ჰარიერი, კურდღლის ინგლისური მდევარი პარამეტრები

[aragveli]

ჰარიერი მდევრების ერთ- ერთი უძველესი ჯიშია. ჯერ კიდევ ჩვენს წელთაღრიცხვამდე V საუკუნეში ქსენოფონტე წერდა ამ ძაღლებზე და აღნიშნავდა, რომ ისინი განსაცვიფრებლად ნადირობდნენ კურდღელზე.თუმცა საეჭვოა იმ ძველ სახელგანთქმულ მეკურდღლე ძაღლს თანამედროვე ჰარიერთან რაიმე სახის კავშირი ჰქონდეს.
უფრო მისაღებია იმ კინოლოგთა ვარაუდი, რომლებიც ფიქრობდნენ, რომ ჰარიერი ბიგლებისა და სამხრეთ ინგლისური მდევრების ბაზაზე გამოიყვანეს. თავიაანთ მოსაზრებას ისინი იმით ასაბუთებენ ,რომ აღნიშნული ორივე ჯიში ფრანგული წარმოშობისაა და დასავლური მდევრებიდან მოდის.
არსებობს კიდევ ერთი ვერსია, რომელიც ალბათ ყველაზე ახლოს სდგას ჭეშმარიტებასთან. ინგლიში დარწმუნებულები არიან , რომ ჰარიერი ბიგლისა და ფოქსჰაუნდის შეჯვარებით არის გამოყვანილი.. მართლაც ეს სამი ჯიშის ძაღლი ფორმით ერთმანეთს ჰგავს, ბეწვის სტრუქტურა და ფერიც ერთნაირი აქვთ. განსხვავება მხოლოდ ზომებშია. ჰარიერი ბიგლზე დიდია მაგრამ ფოქსჰაუნდზე პატარა. მაქსიმალური სიმაღლე 55 სანტიმეტრია.
ამ ჯიშის სახელწოდება ნორმანდიულ ენაზე ძაღლს ნიშნავს . ამიტომ ძველად ინგლიში ჰარიერით მრავალი ჯიშის ძაღლს მოიხსენიებდნენ, მაგალითად ირმის ჰარიერი ,მელის ჰარიერი და ასე შემდეგ .დღეს კი მხოლოდ კურდღლის ძაღლს ჰქვია და ისინი სწორედ კურდღელზე ავლენენ თავიაანთი შესაძლებლობების მაქსიმუმს, ისინი მელასაც დასდევენ მარა ამ საქმეში ისინი ფოქსჰაუნდს ბევრად ჩამორჩებიან.
ეს ჯიში ძირითადად ინგლიშია გავცელებული ,სხვა ქვეყნებთან შედარებით მეტია საფრანგეთში. ძალიან ცოტაა ამერიკაშიც.იმიტომ რომ აქ კურდღელი თითქმის არ არის. ჰარიერის სტანდარტი უკანასკნელად 1974 წელს დაამტკიცეს.
საერთო იერი-მოხდენილი გარეგნობის ძაღლია, აგებულების სიმძლავრით ფოქსჰაუნდს ჩამორჩება,თუმცა მასთან შედარებით ჯიშიან შთაბეჭდილებას ტოვებს.
თავი-საშუალო ზომის, წაგრძელებული დრუნჩით,რომელიც უფრო წაწვეტებულია ვიდრე ოთკუთხედი.
თვალები-საშუალო ზომის თითქმის მრგვალი, ღრმად ჩამჯდარი და აუცილებლად მუქი.
ყურები-რომაული ციფრი V მსგავსი, ოდნავ ჩახვეული. მოკლე და მაღლა დამდგარი.
ცხვირი-შავი, კარგად განვითარებული
კისერი-გრძელი, ზედა ნაწილში ოდნავ მომრგვალებული
მხრები-ირიბად დამდგარი,კარგად დაკუნთული.
წინა კიდურები- სწორი ,პარალელური, თათები უფრო წაგრძელებული ფორმის,ვიდრე მგვალი წაგრძელებული ფორმის.
მკერდი-კარგად განვითარებული, გაშლილი ,მაგრამ უფრო დაშვებული, ვიდრე ფართო.
ზურგი-სწორი და დაკუნთული.
წელი-ძლიერი ოდნავ ამობურცული.
მუცელი-ნაკლებად კომპაქტური და ატაცული.
კუდი-საშუალო სიგრძის ოდნავ ზევით აპრეხილი.
უკანა კიდურები-კარგად გამოხატული შესახსრების კუთხეებით.
ბეწვი-საშუალო სიგრძის,სწორი,ბზინვარე.
ფერი-ძირითადად ,თეთრ-შავი. ნარინჯისფერი ფოთლებით.
სიმაღლე-ხვადები480-550მმ. ძუები-2სმ დაბლები.

ჟურნალი-ნადირობა.