ალეკო მიშელაშვილის(aragveli ) შემოქმედება ., პოეზია . |
გამარჯობა, სტუმარო ( შესვლა | რეგისტრაცია )
|
ალეკო მიშელაშვილის(aragveli ) შემოქმედება ., პოეზია . |
Jan 31 2014, 14:59
პოსტი
#46
|
|
თოფით მონადირე ჯგუფი: ფორუმის წევრი პოსტები: 1,373 რეგისტრ.: 23-June 09 ნიკის ჩასმა ციტირება მდებარეობა: dusheti |
თოვდა ისეთი სინაზით თოვდა,
თითქოს უფალი სუდარას ქსოვდა. თოვდა და ცოტა ქარებიც ქროდა, სივრცეს სიკვდილის სურნელი ჰქონდა. სურნელი ჰქონდა, სურვილიც ჰქონდა, მაგრამ უფალი სხვა გვარად ბჭობდა. კარი შეაბა ნისლმა ჰორიზონტს, და მის შეღებას ვირაცა მთხოვდა. მთხოვდა და ალბათ იმედიც ჰქონდა, ჩემს თვალებში ხომ ჭინკები ჰკრთოდა. გადავაბიჯე ნისლში შევცურე და თურმე წასვლას, დარჩენა სჯობდა. დარჩენა სჯობდა, რადგან წასვლაში, გმირობის მხოლოთ სურვილი მქონდა. |
|
|
Feb 1 2014, 11:13
პოსტი
#47
|
|
თოფით მონადირე ჯგუფი: ფორუმის წევრი პოსტები: 1,373 რეგისტრ.: 23-June 09 ნიკის ჩასმა ციტირება მდებარეობა: dusheti |
მე სხვანაირი სამყარო მსურდა,
ჩემთან ზღაპრების ცეცხლი ელავდა. ჩემს ბედთან ძაღლი რას გახდებოდა, ძაღლის მაგივრად მგლები ყეფავდა. თვალწინ დამიკლეს წლებმა წიქარა, და ასფურცელა სადღაც ფეთქავდა. თავი მომიჭრეს ნაცარქექიას, დევი მის თავზე ხანჯლებს ფერავდა. დამინაკუწეს წლებმა სამეფო, წლები სულისთვის ჩარჩოს ჰკერავდა. გამინაპირეს რეალობაში და ბედი ჩემთვის ხანჯალს ლესავდა. ************************** შემოდგომაა ტატნობზე ნისლის ფთილები ყრიაო. ბევრი ვიარე მგელივით, გადავიარე ფრიალო. გადავიტყავე მუხლები, ხევებში ზვავი ყრიაო. სული შემბერე ნიავო სანამ შარს გადამყრიანო. მთიდან რომ სივრცეს გავცქერი, მეფენიც თავს მიხრიანო. მკლავზე რომ ღრუბლებს დაიწვენ, ბატონი ვინ მიგდიაო. თავისუფლების აკვანი სწორეთ მთამ დაარწიაო. მე აქ სიკვდილსაც ყაბულს ვარ, თუ წერამ მომიწიაო. წამოუბერეს ქარებმა, ნისლი მთას გადადიანო. ღამეს ეხებში ვათენებ, სიპები ძილში მცდიანო. დღისით ასას წყალს მივტოპავ, მხრით ზეცა მიკავიაო. ჯიხვები უნდა მოვხელო, ცოდვები გავიმთლიანო. თუ ერთხელ ჯიხვი დათოფე, მოწამლული ხარ ტიალო. მერე თუნდ ცოლი გაგექცეს, მაინც ვერ დაგიშლიანო. თუკი შუნ -ჯიხვი დავთოფო, ნუ გამითენებ მზიანსო. ცის ნამი ქუჩის ღერებზე ცრემლებად ჩამოდიანო. გული ხარ- ჯიხვზეც შემტკივა, ისიც ხომ ვაჟკაციაო. როგორც ალუდას, მუცალი ხან ისე სულში მჭრიანო. რა ვქნა უფალო შემინდე, გული არ დამიზიანო. ჩემი ბრალი ხომ ის არის, მონადირე რომ მქვიანო. |
|
|
Feb 1 2014, 11:35
პოსტი
#48
|
|
შურდულით მონადირე ჯგუფი: ფორუმის წევრი პოსტები: 429 რეგისტრ.: 16-June 09 ნიკის ჩასმა ციტირება |
ყოჩაღ არაგველო !!
|
|
|
Feb 6 2014, 09:50
პოსტი
#49
|
|
თოფით მონადირე ჯგუფი: ფორუმის წევრი პოსტები: 1,373 რეგისტრ.: 23-June 09 ნიკის ჩასმა ციტირება მდებარეობა: dusheti |
სადაც ნისლები ფეხქვეშ მიყრია
და ზეცამდეა არც ისე შორი, იქ ამიყვანეთ იქ დამასახლეთ, სადაც არ არის შფოთი და ჭორი. სადაც ღრუბლებმა გადამიარა და შუბლზე თბილი დამისვა ტორი. იქ ამიყვანეთ ,იქ დამასახლეთ, უნდა ფიქრების დავიდგა გორი. ჩემი ცხოვრება მგლის ყმულია, ან ცის კიდეზე, დაღლილი ქორი და ნუ მომძებნით რათგან თქვენამდე ამ მთის გარეშეც შორია, შორი. |
|
|
Feb 7 2014, 16:03
პოსტი
#50
|
|
თოფით მონადირე ჯგუფი: ფორუმის წევრი პოსტები: 1,373 რეგისტრ.: 23-June 09 ნიკის ჩასმა ციტირება მდებარეობა: dusheti |
ჩემი დეიდაშვილია , ჩემს ლექსზე ააწყო და მგონი კარგი გამოვიდა. |
|
|
Feb 7 2014, 20:18
პოსტი
#51
|
|
შურდულით მონადირე ჯგუფი: ფორუმის წევრი პოსტები: 433 რეგისტრ.: 12-March 12 ნიკის ჩასმა ციტირება |
ალიკ დათოს ველაპარაკე და გინდა მომიტანოს გინდა გადმოაგზავნოსო.
|
|
|
Feb 7 2014, 21:06
პოსტი
#52
|
|
მშვილდით მონადირე ჯგუფი: საპატიო წევრი პოსტები: 739 რეგისტრ.: 21-January 10 ნიკის ჩასმა ციტირება |
სიმღერა ძალიან კარგი გამოსულა. "ჩემი ცხოვრება მგლის ყმუილია, ან - ცის კიდეზე დაღლილი ქორი". ამ სტრიქონების ავტორობას კიდე ბარე ორი მაგარი პოეტი ინატრებს. დამიჯერეთ
|
|
|
Feb 7 2014, 21:27
პოსტი
#53
|
|
ძაღლით მონადირე ჯგუფი: ფორუმის წევრი პოსტები: 3,134 რეგისტრ.: 30-May 13 ნიკის ჩასმა ციტირება მდებარეობა: თბილისი-კახეთი |
aragveli
შემატოკა რასაც ქვია. საღოლ ძმა ძაან მაგარი სიტყვებია |
|
|
Feb 7 2014, 21:52
პოსტი
#54
|
|
ძაღლით მონადირე ჯგუფი: ფორუმის წევრი პოსტები: 4,792 რეგისტრ.: 15-May 09 ნიკის ჩასმა ციტირება მდებარეობა: rustavi |
aragveli
კარგია ქართველო ბოლომდე მიაწექი |
|
|
Feb 8 2014, 06:53
პოსტი
#55
|
|
თოფით მონადირე ჯგუფი: ფორუმის წევრი პოსტები: 1,373 რეგისტრ.: 23-June 09 ნიკის ჩასმა ციტირება მდებარეობა: dusheti |
დიდი მადლობა ყველას , გადავგზავნე ძია გიულ მადლობა.
|
|
|
Feb 20 2014, 12:01
პოსტი
#56
|
|
თოფით მონადირე ჯგუფი: ფორუმის წევრი პოსტები: 1,373 რეგისტრ.: 23-June 09 ნიკის ჩასმა ციტირება მდებარეობა: dusheti |
შენ სასთუმალთან, აპრილი გიწევს,
მაისის სიომ გადაგიარა. გადაგიარა შენ არ გაჰყევი, და დარდით მთებში იბორიალა. შენ სასთუმალთან იები ყვავის და დეკემბერი გაჩნდა იარად, ვერ შეითვისე იანვრის სუსხი, ყვავილები რომ გაგიტიალა. შენი თვალებით დათვრა ივნისი და ივლისამდე მთვრალმა იარა. შენ გვირილებში მაშინ გიპოვეს, გაზაფხულმა რომ იმშობიარა. ********************** მთები ხომ ჩვენი , თითქოს არცაა, მხოლოდ ზე-კაცთა გამხდარა ტახტი. დევები ბარში გადმოხვეწილან, ზურგზე ემჩნევათ კოპალას ლახტი. მთები ხომ უფლის ტახტრევანია კლდის ეხებშია ზე-კაცთა სახლი. მთები ღირსეულ კაცთა ხვედრია, ჩვენ ვინ გვარგუნა ,მირონის საცხი. და ამიტომაც არ გაგიკვირდეს გულში დარჩები ყველას არაკად, მწვერვალზე ასულს, ცა თუ მოგერგო, დედამიწა კი გეპატარავა. |
|
|
Feb 20 2014, 12:02
პოსტი
#57
|
|
ძაღლით მონადირე ჯგუფი: კლუბის წევრი პოსტები: 2,743 რეგისტრ.: 29-November 09 ნიკის ჩასმა ციტირება მდებარეობა: თბილისი |
aragveli
საღოლ |
|
|
Feb 20 2014, 12:06
პოსტი
#58
|
|
თოფით მონადირე ჯგუფი: ფორუმის წევრი პოსტები: 1,373 რეგისტრ.: 23-June 09 ნიკის ჩასმა ციტირება მდებარეობა: dusheti |
ხომ შეიძლება გეცხოვრა მთაში,
ყოფილიყავი შენ მწყემსის ქალი. დილით ნისლები მთებზე გეწველა, დაისვენებდა სივცეში თვალი. ხომ შეიძლება მთაში გეცხოვრა, გეტოლებინა ზეცესთვის თავი. სადაც მთის ნიავს თავბრუ დახვეულს, დაადგებოდა აღმართზე ჭვალი. ხომ შეიძლება მთაში გეცხოვრა, არ გდომებოდა ქალაქის მჭვარტლი. ხომ შეიძლება თვალით გენახა, მთის ხეობიდან ასული ჭავლი. მე ვიცი სჯობდა იქ შევხვედროდით, ვერ მოგვეწყვიტა ერთურთზე თვალი და სიბერეშიც ბრმას მყვარებოდა, შენი სავალი შარა და კვალი. ხომ შეიძლება მთებზე გემარხა, ჩემი დაღლილი ხორცი და ძვალი. მაგრამ განგებამ ბევრი იცინა და მოიქნია ნაფერი ხმალი. გზები ერთურთზე ისე გაჰკვეთა, რომ ქაჯებს დარჩათ ოცნების ქალი. ******************** ნისლები, მთების ნასუნთქი ორთქლი, ნიავმა თავზე გადამაყარა. ჩამოიწია ზეცა მოქუფრდა და ცრემლი თმებზე ჩამომაღვარა. თავისუფლების ღვთიურმა განცდამ, მთელი ცხოვრება მთებში მატარა. მატარა როგორც ჭიუხის ქარი და მწვერვალებზე ფერფლად დამყარა. თავისუფლება ფერფლადაც გიჯობს, სანამ განგებამ მონად დაგმარხა. თავისუფლებას აქ მთებზე სძინავს და თავი უკვე თერგში ჩახარა. მოდით იყვირეთ , მოდით აღვიძეთ, სანამ ზვავებმა, სულ მთლად დაფარა. ********************* ამოიწია მზე ამოცურდა და მთებს კალთებზე ჩვილივით უზის. ჩვილივით უზით, მზე გაზაფხულის და ზამთარს უკვე ყორღანებს უთხრის. ზვავის ნაჟური თერგმა იშვილა და მღვრიე ტალღებს ჭინკები უხტის. მუხლი მოღალა ზამთროს ქარებმა, ნამქერებს უკვე ფიფქებიც უჭირს. ნასოფლარები მზეზე ჰკიდია და წუთისოფელს ჩირივით უღირს. იქნებ გაზაფხულს მთაში შემოსვლას, უჩვენოთ უკვე უფალი უშლის. *********************** მე თვითონ მიკვირს , როგორ გავუძლე როგორ ვათრიე სული წყეული. როცა გამვლელი ზარმაციც მგლეჯდა და ჩავამთავრე ასე წლეული. როცა სამართალს ბრბოში ვეძებდი და ციციკორე ჰყავდათ მოთავე. როცა ლინჩის წესს ისე გიდგენენ, რომ ღვთისნიერი ვერვინ მონახე. ჩაჩოქილი ხარ პირველ ქვას უცდი, უცდი თვალები შეაგებო შენზე უარესს. ჯერ არ მომკვდარხარ, მაგრამ რაც დაგრჩა, იმას მათ უკვე წილი უყარეს. მე უკვე მიკვირს როგორ გავუძლე, როგორ აღვსდეგი ფერფლად ფენიქსი, ახლა სფინქსივით როგორღა ვდგავარ!? როცა დამისვეს გულზე დეფისი. |
|
|
Feb 20 2014, 12:06
პოსტი
#59
|
|
ძაღლით მონადირე ჯგუფი: კლუბის წევრი პოსტები: 2,743 რეგისტრ.: 29-November 09 ნიკის ჩასმა ციტირება მდებარეობა: თბილისი |
|
|
|
Feb 25 2014, 00:37
პოსტი
#60
|
|
ზახარა ჯგუფი: ადმინი პოსტები: 10,776 რეგისტრ.: 16-May 09 ნიკის ჩასმა ციტირება მდებარეობა: თბილისი |
|
|
|
მსუბუქი ვერსია | ახლა არის: 4th June 2024 - 14:06 |