის როგორც აქ.

[aragveli]

არაფერი არ გამოვა შეჯვარებით იმირომ რომ მხოლოდ ერთ თაობას გადასდევს ის კარგი თვისებები და მეორე მესამეში ვერაფერს მიიღებ. ხოსე კონდადოს კიდევ არ ყავს ის ძაღლები შენ რაც გგონია , მაგ ვიდეოში ჩანს რომ ნაგვებია და არა ტრაილერები. ესეც ბატონი გიგას პასუხიიი თქვენ

მოსკოვში რამოდენიმე წლის წი იყიდეს სიტო დელამაზორა და მასიურად შეურიეს ადგილობრივებს მარა სედეგი მიიღეს აფსოლიტურად ნული,მხოლოდ ერთი ძაღლი გამოდგა რაღაცა ისიც მარტო იმ თაობაში ამიტომ ეგ უკვე ნაცადია. ისედაც საკმარისად გვაქვს წყალი ნანაყი. როდემდის ვნაყოთ კიდევ?

[არჩილი]

ძველად გონჩებს ურევდნენ პოინტერების გამომყვანები და გამოდიოდა, იშვიათად მაგრამ მაინც. და ეხლა პოინტერის პოინტერთან შეჯვარებით არ გამოვა? გამოვა სწორედ ის პირველი თაობა, რაც გვჭირდება. თუ არ შევაჯვაროთ ის პირველი თაობაც საიდან მოვა. რაც შეეხება ნაგავს წაკითხული მაქვს, რომ დიდი ჩემპიონებიც კი ხშირად აწარმოებენ ნაგავს, ეს რომ ასე არ იყოს წაგვლეკავდა კარგი ძაღლები.

რაც შეეხება წესებს ამაზე dato 85–ს უწერია კარგად.– ციტატა;"მე ვფიქრობ 81 წლის წესების და გერმანული წესების "შეჯვარება" უნდა მოხდეს და რაღაც გარკვეული ელემენტები FCI-ის ძირითადი წესებიდან... ანუ ქართული წესები (თუ კი ასეთი რამე იარსებებს საერთოდ) რაღაცა "ნაჯვარი" უნდა იყოს...

და ასევე უნდა შექიმნას სელექციის დებულება სადაც შავით თეთრზე, დიდი ასოებით დაიწერება შემდეგი:

მხოლოდ იმ ხვადს მიეცეს მწარმოებლის უფლება რომელსაც ააქვს მინიმუმ 2-III ხარისხის დიპლომი ანდ 1-II, და მხოლოდ იმ ძუს ქონდეს გამრავლების უფლება რომელსაც მინიმუმ 1-III ხარისის დიპლომი აქვს.

სხვა შემთხვევაში არაფერს აზრი არ აქვს თუ გადარჩევა არ გამკაცრდა. დათუ მაინც მოხდა დართვა კლუბის სანქციის გარეშე, იმ ლეკვებზე არ გაიცეს საგვრეულო!!!

ეს ბევრ ჩვენ მეგობარს გაანაწყენებს, ბევრიც შეიძLება წავიდეს კლუბიდან მაგრამ, ცოტა ძაღლის, სამაგიეროდ ხარისხიანის ყოლა უფრო მნიშვნელოვანია, ვიდრე ბევრის და "პროფესორის".
ერთ თაობაში ნახავთ ცვლილებას!

ხალხს ჯერ 2 თვის ლეკვები ყავს და უკვე "სასიძოს" და "საპატრძლოს" ეძებენ, იმას არ კითხულობენ ჯიშისთვის ივარგებს ეგ ლეკვი მომავალში თუ არა... აი ასეთი დამოკიდებულებას მივყავართ საჯიშე "ტუპიკამდე".
უნდა ვიყოთ მაკცრები და გულცივები როცა საქმე სელექციას ეხება!
ეხლა პატრონს ეწყინება, გული დაწყდება და ეგეთი რამები უნდა დავივწყოთ საერთოდ. ყველას უნდა რომ მაგაი ძაღლი ყავდეს გასაგებია... მეც მინდა ეგრე სახლში როლს როისი მყავდაეს, შარლის სტერონის გვერძე მეძინოს და ეზოში "ბიგ ჯიმი" დამირბიდეს მაგრამ სად არის ეგრე"

[aragveli]

არჩილ შენ რასაც იძახი მდევრების სისხლის შერევაზე, ეს ხდებოდა ამ ჯიშის ჩამოყალიბების დროს. ახლა ჯიში უკვე ჩამოყალიბებულია და უკვე არიან ჩვენს გარემო პირობებს მორგებული აბორიგენები, რომლებიც ფრინველის პოვნას არ უჩივიან, (როგორ პოულობენ მთავარი პრობლემა ეს არის) შენ აპირებ როგორც მივხვდი რაღაც ახალის (ევროპელსა და საბჭოთა მოშენების პოინტერებს შორის) ჩამოყალიბებას და სელექციას. იქნებ ჩამოაყალიბო მიზეზი რატომ? ამ მეთოდით ფაქტიურად ვაკნინებთ ევროპული მოშენების პოინტერის სტილს და სისწრაფეს, (ეს 2 კომპონენტი შენთვის უმნიშვნელოაა?? თუ უმნიშვნელოა მაშინ აგერ საბჭოთა მოშენების ძაღლები და რაღათ გინდა ახალი ექსპერიმენტები?? ) სულ 4-5 ძაღლი გვყავს ნანახი, (ზოგს ისიც არა) მინდორში, ევროპული მოშენების პოინტერებიდან და ისე გამოგვაქვს ამ ძაღლებზე დასკვნები ჩვენს პირობებში არ გაამართლებენო. სასაცილოა უბრალოდ მეტი არაფერი. ვაცადოთ ჯერ დრო გასცემს ყველაფერს პასუხს და თუ 5-6 წელში პოინტერ კლუბის მიდგომამ შედეგი ვერ გამოიღო და ამ ძაღლებმა მართლაც არ გაამართლეს მერე ვიფიქროთ დანარჩენზე.

[ჭალიმგელა]

არჩილი
ამ თემასთან კავშირში არ არის, მაგრამ თხოვნა მექნება

იქნებ თქვენი მონაცემები შეავსოთ. ასაკის ჩათვლით, უფრო აადვილებს ურთიერთობას როცა იცი რა ასაკის ადამიანს ეკონტაქტები

მარტო ბაბუ მალავს ასაკს

[არჩილი]

aragveli
ნეტა შემეძლოს იმდენი, ამ საქმეს როგორც ყოველ მეცნიერებას თავისი პროფესორები ჭირდება. მე უცხოურ პოინტერებს არ ვუკნინებ ორ უმთავრესს სისწრაფეს და სტილს, პირიქით ეს მომწონს მათში, მაგრამ მინდა რომ მათ ეს თვისებები თუნდაც რამოდენიმე პროცენტით გადასცენ ჩვენს ძაღლებს. არ მესმის ჩვენს გარემო პირობებს მორგებულ აბორიგენებს, ამან რატომ უნდა აწყინოს. თქვენ გეხსომებათ საუბრები „ბადიზე“, მის შვილებზე, სადაც ლაპარაკი იყო იმაზე, რომ თუ ჩვენი პოინტერები დარბიან ეს მისი დამსახურება არისო. ამაზე ვსაუბრობ. შემდეგ თაობებში რომ ვერ გაქაჩა, ეს ბუნებრივია.

სულ 4-5 ძაღლი გვყავს ნანახი, (ზოგს ისიც არა) მინდორში, ევროპული მოშენების პოინტერებიდან და ისე გამოგვაქვს ამ ძაღლებზე დასკვნები ჩვენს პირობებში არ გაამართლებენო. სასაცილოა უბრალოდ მეტი არაფერი.

თქვენ როგორ წარმოგიდგენიათ ასეთი ძაღლებით ნადირობა საქართველოს იმ კუთხეებში სადაც კარგი მინდორი ტელევიზორში თუ უნახავს მონადირეს. ყველგან ერთნაირი პირობები ხომ არ არის.

მე ვფიქრობ რომ ვისაც ევროპული ძაღლები ჰყავს 80 პროცენტი მაინც ფცი–ს შეჯიბრზეა ორიენტირებული და ეს მისასალმებელია, ამას რა სჯობია თუ ჩვენი ძაღლები წარმატებას ევროპულ არენაზე მიაღწევენ. ვის არ გაეხარდება.
ძაღლებზე საუბრები აქ არათემატური ხომ არ არის . მაინტერესებს თქვენი აზრი ჩვენს საველეზე.

[aragveli]

სელექციის მთავარი მიზანი ხომ არის რომ ჯიში გააუმჯობესო და ევოლუცია დადებითისკენ წინ წაიყვანო? მასეთი სელექციით რასაც თქვენ ამბობთ ამ შედეგს ვერ ახწევ. ვბუქსაობთ ერთ ადგილზე.
ძაღლი უნდა იყოს წამყვანთან კონტაქტში როგორი რელიეფიც არ უნდა იყოს, ამას ფცი- წესებიც მოითხოვს. თუ ძაღლი შენთან კონტაქტში არ არის, მასეთი ძაღლით ვერც ნორმალურ რელიეფზე ინადირებ და ვერც ცუდზე.
ჩვენი საველეებიც და საერთოდ ეს თემაც ერთხელ და სამუდამოდ არის გადასაჭრელი, მაგრამ ამას დიდი დაფიქრება და დროც უნდა და მე მჯერავს რომ დრო ყველაფერზე გასცემს პასუხს და სწორ გზაზე დაგვაყენებს.

[gagrinski]

შეიჯიბრის ძირითადი მიზანი იმ მეძებრების გამოვლენაა, რომლებიც შესაძლებელია გამოვიყენოთ სანადირო ძაღლების მწამოებლებად. ეს მე უკვე ვთქვი და მთავარია მსაჯებმა(ექსპერტებმა) არ უნდა გადაუხვიონ ამ მიზანს.
თუ ნადირობის დროს მეძებრის მთავარ ღირსებად ეფექტური მუშაობა ითვლება, შეჯიბრებაზე გამოდის კიდევ ერთი დამატებითი პარამეტრიც: ჯიშისთვის დამახასიათებელი სტილი. სტილი ეს არის მეძებრის ,,სამოსი,, რომლის გარეშეც ძაღლი უჯიშოდ ითვლება.

ჟან კლოდ დარიგადი

საერთაშორისო პოინტერკლუბის ექს-პრეზიდენტი

ჟურნალი ნადირობა თევზაობა

[barambo]

aragveli

ვაცადოთ ჯერ დრო გასცემს ყველაფერს პასუხს და თუ 5-6 წელში პოინტერ კლუბის მიდგომამ შედეგი ვერ გამოიღო და ამ ძაღლებმა მართლაც არ გაამართლეს მერე ვიფიქროთ დანარჩენზე.

რა კარგია ბაბუ,5-6 წელი მოცდა რომ არაფერია შენთვის !
მე რომ 5-6 წელი მოვიცადო,შეიძლება აღარც დამჭირდეს ძაღლი!
ჭალიმგელა

მარტო ბაბუ მალავს ასაკს

რათა გიო,არა ვმალავ!
ლეტ 35-40. მეტს მაინც ვერ მომცემს კაცი!
"ევროპული" და "ჩვენი" პოინტერების შეჟვარებას რაც შეეხება,ცდა მაინც საჭიროა.
გუშინ ,წეროვანში ყავდათ ერთი ეგეთი"ევროპელი".პოინტერი.(გვარს არ დავასახელებ)დაფრინავდა!
პატრონის ტკივილნარევი კივილი ცას წვდებოდა!!!!!!!!!!!!!
ძაღლი ლამის ახალგორში გადადიოდა გადმოდიოდა,მარა რა ,არც რაი!
თან რო გითხრა ძებნითაც თავს იკლავდაო,მოგატყუებ!თან რაღაც საოცარი,პოინტერისათვის დამახასიათებელი სტილი აქვსო,ეგეც ტყუილია.ერთადერთი რაც მართლა კარგი აქვს,სისწრაფეა.
ხოდა მაგას ვამბობ,ვისაც სწრაფი პოინტერი უნდა,რომელიც ამავე დროს იმუშავებს და ნაბულსაც გააკეთებს,იმისთვის აზრი აქვს აქაური და"ევროპული" შეჯვარების პოინტერის ლეკვის აყვანა.
აბა მე რომ აღარ მჭირდება სწრაფი და სტილიანი ძარლი,იმიტომაც ავიყვანე აქაური მოშენების კურცჰაარი!

დღეს კი მთლად კომიკური სურათის შემსწრე გავხდი!
ორი ჩემი ძმაკაცი,დაახლოებით ჩემი ასაკის,30 მეტრიან კორდაგამობმულ,მოსკოვი
დან გამოგზავნილ, ეპანიოლებს აწვალებნენ მინდორში!
თან ორივე ოდითგანვე გერმანული მეძებრების მოყვარულია!
ან თვითონ რას წვალობენ,ან იმ რაკეტა ძაღლებს რას აწვალებენ!?

[არჩილი]

უბრალოდ ეს ძაღლები უნდა დაერთოს ადგილობრივ ძუებთან და მივიღებთ კარგ მონადირე ძაღლებს! ბაბუ


თენგოს ნამდვილად ვეთანხმები იმაში, რომ ევროპული სისხლები კარგია აქაური გენოფონდის განახლებისთვის. თუმცა რა შედეგს მივიღებთ, კაცმა არ იცის. ცდით აუცილებლად უნდა ვცადოთ. შადი შამოდი


ევროპულების აქაურზე დართვით ვერაფერს ვერ მიიღებთ. (ვერაფერში მე ევროპული ყაიდის ძაღლებს ვგულისხმობ) თორე აქაური ყაიდის გაუმჯობესებული ნამდვილად ბევრი იქნება. შეგიძლიათ უკრაინელებისა და რუსების გამოცდილება გაიზიაროთ ბევრი ეგეთი დართვები აქვთ გაკეთებული. GIGO

აქედან გამომდინარე:

1. ევროპული პოინტერი + ჩვენი პოინტერი = ევროპული პოინტერის გაუმჯობესება შეუძლებელია–––ანუ ცუდია ევროპული პოინტერისთვის
2. ევროპული პოინტერი + ჩვენი პოინტერი = ჩვენი პოინტერის გაუმჯობესება შესაძლებელია–––ანუ კარგია ჩვენი პოინტერისთვის

ჩემთვის ასეთი დასკვნა გავაკეთე ; ორივე მხარე მართალია, გააჩნია ვინ რომელი კუთხიდან უდგება.