გერმანული იაგდტერიერი |
გამარჯობა, სტუმარო ( შესვლა | რეგისტრაცია )
|
|
გერმანული იაგდტერიერი |
 May 19 2009, 18:41
პოსტი
#1
|
|
 თოფით მონადირე  ჯგუფი: კლუბის წევრი პოსტები: 1,604 რეგისტრ.: 15-May 09 ნიკის ჩასმა ციტირება მდებარეობა: kvareli_tbilisi  |
  იაგტერიერი ერთერთი ახალგაზრდა ჯიშია ტერიერებს შორის. მისი შექმნის ისტორია დაიწყო გასული საუკუნის ათიანი წლებში, ბავარიაში, მიუნჰენში ფოქტერიერების მოყვარულთა წრეში. საქმე ის არის რომ ამ დროს გერმანია მოიცვა ფოქსტერიერების ბუმმა, სადაც ამ ჯიშის პირველი წარმომადგნელები 1880-იან წლებში შეიყვანეს. ამ ძაღლების პოპულრაობა იმდენა დიდი იყო, რომ დროის მოკლე პერიოდში მათმა რაოდენობამ ძლიერ მოიმატა, ხოლო სელექციური მუშაობის მაღალმა დონემ ის განაპირობა, რომ მალე გერმანია გახდა მაღალხარისხოვანი ფოქსტერიერების ერთერთი უმსხვილესი ექპორტიორი. ამ ჯიშზე დიდი მოთხოვნილება იყო მონადირეთა სორის, რომლებიც მათ იყნებდნენ არა მარტო სოროში, არამედ ჩლიქოსნებზე, კურდღელზე და ფრინველზე სანადიროდაც. მეორე მხრივ ფოქსტერიერმა თავისი ეფექტური შეხედულებითა და ორიგინალური ფორმებით გამოფენები მოყვარულთა გულებიც მოიგო, განსაკუთრები პოპულარული გახდა მისი უხეშბეწვიანი ვარიანტი, აქედან გამომიდინარე თავი იჩინა ჯიშის გავითარების სხვადასხვა მიმართულებით განვითარების ტენდენციამ - საგამოფენო ფოქსებია მოშენებისას ყურადღება ექცეოდა მხოლოდ დახვეწილ, უტრირებულ ექსტერიერს, საველე თვისებებს კი დიდად არ დაგიდევდნენ. ხოლო სანადირო ხაზების გამოყვანისას პირიქით. ბუნებრივია ამ ფოქსტერიერების მოყვარულების გაერთიანებებში ზემოხსენებულ ბანაკებს შორის დაპირისპირება გამოიწვია. მიუნჰენელი მონადირეები კიდევ უფრო შორს წავიდნენ. ისინი აშენებდნენ თავზე და ფეხებზე უფრო მოკლე ბეწვის მქონე უხეშბეწვიან ფოქსებს. ასეთი შემოსილობა უფრო პრაქტიკული იყო და არ საჭიროებდა ტრიმინგს. გარდა ამისა უპირატესობა ენიჭებოდათ მწარმოებლებს, რომელთა შეფერილობაშიც შავი ფერი სჭარბობდა, რადგან მიღებული აზრის თანახმად მუქი ფერი ნაკლებად გამაღჲზიანებელია ნადირ-ფრინველისათვის, ვიდრე კონტრასტული ჭრელი. ამის შედეგად პირველ მსოფლიო ომამდე, მიუნჰენში ჩამოყალიბდა მაღალი საველე თვისებების მქონე უჴეშბეწვიანი ფოქსტერიერების პოპულაცია, რომელიც დამახასიათებელი ექსტერერული თვისებურებებით გამოირჩეოდა - ძირითადად შავი ფერით და უფრო პრაქტიკული ბეწვის საფარით. ამ საქმის მოთავეები და ენთუზიასტები იყვნენ: ვალტერ ცანგერბერგი, კარლ ერის გრუნელვარდი, ფ. რისი. თავიდან მათ წარმოდგენაც არ ჰქონდათ, რომ საფუძველს ახალი ჯიშის გამოსაყვანად ამზადებდნენ. 1923 წელს ბერლინში, ჰანს გეკის ძაღლსაშენში წმინდა ჯიშის ფოქსტერიერებისაგან შავი შეფერილობის ჟღალ ფორაჯებიანი ლეკვები დაიბადნენ. არასტანდარტული ფერის გამო მათი ჯიშიანად აღიარების არავითარი შანში არ ჰქონდათ.. ეს ამბავი შემთხვევით შეიტყო ცანგენბერგმა და დაუყოვნებლივ შეიძინა მთელი ბუდობა: ორი ხვადი და ორი ძუ, სულ ოთხი ლეკვი. მან ჩათვალა რომ ეს სწორედ ის იყო რაც მას სჭირდებოდა. იგი ერთმანეთზე აჯვარებდა ამ და-ძმებს და რამდენიმე წელში ასეთივე შეფერილობის ფოქსტერიერების ძლიერ იმბრიდირებული ჯიში მიიღო. მომვალ ეტაპზე ამ ძაღლებს პირველ მსოფლიო ომამდე გამოყვანილი, მაღალი სანადირო თვისების მუქი ფოქსების სისხლი შეურიეს. შემდგომში მოშენებისას გადამწყვეტი მნიშვნელობა მწარმოებლების საველე ღირსებებს და შეფერილობას ენიჭებოდა, ხოლო ჭრელი და თეთრ ლაქებიანი ძაღლები მმკაცრად იცხრილებოდნენ. მთელი ამ დროის განმავლობაში არ შეწყვეტილა დაპირისპირება სტანდარტული ფოქსტერიერების მომხრეებთან, ამნ კი საბოლოოდ გადამწყვეტი როლი ითამაშა, რომ ენთუზიასტთა ჯგუფში გაჩენილიყო იდეა, ზემოთხსენებული ტერიერები ახალი ჯიშის სტატუსით მოეშენებინათ. ამავე პერიოდში საბოლოოდ ჩამოყალიბდა კონცეფცია გერმანული სანადირო ტერიერის შესახებ: ეს უნდა ყოფილიყო მხოლოდდამხოლოდ სანადირო, მრავალმხრივი გამოყენების ჯიში, ამასთან მუქი შეფერილობით, არაორიგინალური, სადა ექსტერიერით, რათა თავიდან აეცილებინათ საგამოფენო მოდა და აქედან გამომდინარე ნეგატიური შედეგები. ამ იდეას თანდათან ბევრი მომხრე გამოუჩნდა და უკვე 1926 წელს ცანგერბერგის ინიციატივით გერმანული იაგდტერიერ კლუბი შეიქმნა, ხოლო მომდევნო წელს პირველი გამოფენა-დათვალიერება ჩატარდა, რაშიც მონაწილეობა 22 ექსპონატმა მიიღო. რადგან სანაშენე მასალის ძირითადი ბირთვი ძალიან ახლო იმბრიდინგის გამოყენებით შეიქმნა და საკმაოდ მწირი გენოფონდი განახლებას საჭიროებდა, ამიტომ 30-იანი წლების დასაწყისში არსებულ ძაღლებს მცირედით ძველინგლისური ჟღალპორაჯებიანი შავი (ბლექ ენდ თენ) ტერიერისა და ველშტერიერის სისხლი შეურიეს. ახალი ჯიში, როგორც ასეთი, 40-იანი წლებისათვის შეიქმნა. მას ახასიათებდა ყველა ის თვისება, რაც ჩაფიქრებული იყო მისი გამოყვანის დასაწყისში. მეორე მსოფლიო ომის შემდეგ ძალიან ცოტა იაგდტერიერი გადარჩა. ამან ენთუზიასტების ახალი ძალისხმევა მოითხოვა. მათი მომრავლება კვლავ ახლონათესაური დართვების ხარჯზე მოხდა. გერმანული შრომისმოყვარეობისა და მაღალი სელექციური კულტურის გამოისობით ჯიში არა მარტო აღსდგა, არამედ აღორძინდა კიდეც. მისმა პოპულარობამ გერმანიის საზღვრებს გარეთ გააღწია და გავრცელდა მთელს ევროპაში და არა მარტო ევროპაში. დღესდღეობით იაგდტერიერი გერმანული კინოლოგიის ამ საქვეყნოდ აღიარებული ფენომენის ერთ-ერთი ბრწყინვალე გამარჯვებაა. ნადირობა იაგდტერიერი პრაქტიკულად ყველა ობიექტზე სანადიროდ გამოდგება, ოღონდ ისეთ პირობებში სადაც მცირე ზომა ხელს არ უშლის მის გამოყენებას, მაგალითად ღრმა თოვლში, სადაც პატარა ტერიერის მოძრაობა და მანევრირება ძლიერ შეზღუდულია. რაც შეეხება სოროში მუშაობას აქ იაგდი აღიარებული ლიდერია - ნადირის მიმართ სიავით იგი ერთი თავით მაღლა დგას სოროს ძაღლების ყველა ჯიშზე. ეს თვისება მას განსაკუთრებით ყოფილ გდრ-ში განუვითარეს, სადაც ბევრი მათგანი მელასთან ან მაჩვთან კონტაქტში შევლისას მომენტალურად გადადიოდა ყელში ან სხვა განსაზღვრულ ადგლიზე მყარ ჩავლებაზე. საერთოდ მელიის დახრჩობა ან დაჯაბნა კარგი იაგდტერიერისთვის სირთულეს არ წარმაადგენს. იაგდი უკომპრომისო და თავგანწირულ ბრძოლას უმართავს თავისზე მძიმე და ძლიერ მოწინააღმდეგეს მაჩვს. ბევრის თანდაყოლილი თვისებაა დამხრჩვალი ან ჯერ კიდევ ცოცხალი ნადავლის სოროდან გამოთრევა. იაგდტერიერს წარმატებით იყნებენ სხვადასხვა ნადირის მოსაპოვებლად-კურდრალით დაწყებული მსხვილი ჩლიქოსნით დამთავრებული, როგორც კოლექტიური ისე ინდივიდუალური ნადირობისას. გამოირჩევა კვალზე მუშაობისადმი მიდრეკილობით, ჯერ აზარტულად ეძებს მას რომელსაც შემდეგ ყეფით მისდევს. სხვათაშორის ეს თჳისება სხვა ტერიერებს არ ახასიათებთ. შესანიშნავი ყნოსვის პატრონი სისხლიან კვალზე მუშაობით ადვილად აგნებს რამდენიმე ასეული მეტრით გადაადგილებულ დაჭრილ ჩლიქოსანს. განსაკუთრებით ეფექტურია გარეულ ღოზე ნადირობისას, სადაც მთლიანად ავლენს მებრძოლ ხასიათს, სიმამაცეს, მოხერხებულობას და ელვისებურ რეაქციას. ამ შემთხვევაში რამდენიმე იაგდს ერთად იყენებენ. ამ ჯიშის ერთ-ერთი სპეციალიზაცია იხვზე მუშაობაცაა. საერთოდ იაგდტერიერს წყლის სიყვარული გენეტიკურადაც აქვს. ცურვით დაუღალავად იკვლევს ლელიანს, ნაპოვნ იხვს იოლად ეწევა და აიძულებს მას აფრინდეს სასროლ მანძილზე. ადვილად სწავლობს წყლიდან აპორტირებას. იყენებენ აგრეთვე სხვადასხვა ფრინველის მოსაძებნად და შემდეგში ჩამოგდებულის მოსატანად. იაგდი შეუდარებელია ხშირ, ჯაგნარში სამუშაოდ, სადაც ადვილად არწევს მცირე ზომის გამო და შესანიშნავი უპირატესობა აქვს დიდი ზომის ძაღლებთან. საველე გამოცდები გემანიაში იაგდის სანადირო თვისებების საველე გამოცდებზე აფასებენ, რაც მათი ფართო სპექტრით გამოყენების სპეციფიკას ითვალისწინებს. ახალგაზრდა იაგდტერიერს ისეთი თანდაყოლილი თვისებების ქონა მო ეთხოვება, როგორიცაა ნადირობის მიმართ სიავე, კვალზე ყეფით მიყოლის უნარი და ქყლის სიყვარული, აგრეთვე ძლიერი, გაწონასწორებული ფსიქიკა, რაც შემდგომ მისი მრავალმხრივ ეფექტურად გამოყენების საფუძველს წარმოადგენს.საველე გამოცდებზე წარმატების შემთხვევაში, მფლობელს ძაღლის სანადიროდ გამოყენების უფლება ეძლევა, მათ შორის საუკეთესოებს კი სანაშენედ იყენებენ. გამოცდები ორ ეტაპად ტარდება. პირველი ითვალისწინებს ახალგაზრდა ძაღლების თანდაყოლილ ანუ მემკვიდრეობით მიღებული თვისებების ტესტირებას. ამ დრო მოწმდება: სოროში მ უშაობის ელემენტები, კურდღლის კვალზე მუშაობა, წყალთან დამოკიდებულება, თოფს ხმაზე რეაგირება, მორჩილებისადმი თანდაყოლილი მიდრეკილება. ერთი წლის შემდეგ ტარდება მეორე ეტაპი, რაც ითვალისწინებს შემოწმების სრულ კომპლექსს შეფასების უფრო მკაცრი კრიტერიუმებით. ერთხელ უკვე შემოწმებულ დისციპლინებს აქ ემატება: ნადავლის სოროდან გამოთრევა, სისხლიან კვალზე მიყოლა, იხვზე მუშაობა, ღრმა წყლიდან აპორტირება, მოკლული ფრინველის ან ბოცვერის კვალით მოძებნა და აპორტირება. ძალიან დიდი ყურადღება ექცევა გაწრთვნილობას და წამყვანთან კონტაქტს. ამ მხრივ იაგდს საკმაოდ სერიოზული პროგრამის ჩაბარება უწევს. არადამაკმაყოფილებელი მორჩილების ან გაწრთვნილობის შემთხვევაში სანადიროდ და საჯიშედ მისი გამოყენება იკრძალება. ხასიათი ათწლეულების მანძილზე სიავეზე ორიენტირებულმა მიზანმიმართულმა სელექციამ დაღი დაასვა იაგდტერიერის ხასიათს. ვის არ ადარებენ მას, ხან კამიკაძეს, ხანაც თავზე ხელაღებულ ვიკინგს. იაგდი გულადი, უშიშარი, თავის თავში დარწმუნებული ძაღლია, შინაგანი ღირსების მქონე, ამაყი და დამოუკიდებელი. ხასიათი მტკიცე აქვს და მკაცრი, ტემპერამენტი ფიცხი და ფეთქებადი, რეაქცია - ელვისებური. მისთვის უცხოა პატრონთან ლაქუცი, მიუხედავად იმისა რომ საოცრად ერთგულია. იაგდს პირდაპირი, თამამი გამოხედვა აქვს და ემოციებს არ მალავს. მუდამ კონცენტრირებული, ჯიშჲსთვის სპეციფიკური სუსხიანი მზერა მის ძლიერ გულში გახედებს და უნებლიე პატივისცემას იწვევს. დაუოკებელმა ტემპერამენტმა და უკომპრომისო, შარიანმა ხასიათმა თანამოძმეებში მას თავგადაკრული მოჩხუბარის რეპუტაცია შესძინა. ძლიერი ყბების წყალობით იგი წარმატებით უმკლავდება თავისზე გაცილებით დიდ ძაღლებს, გასაკვირი არცაა, რომ სხვა ჯიშის სოროს ძაღლებთან შედარებით, იაგდები უფრო ხშირად იღებენ ტრამვებს და იღუპებიან ნადირობის დროს. ძალიან დიდი მნიშვნელობა ენიჭება იაგდტერიერის ლეკვობიდან სწორად აღზრდას. იაგდს მკაცრი მაგრამ სამართლიანი ხელი სჭირდება. საჭიროა მისი ტემპერამენტისა და ენერგიის მართვა, სასურველ კალაპოტში მიშვება. ამისათჳის კი მისი პიროვნების გაგება და პატივისცემაა აუცილებელი. სამაგიეროდ ამის შემდეგ ადამიანი შეიძენს უერტგულეს, თავდადებულ უანგარო მეგობარს, რომელიც მას ნებაყოფლობით აღიარებს ლიდერად. იაგდის მიმართ დაშვებულია ზერელე, უღიმღამო დამოკიდებულება, ან დასჯის სასტიკი მეთოდები. ამ შემთხვევაში ის შეიძლება უკონტროლო გახდეს, უაზროდ აგრესიული და საზოგადოებისთვის საშიში. თუმცა ასეთი შმეთხვევბი არამარტო არასწორი აღზრდის, ზოგჯერ სელექციონერების ბრალიცაა, რომლებიც არ ბლოკავენ გაუწონასწორებელი, დარღვეული ფსიქიკის მქონე ეგზემპალრების საჯიშედ გამოყენებას. ამიტომ გერმანიში იაგდებს მკაცრად ამოწმებენ ამ პარამეტრის მიხედვით. ექსტერიერი იაგდტერიერის ექსტერიერის ყველა დეტალი პრაქტიკული მიზანშეწონილობითაა ნაკარნახევი. მასში არაფერია დეკორატიული, ფუჭი,ესთეტიკური, რაც მისი გამოყვანისას დასახულ მიზანს სავსებით შეესატყვისება. მიუხედავად იმისა, რომ ჯიში პრაქტიკულად, მთლიანად მოქსტერიერისაგან მოდის, გარეგნულად მისგან აშკარად განსხვავდება, უფრო მეტიც ფოქსისათვის დამახასიათებელი ნიშნები ნაკლად ან ხინჯად ეთვლება. სწორედ ამიტომ იაგდტერიერის ექსტერიერის თავისებურებები განსაკუთრებით ნათლად იკვეთება. ამ უკანასკნელთან შედარების ფონზე, მისგან ძირითადი განმასხვავებელი ნიშნების აღწერით: იაგდს წინაპრისგან განსხვავებით სიმაღლესთან პროპორციაში თავი შედარებით მოკლე აქვს, ქალა უფრო განიერი, ყურებს შორის მეტი მანძილით, გამოხატული ყვრიმალებითა და საღეჭი კუნთებით, ქალაზე ოდნავ მოკლე, უფრო ძლიერი და შევსებული დრუნჩით, მასიური ნიკაპით. ყველაფერი ეს ფოქთან შედარები ყბებს დიდ ძალას და ჩავლების უფრო დიდ სიმტკიცეს განაპირობებს. იაგდს ყურები უფრო დიდი აქვს და დაბალ ხრტილზე უზის.. მცირე ზომის თვალები ბუდეში ღრმათ აქვს ჩასმული, რის გამოც კარგადაა დაცული დაზიანებებისაგან ან მასში მიწის მოხვედრისაგან. გამოირჩევა უფრო ძლიერი აღნაგობით - უკეთ განვითარებული ჩონჩხითა და რელიუფური კუნთებით, შედარებით ფართო მკერდით.. მკერდის გარშემოწერილობა ოპტიმალური უნდა იყოს, რათა უზრუნველყოს როგორც დიდი ფიზიკური დატვირთვისათვის აუცილებელი ფილტვების საკმაო მოცულობა, ასევე სოროში თავიფულად გადაადგილება. ეს თავისებურებები იაგდის ფიზიკურ ძალაზე და დიდ ამტანობაზე მიუთითებს. იგი ფოქსისგან განსხვავდება აგრეთვე შედარებით მოგრძო ზურგით და აქედან გამომდინარე წაგრძელებული ფორმატით, მხრის სახსრის უკეტ გამოხატული კუთხითა და გრძელი გავით. ჯიში შედგება მოკლე ბალნიანი და უხეშბალნიანი ძაღლებისაგან, რომლებიც სხვა მხრივ იდენტურები არიან, ექსპერტიზას ერთ რინგზე გადიან და ერთმანეთზე ირთვებიან. ბეწწვის საფარი პასუხობს მხოლოდ და მხოლოდ პრაქტიკულ დანიშნულებას, ხისტია, ხშირი გლუვად დაფენილი კარგად განვითარებული თივთიკით, არ საჭიროებს ტრიმინგს. მუცელი და ბარძაყების შიდა ნაწილი კარგად არის შემოსილი. მოკლებალნიანი იაგდის ბეწვი მოკლებეწვიან ფოქსზე უფრო გრძელია. კუდი ფოქსზე უფრო დაბლა აქვს დასმული, უჭირავს არა ვერტიკალურად, არამედ უკან გადახრილად. კუპირების შედეგად უტოვებენ მთლიანი სიგრძჲს ორ მესამედს. ასეთი სიგრძის კუდი უკეთ ასრულებს სახელურის ფუნქციას., რისი საშუალებიტაც მონადირე ძარღლს სოროდან ნადავლის გამოთრევაში ეხმარება. საერთაშორისო (ფცი) სტანდარტის მიხედვით იაგდის სიმაღლე 33-40- სმ-ია. შეფერილობა შავი, მუქი ყავისფერი, ან ნაცრისფერ-შავი, ჟღალი ან ყვითელი ფორაჯებით. მუქი, ნახევრად მუქი, ან ღია ფერის ნიღბით დასაშვებია მომცრო თეთრი ლაქები მკერდზე და თათებზე. საინტერესოა რომ ყოფილ გდრ-ში რომელიც არ იყო ფცი წევრი, საერთაშორისოზე უფრო მკაცრი სტანდარტი მოქმედებდა, რომლის მიხედვით შავის გარდა სხვა ძირითადი შეფერილობა აკრძალული იყო. იაგდტერიერი საქართველოში ჩვენში ამ ჯიშის პირველი წარმომადგენლები 1986 წელს თბილისში სანადირო ძაღლების გამოფენზა გამოჩნდნენ. რ. ალბუთაშვილმა რუსეთიდან და ბალტიისპირეთიდან შემოყვანილი ორი იაგდტერიერი წარმოადგინა. ჩვენში მონადირეებმმა მალე აუღეს ალღო პერსპექტიულ ჯიშს და სულ რამდენიმე წელში მათმა რაოდენობამ სწრაფად იმატა, როგორც პირველი წყვილის შთამომავლების ისე სხვა შემოყვანილი ეგზემპლარების ხარჯზე. იაგდების პოპულაციაში განსაკუთრებული როლი ითამაშეს იმ წლებში ცნობილმა ენთუზიასტებმა: მამუკა კაკაბაძემ და ტრაგიკულად დაღუპულმავაჟა ერაძემ. გამოფენებზე ექსპონირებული იაგდების მაქსიმალური რაოდენობა 1990-92 წწ-ში დაფიქსირდა თუმცა მათმა რიცხვმა შემდგომში თანდათან იკლო და ბოლოს თითო-ოროლამდე ჩამოვიდა. სამწუხაროდ იგივე ტენდენცია შიენიშნება საერთოდ სოროს ძაღლებში უკანასკნელი 10 წლის განმავლობაში. ამას ჯიშის პოპულარობის დაცემას ნამვილად ვერ დავაბრალებთ, მისი რეიტინგი კვლავ მაღალი რჩება. საქართველოში იაგდების რაოდენობის სიმცირის მიზეზი ის არის, რომ მათი დამკვიდრების საწყისი ეტაპი ქვეყნისათვის რთულ პერიოდს დაემთხვა. ამას დაემატა ახალი ძაღლების იმპორტის შეწყვეტა და გენოფონდის გაღარიბება. ბევრი იაგდი დაიღუპა ნადირობისას, მფლობელების მიერ მისი გამოყენების სპეციფიკის გაუთვალისწინებლობის ან ელემენტარული უსაფრთოების წესების დარღვევის გამო. სოროს ძაღლების გამრავლება - პოპულარიზაციას სერიოზულად აფერხებს აგრეთვე ხელოვნური სოროს არ არსებობა. ბოლო წლებში ისევ განახლდა იაგდების შემოყვანა საქართველოში, ჯერ ჯერობით მხოლოდ რუსეთიდან. მათ შორის არიან საინტერესო ეგზემპლარებიც. იმედი მაქვს რომ ეს ტენდენცია გაგრძელდება და ახლო მომავალში კვლავ ვიხილავთ მომრვალებულ ჯიშიან იაგდტერიერებს ჩვენში. ალეკო ნუკრაძე ჟურნალი "ნადირობა" |
 |
|
 |
|
Mar 16 2015, 21:38
პოსტი
#1126
|
|
 შურდულით მონადირე ჯგუფი: ფორუმის წევრი პოსტები: 260 რეგისტრ.: 17-October 13 ნიკის ჩასმა ციტირება მდებარეობა: tbilisi |
არა რა ბრჭყალი ძაღლი აშკარად დაკბენილი იყო. მეორე დღეს ისე დაუსივდა თავი რო მარტო თავი დადიოდა.
|
|
|
|
|
Mar 16 2015, 22:31
პოსტი
#1127
|
|
|
ქვით მონადირე ჯგუფი: ფორუმის წევრი პოსტები: 59 რეგისტრ.: 2-February 13 ნიკის ჩასმა ციტირება მდებარეობა: რუსთავი |
|
|
|
|
|
Mar 16 2015, 22:38
პოსტი
#1128
|
|
|
ქვით მონადირე ჯგუფი: ფორუმის წევრი პოსტები: 59 რეგისტრ.: 2-February 13 ნიკის ჩასმა ციტირება მდებარეობა: რუსთავი |
პოსტის უკანასკნელი ჩამსწორებელია saxo: Mar 16 2015, 22:41 |
|
|
|
|
Mar 16 2015, 23:35
პოსტი
#1129
|
|
 შურდულით მონადირე ჯგუფი: ფორუმის წევრი პოსტები: 422 რეგისტრ.: 8-December 09 ნიკის ჩასმა ციტირება მდებარეობა: tbilisi |
ციტატა(barbi @ Mar 16 2015, 22:38)  არა რა ბრჭყალი ძაღლი აშკარად დაკბენილი იყო. მეორე დღეს ისე დაუსივდა თავი რო მარტო თავი დადიოდა. აქ რა სურათებიც დევს უკვე მორჩენილი აქსვ ძაღლს ნაკბენები, მე ვარაუდი ვთქვი და ცააგავს მაჩვის ბრჭყალის კვალს(მაჩვის ბრჭყალი მართლა სერიოზული იარაღია და ძალიან ხშირად იყენებს მაჩვი , არაერთი შემთხვევა ყოფილა ძაღლისთვის თვალი გაუფუჭებია) , თორე თითქმის დარწმუნებული ვარ რო ეგ ძაღლი მაჩვთან არ არის ნაჩხუბარი.. ძალიან დიდი ალბათობით მელა ან ტურა იყო... |
|
|
|
|
Mar 17 2015, 08:22
პოსტი
#1130
|
|
 თოფით მონადირე ჯგუფი: ფორუმის წევრი პოსტები: 1,373 რეგისტრ.: 23-June 09 ნიკის ჩასმა ციტირება მდებარეობა: dusheti |
ციტატა(ჭალიმგელა @ Mar 15 2015, 14:17) შენ არ უნდა კითხულობდე მაგას ისე  ასე არ არის ჩემო ჭალო, ინბრიდინგს აქ უყურებენ რატომღაც კატასტროფად თორემ, აბსოლიტურად ყველა , ქვეყანაში მიმართავენ. ის კი არა უმეტესობა რაც ტიტულოვანი ძაღლებია , თითქმის ყველას საგვარეულოში წააწყდები ინბრიდინგს. მთავარია სწორად შეარჩიო წყვილები. |
|
|
|
|
Mar 17 2015, 08:50
პოსტი
#1131
|
|
|
შურდულით მონადირე ჯგუფი: ფორუმის წევრი პოსტები: 260 რეგისტრ.: 17-October 13 ნიკის ჩასმა ციტირება მდებარეობა: tbilisi |
beberi iagi
იუთუბზე ვუყურე მაჩვის და იაგდის ჩხუბს და რა ხმასაც იმ ვიდეოში გამოსცემდა იგივე ხმა გამოდიოდა სოროდანაც. ეტყობა მართლა არაა ნაჩხუბარი და ბრჭყალით აქვს მიყენებული ჭრილობები. თან ვიცი რომ ჩემი ძაღლი თან ლეკვია ჯერ და თან კიდე ზლობაში მოიკოჭლებს ფრთხილია ძაან. |
|
|
|
|
Mar 17 2015, 09:24
პოსტი
#1132
|
|
|
შურდულით მონადირე ჯგუფი: ფორუმის წევრი პოსტები: 260 რეგისტრ.: 17-October 13 ნიკის ჩასმა ციტირება მდებარეობა: tbilisi |
პირველად რო იყო სოროში იყო 9 თვის ჩავიდა და 6.5 საათი უყეფა ეხლა ჩამეპარა კიდე სოროში ეხლაა 1.4 წლის 7-8 საათი უყეფა და რო ამოვიდა როგორც ირკვევა დაპორჭყნილი იყო. ანუუ მიიმწყვრევს და უყეფს დიდხანს. ამდროს თუ გავთხრი სოროს ალბათ ამოვიყვან მაჩვს. ნუუ რაც იქნება. ძაღლი კონტაქტს აშკარად ერიდება. რაც ერთისმხრივ კარგიცაა მაგრამ ალბათ უფრო ცუდია.
|
|
|
|
|
Mar 17 2015, 09:43
პოსტი
#1133
|
|
|
ქვით მონადირე ჯგუფი: ფორუმის წევრი პოსტები: 51 რეგისტრ.: 1-December 13 ნიკის ჩასმა ციტირება მდებარეობა: rustavi |
ცუდი არა არის კონტაკტს რომ ერიდება. ნაკლებად დაგიზიანდება ძაღლი და სიცოცხლესაც გაიხანგძლივებს, დიდხანს რომ უყეფს ეგ კარგია, მაგ დროს ამოთხრი... მაჩვს ეგ მაინც ვერ დაახრჩობს და ვერ ამოიტანს და რაათ გინდა რომ ეჩხუბოს( დიდ მაჩვზეა საუბარი და არა ლეკვზე)... ეგ არის ნაღდი სანადირო ვარიანტი, რასაც შენი ძაღლი აკეთს. ძაღლს რომელსაც სოროში მაღალი ზლობა აქვს და გიჟია მე როგორც ვიცი მასეთ ძაღლებს საჯიშედ იყენებენ და აღარ ანადირებენ..
პოსტის უკანასკნელი ჩამსწორებელია 16gauge: Mar 17 2015, 09:44 |
|
|
|
|
Mar 17 2015, 14:03
პოსტი
#1134
|
|
|
შურდულით მონადირე ჯგუფი: ფორუმის წევრი პოსტები: 422 რეგისტრ.: 8-December 09 ნიკის ჩასმა ციტირება მდებარეობა: tbilisi |
ნაწილობრივ მართლები ხართ მაგრამ , ამოთხრას რო დაიწყებ და ჩხუბის ადგილს მიუახლოვდები მაჩვი ძაღლზე წავა რო იმ ადგილიდან სხვაგან გადავიდეს, ამ დროს ძაღლს ტრაკი თუ არ აქვს ერთ ადგილას ვერ გააჩერებს რასაც შემდგომში კიდე ამოთხრა დაჩირდება და მაგრად გაწვალდები, მქონია ეგეთი შემთხვევაც... რაც შეეხება 7-8 საათის ყოფნას სოროში ისე რო არ ამოვიდეს ძაღლი და სულ უყეფდეს ეგეთი რამე მართლა არ მინახავს და არც გამიგია....
პოსტის უკანასკნელი ჩამსწორებელია beberi iagi: Mar 17 2015, 14:03 |
|
|
|
|
Mar 17 2015, 14:07
პოსტი
#1135
|
|
|
შურდულით მონადირე ჯგუფი: ფორუმის წევრი პოსტები: 422 რეგისტრ.: 8-December 09 ნიკის ჩასმა ციტირება მდებარეობა: tbilisi |
ციტატა(aragveli @ Mar 17 2015, 09:22) ასე არ არის ჩემო ჭალო, ინბრიდინგს აქ უყურებენ რატომღაც კატასტროფად თორემ, აბსოლიტურად ყველა , ქვეყანაში მიმართავენ. ის კი არა უმეტესობა რაც ტიტულოვანი ძაღლებია , თითქმის ყველას საგვარეულოში წააწყდები ინბრიდინგს. მთავარია სწორად შეარჩიო წყვილები. მართალი ხარ ალეკო როგორც ყველა მონადირე ძაღლში იაგდებშიც ხშირად იყენებენ ინბრიდინგს, მე მაგალითად ვაპირებ ეხლა ნახევარ და ძმის შეჯვარებას.... |
|
|
|
|
Mar 17 2015, 19:44
პოსტი
#1136
|
|
 მონადირე ჯგუფი: ადმინი პოსტები: 15,125 რეგისტრ.: 15-May 09 ნიკის ჩასმა ციტირება მდებარეობა: Tbilisi |
aragveli
მასე ყველა ჯიში ინბრიდინგით არის თითქმის გამოყვანილი. ახლო ინბრიდინი ასუსტებს იმუნურ სისტემას, ფიზიკურ განვითარებას და კიდევ ბევრი მინუსი აქვს. |
|
|
|
|
Mar 17 2015, 20:23
პოსტი
#1137
|
|
|
შურდულით მონადირე ჯგუფი: ფორუმის წევრი პოსტები: 260 რეგისტრ.: 17-October 13 ნიკის ჩასმა ციტირება მდებარეობა: tbilisi |
beberi iagi
ფაქტია რო ეგ ძაღლი მაგდენიხანი იყო. დილიდან საღამომდე ვეჯექი სოროსთან და ვუსმენდი მაგის ყეფას და მაჩვის ზმუილს. ორჯერ მოხდა ეგრე. ერთხელ 6.5 საათი ზუსტად და მეორედ კიდე 7-8 საათი. |
|
|
|
|
Mar 17 2015, 20:36
პოსტი
#1138
|
|
|
მონადირე ჯგუფი: ადმინი პოსტები: 15,125 რეგისტრ.: 15-May 09 ნიკის ჩასმა ციტირება მდებარეობა: Tbilisi |
ციტატა(beberi iagi @ Mar 17 2015, 15:07) მართალი ხარ ალეკო როგორც ყველა მონადირე ძაღლში იაგდებშიც ხშირად იყენებენ ინბრიდინგს, მე მაგალითად ვაპირებ ეხლა ნახევარ და ძმის შეჯვარებას.... მაგ შემთხვევაში პასპორტი გაიცემა? მე მეშინია აიშა ისე არატყდეს რომ ვერ გავიგო და ჟაკანამ არ გაუყაროს. |
|
|
|
|
Mar 17 2015, 20:43
პოსტი
#1139
|
|
|
ქვით მონადირე ჯგუფი: ფორუმის წევრი პოსტები: 56 რეგისტრ.: 10-March 15 ნიკის ჩასმა ციტირება |
სახო სხვანაირად არ მიიღო მაგრამ სანამ ძაღლს შეუშვებ მანამდე სოროსთან ბეწვებს თუ დაათვალიერებ ადვილად მიხვდები რა ბინადრობს ცხოველები ხშირად იკავებენ ერთმანეთის სოროებს.
|
|
|
|
|
Mar 17 2015, 20:51
პოსტი
#1140
|
|
|
ქვით მონადირე ჯგუფი: ფორუმის წევრი პოსტები: 59 რეგისტრ.: 2-February 13 ნიკის ჩასმა ციტირება მდებარეობა: რუსთავი |
vaxtangi lazariashvili
ძაღლი სამწუხაროდ ჩაგვეპარა და შემდეგ კი დავატვალიერეტ სოროს გარშემო და ნაპორჭყნები იყო ბრჭყალებით და ბეწვებიც ბევრი ეყარა მაგრამ სამწუხაროდ არ ვართ ისე გამოცდილები რო ბეწვით მივხვედრილიყავით რა იყო სოროში |
|
|
|
 |
| მსუბუქი ვერსია | ახლა არის: 8th December 2025 - 18:16 |
