ახალი იარაღი პარამეტრები

[minchanin]

გამარჯობათ მეგობრებო. გადავწყვიტე ახალი თემა შემექმნა, რaდგან მსგავსი ვერ ვნახე. საქმე შემდეგშია - სრულიად შემთხვევით ხელში ჩამივარდა ასეთი რამ.

ეს არის დუბელის ჩასაჭედებელი პისტოლეტი СМП-3, ერთი კვირა ვიფიქრე რაში გამომეყენებინა, და მომივიდა იდეა ამ აგრეგატიდან გამეკეთებინა თოფი. მით უმეტეს, რომ მე ამის უფლება მაქვს (ლიცენზია იარაღის დამზადებაზე). გადავაკეთე სასხლეტი და დამცემი მექანიზმები, გავუკეთე სამიზნე და ონდახი, დავუყენე ოპტიკა და ლაზერული სამიზნე და მივიღე ეს



ნახაზებსა და სქემას შეგნებულად არ დავდებ, რადგან თავიდან ავიცილოთ მსგავსი ექსპერიმენტების ჩატარება მათი მხრიდან, ვისაც ამისი უფლება არ გააჩნია. მე მხოლოდ ვილაპარაკებ მის ტაქტიკო-ტექნიკურ შედეგებზე, ბალისტიკაზე, მასში გამოყენებულ ვაზნებსა და მუხტებზე, ასეთი იარაღის მიზანშეწონილობაზე და ა. შ.
დავიწყებ წონიდან.წონა გამოვიდა 3,8 კგ. სიგრძე 71 სმ. რა თქმა უნდა თავის სიგრძესთან შედარებით მძიმეა, მაგრამ... სამაგიეროდ დიდი გამძლეობის მარაგით („ზაპას პროჩნოსტი“). ლულის სიგრძე არის 28,5 სმ.

კომპლეკტში მოყვა სამი ლულა -ორი 8 მმ.-იანი და ერთი 12 მმ.იანი კალიბრი .მართალი გითხრათ ლულა ძალიან მოკლეა ჩემი მიზნისთვის, მაგრამ რაც არის ეგ არის. შიგნიდან და გარედან ლულები მოქრომილია

თანაც საკმაოდ ხარისხიანად, ბევრი სანადირო თოფი ვერ დაიკვეხნის ასეთ ხარისხიან მოქრომვას. ვინ თქვა საბჭოთა კავშირში უხარისხო ნაწარმს უშვემდნენო? აგრეგატი გამოშვებულია 1966 წელს. და ისე კაეგად იყო გაპოხილი საპოხი მასალით , და შენახული, რომ სრულიად ახალივით გამოიყურება. გარდა ამისა ლულები არიან ნაწრთობები ისე მყარად, რომ სახარატო ჩარხის საჭრისი ვერ იღებს. ჩემი აზრით გამძლეობის მარაგით არა თუ არ ჩამოუვარდება 7,62 კალიბრის შაშხანებს, არამედ აღემატება მათ სულ მცირე ორჯერ მაინც (თუმცა ეს ჩემი სუბიეტტური აზრია). ასეთი გამძლეობის მარაგი საშუალებას მაძლევს თამამად ჩავატარო ექსპერიმენტები ოპტიმალური მუხტისა და ტყვიის წონის შესარჩევად.


პირველი პრობლემა იყო მისთვის ვაზნის მოძებნა. მაგრამ, ლულის საგილზის ზომებიდან გამომდინარე გადავწყვიტე ვაზნები თვითონ გამეჩარხა

შემდეგი ოპერაცია იყო მათი დატენვა. 8 მმ.-იანი ფინთიხი ( კარტეჩი) ხელმისაწვდომია. გავატარე ლულაში. საკმაოდ მჭიდროდ გაიარა, და ამასთანავე ფინთიხი თითქმის არ დეფორმირებულა.ავწონე. გამოვიდა 3,13 გრამი. ბუტურლინის თეორიიდან გამომდინარე, დენთის წონა (კერძოდ "სოკოლის") უნდა იყოს 1/16. "სოკოლის" წონა გამოვიდა 0,2 გრ. მაგრამ, სულმა წამძლია და გადავწყვიტე მეტი მუხტით გამომეცადა. და დავტენე 0,35 გრ. "სოკოლით".პიჟად გამოვიყენე ხელსახოცი ქაღალდი და მაგრად ჩავპრესე. სამი მეტრიდან გახ**იტა სამი 3 სმ. -იანი ხმელი ფიჭვის ფიცარი, და მეოთხეში ტყვია ნახევრამდე (ტყვიის დიამეტრის ნახევრამდე) შევიდა. ე.ი. 94 მმ.-ზე შევიდა. ტყვიის სჩქარე (ქრონოგრაფით) აჩვენა (საშუალო) 569,8 მ/წ. ანუ 508 ჯოული ლულის ენერგია (შეიძლება არა სწორად გადავთარგმნე რუსული „დულნაია ენერგია“). თუ შევადარებთ ე,წ. „გეკოს“- ტყვიის სიჩქარე 333 მ/წ (ზოგიერთ შემთხვევასი 350 მ/წ) , ლულის ენერგია -140 ჯოული (153) , გამოდის რომ მისი (გეკოს) ტყვიის სიჩქარე 1.7 -ჯერ ნაკლებია, და ლულის ენერგია კი 4-ჯერ. „კალაშნიკოვის“ (7,62) ტყვიის სიჩქარეს 150 მ/წ-ით ჩამორჩა. და 12 კალიბრის ჟაკნის სიჩქარეს 190 მ/წ-ით აჯობა. გადავწყვიტე „სოკოლის“ მაგივრად გამომეყენებინა „რექსი“. „სოკოლის“ შეფარდება „რექს“-თან (მაღაზიის რეკომენდაციით) 1,375. ე.ი. 0,35/1,375=0,26 გრ. გავტესტე სიზუსტე

რეზულტატმა არ დამაკმაყოფილა და გადავწყვიტე გამეგრძელებინა ექსპერიმენტები. დავტენე ვაზნები სტანდარტული , 0,15 გრ. „რექსით“, ტყვიის საშუალო სიჩქარე აჩვენა 378.3 მ/წ. მგონი სიჩქარეც სტანდარტულია. გავტესტე სიზუსტეზე

[minchanin]

გავაგრძელე ექსპერიმენტები. თუ დავუჯერებთ ვ. ნ. ტროფიმოვს - „ გლუვ ლულიან თოფებში, ფორმიანი (არა სფერული) ტყვიების (ჩვენთან „ჟაკანს“ უწოდებენ) სიზუსტის მოსამატებლად მიზანშეწონილია ტყვიის („ჟაკნის“) წონის ცენტრის წინ გადაადგილება“. და მეც გადავწყვიტე ეს თეორია შემემოწმებინა. გამოვჩარხე შტამპი და პუანსონი. ავიღე 9 მმ.-იანი ფინთიხი. ორი გრანიტის ქვის ფილის მეშვეობით „რასკატალ“, (ქართულად ვერ გადავთარგმნე), მივეცი ცილინდრული ფორმა, შემდეგ შტამპისა და პუანსონის მეშვეობით მივიღე ეს

ტყვიის გარე დიამეტრი გამოვიდა 8,05 მმ. ე.ი. 0,05 მმ.-ით მეტი, ვიდრე გილზის შიგა დიამეტრია. წონა გამოვიდა -3,74 გრამი. 0,2 გრამი „რექსით“ დავტენე ვაზნები ორი მეთოდით

ერთ შემთხვევაში ტყვია მთლიანად ჩავტენე დენთამდე (ასე ვთქვათ ჩავპრესე). სურათზე მასში ასანთის ღერია ჩაშვებული, რათა ვიზუალურად ჩანდეს, თუ რა სიღრმეზეა ჩასული ტყვია. ხოლო მეორე შემთხვევაში ტყვიის სიმაღლის ნახევარზე ჩავპრესე. და ამ შემთხვევაში დენთმა, გილზის შიგა მოცულობის მხოლოდ 1/3 დაიკავა. 2/3 კი სიცარიელე იყო. გავტესტე ქრონოგრაფში. და რეზულტატმა ძალიან გამაოცა. მეგონა, იქ სადაც დენთი დაპრესილი იყო, ტყვიას მეტი სიჩქარე ექნებოდა. გამოვიდა პირიქით. თანაც ძალიან დიდი სხვაობით. ვაზნამ, სადაც ტყვია ჩაპრესილი იყო აჩვენა საშუალო სიჩქარე -169,5 მ/წ. ხოლო, ვაზნამ, სადაც ტყვია ზემოდან ჩამოცმული იყო აჩვენა -385 მ/წ. თუ დავუჯერებთ ს. გ. და გ. ს. მიტიჩკინებს -ნიტრო დენთის ძირითადი სხვაობა შავ (კვამლიან) დენთთან შედარებით იმაშია, რომ ნიტრო დენთი კარგად ფეთქდება იმ შემთხვევაში, თუ ვაზნაში ნაპერწკალთან ერთად წარმოიქმნება 20 ატმოსფერომდე წნევა. რასაც ახერხებს თანამედროვე „ჟეველოს“ კაპსულები. ჩემ შემთხვევაში, მე ჯერ ვერ გამიგია, ნუთუ ჩაპრესილმა ტყვიამ ვერ უზრუნველყო კაპსულის საჭირო წნევა? და იქ , სადაც დენთი მხოლოდ მოცულობის 1/3-ს იკავებდა, და თავისუფლად ეყარა ვაზნაში, საკმარისი წნევა შეიქმნა? ამ კითხვებზე პასუხისათვის საჭიროა სიტუაციის კარგად გაანალიზება და სწორი პასუხის ნახვა. გავტესტე სიზუსტეე


ნამდვილად არაა სახარბიელო რეზულტატები. ან მე შევცდი ტყვიის კონსტრუკციაში (წინ წაწეული სიმძიმის ცენტრი), ან...
ისევ გავაგრძელე ექსპერიმენტები.
ფინთიხის ხარისხიდან გამომდინარე საჭიროდ ჩავთვალე ფინთიხის დაკალიბრება. ე. ი. შევეცადე მისთვის მიმეცა მაქსიმალურად სფერული ფორმა, რათა გასროლისას მისი ბალისტიკური ტრაექტორია უფრო სწორი ყოფილიყო. ამიტომ ფინთიხის კაკლები სათითაოდ მოვათავსე ორ, ზემოთ ნახსენებ, გრანიტის ფილებს შორის, და დავიწყე ზედა ფილის წრიული, სპირალური მოძრაობა, ზედმეტი დაწოლის გარეშე. რეზულტატი დამაკმაყოფილებელი გამოვიდა




როგორც სურათიდან ჩანს (ჩრდილს თუ გამოვრიცხავთ) იდეალური სფერო ვერ მივიღე, მაგრამ უკეთესია ვიდრე იყო. დავტენე ვაზნები „რექს“-ით, 5 ცალი მუხტით 0,2 გრ. , და 4 ცალი მუხტით 0,26 გრ. ე. ი. იმ მუხტით , რომლითაც ყველაზე მაქსიმალური ლულის ენერგია მივიღე. ჩავთვალე, რომ ტყვია მაღალი სიჩქარით, უფრო ნაკლებად გადაიხრება ქარის ზემოქმედებით და უფრო ნაკლები ვარდნა ექნება ტრაექტორიის გავლისას. თანაც, ნადირობის შემთხვევაში უფრო მეტი ბალისტიკური დაზიანება აქვს ტყვიის მოხვედრის ადგილს, ვიდრე როცა მას (ტყვიას) უფრო დაბალი სიჩქარე აქვს. არსებობს თეორია იმის შესახებ, რომ უმჯობესია ტყვია ნადირის სხეულში დარჩეს, ვიდრე მან ნადირი გახ**იტოს მთლიანად („სკვაზნოით“). მე ამ თეორიას არ ვიზიარებ. ჩემი აზრით თუ ტყვია გამჭოლად გაივლის ნადირის სხეულში, მას (სხეულს) უფრო მეტი დაზიანება ექნება მიყენებული, და უფრო მეტი სისხლდენა ექნება, ვიდრე ტყვიის დაბალი სიჩქარის დროს. მე , იარაღში ორ მახასიათებელს ვთვლი ძირითადად - სიზუსტეს, და სიმძლავრეს. კარგია, თუ იარაღს სიზუსტეც კარგი აქვს და სიმძლავრეც. თუ არა და ერთი ამ ორიდან მაინც, თუ მეორე მახასიათებელი ამით არ უარესდება . აქედან გამომდინარე გადავწყვიტე ისევ მაღალ მუხტს დავბრუნებოდი, და უფრო კარგი ხარისხის (დაკალიბრებული) ფინთიხით გამეტესტა იარაღის სიზუსტე. აი რეზულტატიც

რა თქმა უნდა ეს ვერ შეედრება „საიგა-410“-ის („პარადოქსით“) რეზულტატს, მაგრამ ჯერ ჯერობით დამაკმაყოფილებელია. თუმცა ალბათ ღირს ფიქრი მისი გაუმჯობესების შესახებ.
ასევე გავსინჯე საფანტი 4 ნომერი , დიამეტრით 3,5 მმ.

ზემოდან საფანტზე პიჟის მაგივრად დავასხი პარაფინი. 30 მეტრზე საფანტი შევიდა ფიჭვის ხმელ ფიცარში 7,5 მმ-ზე (3,5-საფანტის დიამეტრი, პლიუს მანძილი 5 მმ., ფიცრის ზედაპირიდან შიგ შესულ საფანტამდე). მე მგონი კარგი რეზულტატია. მაგრამ სამაგიეროდმოხვედრის პროცენტია 60. სულ 14 კაკალი საფანტი ჩავიდა ვაზნაში. წვრილი საფანტი არ გამიტესტავს. ეს მომავლის საქმეა.
შემდეგ რეპორტში დავწერ 4,5 მმ. კალიბრის ლულის გამოყენების შედეგებს.
ახლა, თუ რაში შეიძლება ამ იარაღის, ამ კალიბრით (8მმ.) გამოყენება. მართალია ჯერ წვრილ საფანტზე არ გამიტესტავს, მაგრამ დიდ იმედებს არ ვამყარებ. რაც შეეხება ცალ ტყვიას. პრინციპში მიღწეული შედეგებით შეიძლება ჩასაფრებით ინადირო მცირე და საშუალო ზომის ნადირზე. ასევე საშობო ღორის მოსაკლავად. ჩემი აზრით ამ ცხოველის ხელით დაკვლა არა ჰუმანურია, რადგან ის გაჭირვებული რამოდენიმე წუთის განმავლობაში სასწაულ ტანჯვას განიცდის. ხოლო ამ იარაღით კი წამის მეათედებში დალევს სულს. ამისათვის სიმძლავრე სრულიად საკმარისია.
და რაც მთავარია - ეს არის იარაღთან მუშაობა. მისი მექანიზმებისა და ტექნიკური მახასიათებლების შესწავლა და ძიება მათი გაუმჯობესების მიზნით. ანუ, ჩვენ გატაცებასთან კონტაქტი.
მე, ჩემი ექსპერიმენტებით , რა თქმა უნდა ვერ „აღმოვაჩინე ამერიკა“, და შეიძლება ყველაფერი, რაც ზემოთაა დაწერილი წააგავდეს ერთი ადამიანის დისერტაციას, როდესაც მან ჩაატარა უამრავი ცდები, თუ რა შემთხვევასი იძლევა ძროხა ყველაზე მეტ რძეს. ძროხა ჯერ მოწველა, როცა ის იწვა ერთ გვერდზე, მერე მოწველა, როცა ის იწვა მეორე დვერდზე. მერე მოწველა ფეხებ აშვერილი (მხედველობაში მყავს ძროხა) და ა. შ. და ბოლოს დაასკვნა, რომ ძროხა ყველაზე შედეგიანად იწველის როცა ის ფეხზე დგას. დარწმუნებული ვარ, რომ ბევრი რამ, რაც ზემოთაა ნახსენები, არ იქნება სიახლე ბევრი ჩვენი თანაფორუმელისთვის. მაგრამ ვიმედოვნებ, რომ მიღებული ინფორმაცია ვინმეს რამეში გამოადგება.

[kajuberi]

minchanin


კარგი ნაშრომია.ესე გააგრძელე

[ახალციხელი]

[HUNTER FREDY]

კარგი ნაშრომია მომეწონა მაგრამ ერთ რამეში ნამდვილად ვერდაგეთანხმები კერძოდ იმაშოი რომ ტყვია რომელიც ხ**ეტს ხოველს მეტად აზიანებს ცხოელის ქსოვილებსო ეს პირიქითაა ექსპანსიური ტყვიები ბევრად დიდ ზაინს აწენებენ ქსოვილებს ვიდრე არაექპანსიური გამჭოლი ტყვიები, ამის მაგალითები უამვარვია, სხეულში ჩარჩენილი დეფორმირებული ტყვია ცხოველის ყველა მოძრაობაზე თავისი ბასრი კიდეებით სერავს და უფრო და უფრო მეტ ქსოვილებს აზიანებს ორგანიზმში, ამ დროს მატულობს სისხლდენა და შესაბამისად ლეტალური შედეგიც უფრო მალე დგება ვიდრე გამჭოლი ჩრილობის დროს .

[მარდი]

minchanin
საინტერესო ნაშრომია ძალიან.

[კუთხა]

ბრავო

[მაქსიმუსა]

აი მალადეეც! გაოცებული ვარ საღოლ ძმაო საღოლ!

[minchanin]

კარგი ნაშრომია მომეწონა მაგრამ ერთ რამეში ნამდვილად ვერდაგეთანხმები კერძოდ იმაშოი რომ ტყვია რომელიც ხ**ეტს ხოველს მეტად აზიანებს ცხოელის ქსოვილებსო ეს პირიქითაა ექსპანსიური ტყვიები ბევრად დიდ ზაინს აწენებენ ქსოვილებს ვიდრე არაექპანსიური გამჭოლი ტყვიები, ამის მაგალითები უამვარვია, სხეულში ჩარჩენილი დეფორმირებული ტყვია ცხოველის ყველა მოძრაობაზე თავისი ბასრი კიდეებით სერავს და უფრო და უფრო მეტ ქსოვილებს აზიანებს ორგანიზმში, ამ დროს მატულობს სისხლდენა და შესაბამისად ლეტალური შედეგიც უფრო მალე დგება ვიდრე გამჭოლი ჩრილობის დროს .

აბსოლუტურად მართალი ბრძანდებით მეგობარო. მე ალბათ ცოტა გაუგებრად დავწერე. მხედველობაში მქონდა ის გარემოება, როცა ორივე შემთხვევაში ერთი და იგივე ტიპის ტყვიაა გამოყენებული. ე. ი. ორი ერთნაირი ტყვიით მიყენებული არა გამჭოლი და გამჭოლი ჭრილობა.

[kupra]

კაია ბრატ ღმერთმა ხელი მოგიმართოს.

[minchanin]

ისე საინტერესოა, თუ არსებობს თეორია გლუვლულიანი თოფის ტყვიის ოპტიმალური სიჩქარის შესახებ. რომელშიც გათვალისწინებული იქნება კალიბრი, ტყვიის წონა, ტყვიის ფორმა და ა.შ.

[Bone]

minchanin
არამგონია არსებობდეს.
ავიღოთ ორი თოფი 66 სმ ლულით და 2800 გრ წონით მეორე კი 78 სმ ლულით და 3500 გრ წონით. ორივე 12 / 70 . ამ ორი თოფისთვის როგორ შეიძლება ოპტიმალური იყოს ერთი და იგივე სიჩქარით მოძრავი ტყვია. შემისწორეთ კი ბატონო.....

არის ტყვიები მშვენიერი სიზუსტით და 360 მ/წ-ით საწყისით. ასევე არის იმავე ყალიბის ტყვიები 420 მ/წ საწყისით. სიზუსტე, საერთოდ გასაოცარი სიზუსტით.....

აი ტყვიის ფორმა ჩემი აზრით კი შეიძლება არსებობდეს ოპტიმალური.

წონაც კი ბატონო.

შეიძლება გრადუსი შვება თავისას ჩემ შემთხვევაში

[Shooter]

ოპტიმალური სიჩქარე როდესაც მიიღწევა მაქსიმალური სიზუსტე ყველა ლულას და კალიბრს თავისი აქვს. ბენჩრესტერებმა ეს კარგად იციან. ნარეზნოიში ეგრეა და დარწმუნებული ვარ გლუვლულიანშიც იგივე იქნება.

ერთი და იგივე ტყვია ერთი და იგივე იარაღიდან განსხვავებული სიჩქარით სროლისას განსხვავებულ სიზუსტეს აჩვენებს. რელოუდერებმაც ეს კარგად იციან, წესით.

[HUNTER FREDY]

ოპტიმალური სიჩქარე როდესაც მიიღწევა მაქსიმალური სიზუსტე ყველა ლულას და კალიბრს თავისი აქვს. ბენჩრესტერებმა ეს კარგად იციან. ნარეზნოიში ეგრეა და დარწმუნებული ვარ გლუვლულიანშიც იგივე იქნება.

ერთი და იგივე ტყვია ერთი და იგივე იარაღიდან განსხვავებული სიჩქარით სროლისას განსხვავებულ სიზუსტეს აჩვენებს. რელოუდერებმაც ეს კარგად იციან, წესით.

100% გეთანხმები

[Davitus]

minchanin

რა გითხრათ აბა, სიტყვებიც არ მყოფნის. მართალია "ამერიკას ვერ აღმოაჩენთ" მაგრამ მის, თუნდაც ხელახლა აღმოსაჩენად საჭირო გზის გავლაც სასიამოვნოა.

აბსოლუტურად მართალი ბრძანდებით მეგობარო. მე ალბათ ცოტა გაუგებრად დავწერე. მხედველობაში მქონდა ის გარემოება, როცა ორივე შემთხვევაში ერთი და იგივე ტიპის ტყვიაა გამოყენებული. ე. ი. ორი ერთნაირი ტყვიით მიყენებული არა გამჭოლი და გამჭოლი ჭრილობა.

ამ შემთხვევაში მართალი ბრზანდებით, მეტი ენერგიის ტყვიას, უფრო მეტი დაზიანების მიყენება შეუძლია, თუნდაც გამჭოლი მოქმედებით.


ტყვიის (სვინეცის) მაგივრად ფოლადის "ტყვიების" გამოყენება თუ გქონიათ იდეაში. მართალია წონა და ენერგეტიკა ნაკლები ექნება მაგრამ... ნუ ცდად ღირს, რამე "პაჩებნიკის შარიკი" შეიძლება დიამეტრში წავიდეს. დამრგვალება იდეალური ექნება სამაგიეროდ