ახალი სამონადირეო კანონის შესაქმნელად............ პარამეტრები

[akela1954]

პირველი პუნქტი თავის დროზე ჩვენ ძლივს შევაცვლევინეთ. როგორც არის უნდა დარჩეს, აგვისტოს მესამე შაბათი.

პუნქტი მეორე. გოჭაზე ნადირობა საერთოდ აკრძალულია. შემოდგომაზეც კი, ამიტომ ნაკლებად სავარაუდოა გაზაფხულზე დაუშვან. ისე რა იცი რა ხდება

აგვისტოს მესამე შაბათს არანაირად არ ვეხები. ეს საერთო ფორმულირებაა.
გოჭა უბრალოდ გამორჩენილი ყავთ, ძველიდან გადმოწერის დროს, რადგან რაიმე რეგულაცია ამ ფრინველთან დაკავშირებით საერთაშორისო დონეზე არ არსებობს.

[ჭალიმგელა]

akela1954
რაღაც კონვენციას მოაწერეს ხელი და იმიტომ ამოიღეს გოჭა. ჩვენც გამორჩენილი გვეგონა, მაგრამ დიდი ბოდიშიო

[akela1954]

akela1954
რაღაც კონვენციას მოაწერეს ხელი და იმიტომ ამოიღეს გოჭა. ჩვენც გამორჩენილი გვეგონა, მაგრამ დიდი ბოდიშიო

ვნახოთ რას იტყვიან და იმის მიხედვით ან დარჩება და ან ამოვარდება.
სხვარამის დამატება ?

[AlekoN]

ჯერჯერობით ვერაფერს ვამატებ.

[akela1954]

დღეს Fisher ge-s პრეზიდენტს ბატონ შოთა კვარაცხელიას ვესაუბრე იგივე საკითხზე; სამოყვარულო თევზაობის ვადებთან და იარაღებთან დაკავშირებით.
1. სახლართი ბადეების ერთ-ერთი სახესხვაობის ე.წ. "ეკრანის", "ფარდა ბადის" მეშვეობით სამოყვარულო თევზჭერის აკრძალვა.
2. როგორც ყველაზე დიდი ბოროტების ე.წ. "ელექტრო ანკესის" მომხმარებელთა წინააღმდეგ "ჯიხადის-საღვთო ომის გამოცხადება"(რა და როგორ ......?)
3. მდინარის კალმახის სტატუსის გარკვევის მცდელობა. (მცდელობას ხაზი გავუსვი)
4. სასროლი ბადის-როგორც სპორტული და სამოყვარულო თევზაობის იარაღის მითითებული დასაშვები ზომების რეალურობა.
მუხლი16.სამოყვარულო და სპორტული თევზჭერა.
პარაგრაფი 3. აკრძალულია:
პუნქტი გ) ჩოგანბადის,სასროლი ბადის, ეკრანის, და ხოლიხი ბადის გამოყენება, რომელთა დიამეტრი სფერული ფორმის შემთხვევაში , ხოლო სიგრძე/სიგანე სხვა ფორმის შემთხვევაში - 1,2 მეტრზე მეტია, ხოლო თვლის ზომა 20 მმ-ზე ნაკლები

[OQRO444]

კარგი წამოწყებაააააა......ველით საბოლოო ვარიანტს

[akela1954]

1. ნადირობის ვადები - დგინდება ყოველწლიურად, ნადირობის კანონიდან გამომდინარე (რომელიც აგრეთვე შესაცვლელია), არსებული რეალური სიტუაციის შესწავლის შემდეგ - რეგიონების მიხედვით.
2. საგაზაფხულო ნადირობა დაიშვება სპეციალური ყოველწლიური ბრძანებით.
- საგაზაფხულო ნადირობა გადამფრენ წყალმცურავ ფრინველზე - დაიშვება იანვარ - თებერვალში ჩატარებული გამოკვლევის შედეგების მიხედვით, მარტის თვეში ორი კვირის განმავლობაში.
- საგაზაფხულო ნადირობა გადამფრენ ფრინველზე (ტყის ქათამი, გოჭა) - დაიშვება სპეცილური კვლევის შედეგად აპრილი - მაისი ორი კვირის განმავლობაში
3. მაღალმთიან ზონაში - გადამფრენ წყალმცურავზე ნადირობა დაიშვება 15 სექტემბრიდან.
4. გადამფრენ წყალმცურავზე - ნადირობა დაიხუროს 1 მარტს.
5. ადგილობრივ (აბორიგენულ) ნადირ - ფრინველზე ნადირობა დაიშვება და რეგულირდება ყოვლწლიური კვლევების შედეგების შეჯამების შედეგად (ნადირ-ფრინველის აღრიცხვა, განსახლება რეგიონების მიხედვით და სხვა)
6. აიკრძალოს ყველანაირი ელექტრომოწყობილობების გამოყენება ნადირ-ფრინველის მისატყუებლად.
7. მტაცებელ ნადირზე ნადირობა დაშვებულ იქნას მთელი წლის განმავლობაში. (მგელი, ტურა, მელა, ენოტი, ენოტისებური ძაღლი)

დღევანდელი შეხვედრის შედეგად ყველა ეს შეთავაზება გაგებით იქნა მიღებული. (ეს არ ნიშნავს რომ ეს ყველაფერი აისახება კანონში ან რაიმე ნორმატიულ აქტში)
გოჭას (დუპელის)-Gallinago media საკითხი ღიად დარჩენილად დავტოვეთ, რადგან ჭალიმგელას შენიშვნა გადავამოწმე, მინიჭებული აქვს კატეგორია NT (Near Treaten Tened) უახლოეს მომავალში უეჭველად გადაშენების საშიშროების წინაშე დადგება.

დაინტერესება მდგომარეობს შესაძლებელი ნადირობის ვადების დადგენაში ისეთ ცხოველებზე, რომლებიც სანადირო ობიექტებს კი წარმოადგენენ, მაგრამ აქამდე მათზე ნადირობა აკრძალული იყო კატეგორიულად.

თევზაობასთან დაკავშირებით; ჯერ კანონის გადახედვა არა დგას დღის წესრიგში.
"ეკრანის" აკრძალვასთან დაკავშირებით წინააღმდეგობაა; მშრომელი მასების მოთხოვნით დავუშვით ოოოოოოოოოოოოოოოოო
"ელექტრიკების" საკითხში თანხვედრაა.
კალმახის სტატუსთან თანხვედრაა.
სასროლ ბადესთან დეტალურად უნდა ახსნა რა და რატომ, მომავლის საქმეა მაგრამ კატეგორიული უარი არ არის.

[akela1954]

დაინტერესებულების აზრი მაინტერესებს;
1. ნადირობისას დაშვებულია მონადირე ძაღლებისა და სანადიროდ გაწვრთნილი მტაცებელი ფრინველების გამოყენება.
2. მტაცებელი ფრინველების გაწვრთნა დაიშვება ნადირობისათვის დაშვებულ ვადებში და პირი რომელიც ახორციელებს მტაცებელი ფრინველის წვრთნას ვალდებულია თან იქონიოს "ბუნებრივი რესურსებით სარგებლობისათვის მოსაკრებლის შესახებ" საქართველოს კანონით გათვალისწინებული გარემოდან გადამფრენი ფრინველების ამოღებაზე დაწესებული მოსაკრებლის გადახდის დამადასტურებელი ქვითარი (დედანი).
3. მონადირე ძაღლების წვრთნა (დაგეშვა) დაიშვება მთელი წლის განმავლობაში, მაგრამ თუ წვრთნა (დაგეშვა), ხორციელდება ნადირობისათვის აკრძალულ ვადებში პირი, რომელიც ახორციელებს მონადირე ძაღლის წვრთნას (დაგეშვას), არაა უფლებამოსილი თან იქონიოს სანადირო იარაღი.

მე-3 პუნქტში შეიძლებოდა სანადირო იარაღის და ფუჭი (საფანტის გარეშე) ვაზნით ძაღლის გეშვა (თოფის ხმასთან მიჩვევის მიზნით), მაგრამ აქვე ჩემი აზრის საწინააღმდეგოდ მინდა რამოდენიმე არა ჩამოვაყალიბო;
1. ამას გამოიყენებენ არამონადირეები და გეშვის მიზეზით თოფის ტარებას და სროლას გაამართლებენ.(თუმცა არც ისე აკლებენ) ისე არც ისე შორეულ ისტორიულ წარსულში დაშვებული იყო გეშვის დროს ერთი ეგზემპლარის მონადირება, მაგრამ მაშინდელი მონადირე თუ მოკლავდა გეშვის დროს მართლა ერთს მოკლავდა.
2. ნაბულიდან ამოყვანილ ფრინველზე ფუჭი გასროლა ნადავლის გარეშე ძაღლს ფსიქიკას დაუმახინჯებს.
ეს არის ჩემი ხმამაღლა ნაფიქრალი.

[გოგა]

akela1954

არაა უფლებამოსილი თან იქონიოს სანადირო იარაღი.

მემგონი ეს არ არის პრობლემა.
ათასნაირი "ხლაპუშკებია" რომელიც გასროლის იმიტაციას აკეთებს.
ამიტომ ცუდი არ იქნება რო არ დაუშვან გეშვის დროს თოფის გამოყენება.
თუმცა ცუდი არ არის დასაგეშმა ძაღლმა იყნოსოს მონადირებული ფრინველის სუნი.

[akela1954]

[quote name='გოგა' date='Nov 3 2011, 00:02' post='170310']
ამიტომ ცუდი არ იქნება რო არ დაუშვან გეშვის დროს თოფის გამოყენება.

მეც მაგ ფორმულირებას ვემხრობი.

კანონშემოქმედების დროს (თუმცა მე იურისტი არა ვარ) ალბათ ჯობია თავი დაიზღვიო და ცოტა უფრო მკაცრი და ერთმნიშვნელოვნად წასაკითხი კანონი მიიღო.