Drift Battle Gori, შეჯიბრი დრიფტში, ქ. გორი, 2013 წლის 14 აპრილი პარამეტრები

[კუთხა]

2013 წლის, 14 აპრილს გაიმართება Drift შეჯიბრი გორში, სტალინის მოედანზე, რომელსაც წარმოგიდგენთ Bmw e30-სა და E36-ის , ასევე გორის ავტომოყვარულთა კლუბები (ამ უკანასკნელი კლუბის წევრი გახლავართ თქვენი მონამორჩილი)

ძირითადი ინფორმაცია:
• სარეგისტრაციო თანხა 25 ლარი.
• მონაწილეთა რეგისტრაცია შესაძლებელი იქნება 10 აპრილიდან.
• რეგისტრაციის ბოლო ვადა 14 აპრილი, 11 საათი.
• სტარტი 12 საათი.

შეჯიბრი იქნება 4 ეტაპიანი, 4 სხვადასხვა ტიპის ტრაექტორიით, შესაძლებელია რამდენიმე ეტაპის დამატება, ეს ჯერ კიდევ განხილვის პროცესშია

თავდაპირველად თიოთეული მონაწილე გაივლის 2 ეტაპს, 2 ეტაპის გავლის შემდეგ დაჯამდება მათი ქულები და გადავა შემდეგ ეტაპზე მონაწილეთა დაახლოებით 50-70% (ყოველივე ეს დამოკიდებულია მონაწილეთა რაოდენობაზე).
2 ეტაპის შემდგომ ნულდება ქულები, დარჩენილი მონაწილეები კი გაივლიან კვლავ 2 ეტაპს, კვლავ დაჯამდება ქულები და პირველი 3 მონაწილე გადაინაწილებს 1,2,3 ადგილებს.
ალბათ ბევრს გაუჩნდება კითხვა თუ რა იქნება იმ შემთხვევაში რომ ქულების თანაბარი რაოდენობა დაფიქსირდეს მონაწილეებს შორის, ეს რომ ნათელი გახდეს მოგიყვანთ მაგალითს:
• მონაწილე 1 – 20 ქულა
მონაწილე 2 - 20 ქულა
მონაწილე 3 – 10 ქულა
მონაწილე 4 – 10 ქულა
მოანიწლე 5 – 10 ქულა
მოცემულ შემთხვევაში დაინიშნება დამატებითი ეტაპი, სადაც ივლის მონაწილე 3,4,5 და მათ შორის საუკეთესო გახდება 3 ადგილოსანი, თავის მხრივ 1,2 მონაწილეს შორის დაინიშნება დამატებითი ეტაპი და ისინი გაინაწილებენ 1,2 ადგილს.
ვარიანტები რათქმაუნდა ძალიან ბევრნაირია, მაგრამ ძირითად იდეას ალბათ ყველა კარგად მიხვდებით თუ როგორ მოხდება გამარჯვებულის გამოვლენა.
4 ეტაპის დასრულების შემდგომ, ჩვენ უკვე გვეცოდინება გამარჯვებული 1-2-3 ადგილოსნები, რომელთაც დავასაჩუქრებთ პრიზებით, მაგრამ ამით ყველაფერი არ მთავრდება და კვლავ მოუწევთ 1-2-3 ადგილოსნებს დამატებით შეეჯიბრონ ერთმანეთს ბონუს ტურში - Freestyle Drift.
სადაც მოუწევთ შეასრულონ ჩვენს მიერ შედგენილი ტრაექტორია შოუს ელემენტებით ან მათ მიერ შემოთავაზებული (თუ რათქმაუნდა შესაძლებლობებში ჩაჯდება და სასწაულის გამოგონება არ მოგვიწევს) 
ასევე დაჯიდლოვდება Fresstyle Drift-ის გამაჯრვებული.

მონაწილეთა საყურადღებოდ:
თითოეული ტრაექტორიის დასრულების შემდგომ, როდესაც მსაჯი მიუთითებს რომ დაბრუნდეთ ადგილზე, დამატები ზანოსით გასვლა მანქანის გასაჩერებელ ადგილზე ან მსგავსი ნებისმიერი ქმედება იქნება დასჯადი რომელიც აისახება მისი ქულების დაკლებაზე, იდეა იყო რომ დისკვალიფიკაცია მიგვეცა, მაგრამ კვლავაც მაქსიმალურად ვამსუბუქებთ და მხოლოდ ქულების დაკლებით შემოვიფარგლებით.
იმისათვის რომ დაიშვათ შეჯიბრზე აუცილებლად უნდა გაითვალისწინოთ:
1) მანქანა უნდა იყოს უკანა წამყვან თვლებიანი.
2) არანაირი დახსნილი ე.წ ბაგაჟნიკები და კაპოტები. (არ მაქ საუბარი გამონაკლისებზე).
3) რათქმაუნდა არნაირი შეზღუდვა საბურავებზე.
4) გამომსვლელი შეიძლება იყოს ნებისმიერი, გინდა პროფესიონალი გინდა მოყვარული და გინდა დამწყები.
5) მონაწილე რომელიც არ დაიკრავს სპონსორების სტიკერს არ დაიშვებიან შეჯიბრზე (სპონსორის არსებობის შემთხვევაში რათქმაუნდა)

ამ ეტაპისათვის პრიზები გადანაწილდება ასე:

1 ადგილი
• 150 ლარი ფულადი პრიზი
2 ადგილი
• 100 ლარი ფულადი პრიზი
3 ადგილი
• 50 ლარი ფულადი პრიზი

Freestyle Drift გამაჯრვებული
• სპეციალური პრიზი-სურპრიზი Gelashvili Performance-სგან.

სხვა სპონსორების მოძიების შემთხვევაში შესაძლებელია პრიზების დამატება

ოჩოელები თუ დაესწრებით ძალიან გამახარებთ, კიდევ უფრო კარგად გაგიცნობთ და კარგი სანახაობითაც დატკბებით (იმედია სამსახური მომცემს იმის საშუალებას რომ ნამდვილად დავესწრო ჩვენსავე ჩატარებულ შეჯიბრს )



ისე გორს საკმაო გამოცდილება აქვს მაგ საკითხში, 2 თუ 3 მსგავსი შეჯიბრი თბილისელებმა ჩაატარეს, ხოლო 2 შეჯიბრი იმენა გორის ავტომოყვარულთა კლუბის სახელით ჩატარდა, ამ ეტაპზე საერთო ივენთი მოვიფიქრეთ

დანარჩენ ინფოს, მათ შორის გასავლელ გზებს დავდებ შეჯიბრამდე 2 დღით ადრე ალბათ, ხოლო ივენთის დასრულების შემდეგ სურათებსაც მოვაყრი

პ.ს. გორის ავტომოყვარულთა კლუბის მიერ წინა წლების ივენთების სურათები ვისაც გაინტერესებთ აგერ ლინკებიც
2011 წელი https://www.facebook.com/media/set/?set=a.2...1398&type=3
2012 წელი https://www.facebook.com/media/set/?set=a.4...1398&type=3

[ჩელე]

ვააა კარგია. ანუ რეგულარული სახე აქვს ამ ივენთს...


CHE-666 ვისია?

[მარდი]

აუ მაგარი შოუ იქნება ბმვ კლუბი როგორც ყოველთვის მაგარ შოუს მოაწყობს!!

[კუთხა]

ჩელე
ძმაკაცისაა, ძალიან მაგარი მანქანა იყო, მაგრამ ეხლა უფრო მაგარი ყავს :-)

[T A M P L I E R]

კარგია!
დონათების მეტი იცით რამე თუ ისევ ერთფეროვნება უნდა იყოს

[კუთხა]

mardi

ამ შემთხვევაში ბმვ-ს კლუბი არაფერ შუაშია, გორის ავტომოყვარულთა კლუბი, ე30 და ე36 კლუბები ვართ, ბმვ-ს კლუბი საერთოდ ცალკეა და ამ ივენთთან არანაირი კავშირი არ აქვს :-)

ნიკოლოზ ასეთი ივენთი დონატის გარეშე არ ჩაივლის, თუმცა განსხვავებული რაღაცეებიც გვაქვს დაგეგმილი :-)

[Che]

კუთხა
აუცილებლად დავესწრები, მომწონს ეს სპორტი მაგრად
შენ მონაწილეობასაც იღებ ხოლმე?

[კუთხა]

Che

ვერა: ( მანქანა ვერ მიქაჩავს მაგდენს: (

[მარდი]

კუთხა
გასაგებია, მთავარია ბმვ აჩვენებს კლასს. დიდი სიამოვნებით დავესწრები ამ შოუს იმედია შევძლებ!!

[Che]

ჩელე

CHE-666 ვისია?

გორში ერთდოულად შეგიძლია იხილო სამი მანქანა
CHE-777, CHE-666 და CHE-555

ნუ 777 თქვენი მონა-მორჩილისაა, დანარჩენებიც კაცური ხალხისაა

[კუთხა]

666 nametani giJisaa oRond

[Che]

ვერა: ( მანქანა ვერ მიქაჩავს მაგდენს: (

კუთხა
მეც ორჯერ მყავდა BMW 318 და 323i მაგრამ არც ისინი ექნა სადრიფტაოდ ღმერთს

[მარდი]

che
რატო მე მინახავს 316ის დრიფტაობა მართალია ისე არ გამოსდიოდა როგორც 328ს ან 330 მაგრამ მაინც გავდა დრიფტს!

[კუთხა]

mardi
კარგი ეხლა, ან შენ მოგატყუეს რომ 316 იყო, ან შენ გვატყუებ ეხლა ჩვენ, ან არ იცი რა არის დრიფტი საწყენად არ მიიღო, შეიძლება ვიღაცამ დააბუქსავა და დრიფტი დაუძახა მაგას 316-ს ვერანაირი ძალა ვერ ეყოფოდა რომ ზანოსში ჩამდგარიყო, დონატი შეიძლება გააკეთებინო, ისიც გაჭირვებით

Che

BMW 318 და 323i

323-ს რომ ბლოკირება დაუყენო კიდევ დაამგვანებ რაღაცას, მთლად ვერ დაგლიჯავ, მაგრამ იზავ რამეს რა ჩემი 318-ია და თან გაზი და თან ბლოკირებაც არ მაქვს :(

[კუთხა]

ცნობისათვის ეს არის დრიფტი სამწუხაროდ ამ დონემდე ბევრი უკლია საქართველოს :(