მოკლე რეპორტები გასვლებზე პარამეტრები

[უიარაღო]

ჯოლა ვიფიქრე მაგაზე და თადარიგიც დავიჭირე. ვიდეოზე აღვბეჭდე ხოხბების ყუთში და მანქანაში ჩასმა თავისი კომენტარებით

[ნუკრიMax]

უიარაღო
ჩალიჩი გეზარება კაცს, თორემ მეურნეობაში სხვას კიარაფერს აკეთებენ..
კოლხურები იყიდე თუ საყელოიანი?

[უიარაღო]

ნუკრიMax კოლხურები ვიყიდე და მეგობარს გადავუცვალე საყელოიანებში. მასაც აწყობდა სისხლის არევა. ვიცი რომ სანადირო მეურნეობაშიც იგივეს აკეთებენ. გარკვეულ რაოდენობას ვუშვებთ და დროდადრო ვამატებთო. 100 რომ გაუშვან ვინ იცის მათ ამოღებამდე კიდევ დაამატებენ თუ არა. თან იმ გაშვებულებს მარტო მონადირე ხომ არ კლავს. რასაც ტურა-მელა-ქორი შეჭამს? იმიტომაა რომ ამბობენ მონადირებული ხოხბების რაოდენობა 0-3 მდეო. სანადირო მეურნეობაში მარტო ნადირობა ჩემთვის 600 ლარს გასცდებოდა. ეს ხოხბები 25-25 ლარებში ვიყიდე. თავის გზიან-სამწვადიან-ხოხბებიანად 200 ლარს არ გავცდი. რას არ გასწავლის კაცს ეს "ველური კაპიტალიზმი"

[უიარაღო]

ბოლო სამ გასვლაზე 9 ქათამი ავიღე. წელს ქათამი არის მაგრად !!!

[შოთა.03]

უიარაღო

კაი მონაფიქრი და საუკეთესოდ შესრულებული!!!
საღოლ...

[ნუკრიMax]

მეგობარს გადავუცვალე საყელოიანებში. მასაც აწყობდა სისხლის არევა

აი ეგეთი არეულების ბუნებაში გაშვება კი მართლა არ ღირს...

[უიარაღო]

ბუნებაში ჯერჯერობით არანაირის გაშვება არ ღირს . გუშინ სანადიროდ რომ მივდიოდი დილის 9 საათზე მგელიც შეგვხვდა და ტურაც. ეს დღისით და ღამით რაღა იქნება თქვენ წარმოიდგინეთ. ვინაიდან საქართველოში ბუნებაში არსებულ ხოხბებზე ნადირობა, გარდა სანადირო მეურნეობებისა, არ შეიძლება, და სანადირო მეურნეობაშიც მაინც ვერ ვნადირობ, ამიტომ გადავწყვიტეთ სახლის პირობებში მოვამრავლოთ ხოხობი მათზე შემდგომი ნადირობისათვის. ამ მიზნებისთვის ალბათ უფრო საყელიოანი ან სხვა არაენდემური ჯიში აჯობებს სამართალდამცავებთან გაუგებრობის თავიდან ასაცილებლად. სულაც არ მომწონს ეს მაგრამ სხვა გამოსავალს ჯერჯერობით ვერ ვხედავ.

[ნუკრიMax]

ბუნებაში ჯერჯერობით არანაირის გაშვება არ ღირს

საყელოიანი ადვილად ეჯვარება კოლხურს და ძლიერი გენის გამო შთამომავლობა საყელოიანზე გადაყავს.
ამიტომ არანაირად არ შეიძლება მაგის ბუნებაში გაშვება, რომ არ გაგეპაროს

[უიარაღო]

ნუკრიMax ვიცი და არც ვაპირებ ჯერჯერობით არანაირი სახეობის გაშვებას. ალბათ მოვა დრო რომ ეგეც გავაკეთო. მაშინ სუფთა კოლხურებს გავუშვებ. ახლა კი სადაც ვინადირე იქ ხოხობი საერთოდ არაა და რომ მოხდეს სასწაული და გამექცეს ვერაფერს ვერ შეუჯვარდება. თან გალიაში გაზრდილს ველურ ბუნებაში გადარჩენის შანსი არ აქვს. ტურების კერძი გახდება პირველივე ღამეს.

[ჯოლა]

თაზო დაწერს ალბათ რა და როგორ იყო

[ახალციხელი]

ამ სეზონზე (ერთი-ორ გაძრომას თუ არ ჩავთვლით) ნადირობა რასაც ქვია ჩამივარდა. გუშინ თავისუფალი ვიყავი და გადაწყდა ტურებს დავცემოდით.
დილიდან საკმაოდ თბილოდა, ადგილზე 7 მონადირე და 4 გონჩი მოვგროვდით. კარგი ნადირობის იმედი გვქონდა, დავგეგმეთ სარეკები და გავნაწილდით პირველ სარეკში.
ნომერში ჩავედი, თან ჩემთვის ვმსჯელობ: კარგი ადგილია, ბილიკი მარჯვნიდანაც ამოდის და მარცხნიდანაც, მაგრამ სულ ჯაგიანია, მხედველობა ძალიან ცუდია, მხოლოდ რამდენიმე წამი მექნება სასროლად, სამაგიეროდ ფოთლების შრიალს უეჭველი გავიგონებ, ფრთხილად უნდა ვიყო რომ არ გამეპაროს. თან ამას ვფიქრობ და თან მოხერხებულ ადგილს ვეძებ, სადაც ტოტები ნაკლებად შემიშლის ხელს და უცებ ტურამ არ ამოყო თავი ჯაგებიდან! ერთი წამი გაკვირვებულები ვუყურებდით ერთმანეთს, გული ამიჩქარდა, ადრენალინის მოძალება ვიგრძენი, თოფის მომარჯვებაც ვერ მოვასწარი ისე გაუჩინარდა ჯაგებში, ფეხის ხმაღა მესმოდა როგორ მშორდებოდა. გულში კაი გვარიანი გინება მივაყოლე, მაგრამ არ მიხმაურია, სარეკი ჯერ არ დაწყებულა და იქნებ სხვაც გამოვიდეს თქო. ეგრე აგიხდეთ ყველაფერი, სარეკის დაწყება და ძაღლების ყეფა ერთი იყო, ერთი გნიასი გაქონდათ, დაძაბული ვიდექი და ვაყურადებდი გარემოს, ჩემს შორიახლო ფოთლების შრიალი გავიგონე, უფრო დავიძაბე, ცოტა ხანს იტრიალა, მაგრამ სად წავიდოდა, ჩემს წინ ბილიკზე უნდა გამოჩენილიყო წამით მაინც, ძაღლების ყეფაც ახლოვდებოდა და აი ჩემი ტურაც გამოძვრა ჯაგებიდან, ორიოდ წამით გაიელვა და ისევ ჯაგებში შეძვრა, ჩემი ნასროლიც ჯაგებში მიეწია, ვერ დავინახე მოხვდა თუ არა, მხოლოდ ფოთლების შრიალით მივხდვი რომ წავიდა, აი ახლა კი კარგა ომახიანათ შევიგინე, იმავ წუთში დაბლა, ხევგაღმა ნომრიდან ორი გასროლა გაისმა, ალბათ ჩემი ტურა ჩავიდა, გავიფიქრე და იქვე ბუჩქთან ჩამოვჯექი, აჩქარებული გულისცემა რომ ჩაწყნარებულიყო. ამასობაში ძაღლი გამოჩნდა, ტურა სადაც მიიმალა იმ ბილიკს ყეფით გაყვა და ძალიან მალე საეჭვოთ მიჩუმდა. მოვუარე ჯაგებს, 15 ოდე მეტრი ჩავყევი ბილიკს და რას ვხედავ:



აღმოჩნდა ძაღლები სხვა ტურას ედგნენ კვალში, რომელიც ქვედა ნომერში გამოეთხოვა წუთისოფელს.







საბოლოოდ ყველაფერი რომ გავაანალიზეთ აღმოჩნდა, რომ ამ სარეკში ორი ტურა მოკვდა და კიდევ ორი გაიპარა, კარგი დასაწყისით გახარებულებმა კიდევ სამი მოკლე სარეკი გავაკეთეთ.
საბოლოო ჯამში ვნახეთ შვიდი ტურა, ორი პირველ სარეკში ავიღეთ, ორი მომდევნო სარეკებიდან დაჭრილი წავიდა (სავარაუდოდ ორივე დაიბრიდა. ძაღლები ჩაუდგნენ სისხლიან კვალში და და დიდი ალბათობით ორივე მკვდარი ნახეს რადგან დევნა არ გაგრძელებულა, იმ ჯაგებში კიდე ვინ შეძვრებოდა მაგის გადასამოწმებლად).

ესეც განწყობისათვის, უკვე იგრძნობა გაზაფხულის მოახლოვება:

http://up.ochopintre.ge/images/2016/02/15/...4_110008.md.jpg

http://up.ochopintre.ge/images/2016/02/15/...4_105444.md.jpg

http://up.ochopintre.ge/images/2016/02/15/...4_131611.md.jpg


შუადღისთვის ნადირობა დავამთავრეთ და კაი პურიც ვჭამეთ სუფთა ჰაერზე, მოკლედ ცოტათი დავიკმაყოფილე ნადირობის ჟინი.

[ახალციხელი]

ბოლო სურათების ჩასწორება ვეღარ მოვასწარი. თუ ვინმეს შეგიძლიათ იქნებ ჩაასწოროთ

[ოთო.]

ახალციხელი
მშვენივრად გინადირია.

[უიარაღო]

"სასარგებლო გართობა" მშვენიერი დღე გქონიათ . არ მოგაკლდეს ასეთები და უკეთესებიც.

[ჩელე]

უიარაღო

კოლხურები ვიყიდე და მეგობარს გადავუცვალე საყელოიანებში. მასაც აწყობდა სისხლის არევა.

ისე ჩემი რჩევა და თხოვნაც იქნება, რომ არანაირად არ აურიოთ სისხლი და არ შეაჯვაროთ კოლხური საყელოიანთან. დიდ შეცდომას დაუშვებთ და გაშვებისას ეცადეთ ერთიდაიგივე ადგილზე არ გაუშვათ. ისე კი კარგად მოგიფიქრებია. : )

პ.ს. ფოტოების ატვირთვისას, მიაქციე ყურადღება ზომას. უნდა იყოს 800/600-ზე. თორე დიდი ფოტოები იტვირთება და საათი უნდება გახსნას.

ახალციხელი

ვეცადე, მაგრამ ვერ ვასწორებ. ლინკებს არ მიგდებს...

ტესტ: http://up.ochopintre.ge/images/2016/02/15/...4_110008.md.jpg