კურცჰაარი პარამეტრები

[Коба]

Коба

დიდი მადლობა კეთილი სურვილებისთვის.

როგორც გავიგე ჩამოსვლას აპირებთ და იქნებ რომ ჩამოხვალთ შევძლოთ ერთმანეთთან დაკავშირება და გაცნობა. თან შევეცდებოდით ჩვენი მოკრძალებული კურცჰაარებიც შეგვეკრიბა

მოხარული ვიქნები ნებისმიერ მეძებრის მოყვარულთან შეხვედრა/გაცნობის. განსაკუთრებით კურცების მოყვარულების. როგორც კი გადაწყდება ჩემი საქართველოში ჩამოსვლის ამბავი, აუცილებლად შეგატყობინებთ.

[giorgig192021]

ბატონო Коба სასიამოვნოა თქვენგან ასეთი კომპლიმენტის მოსმენა დიდი მადლობა.

[Коба]

ესეც ჩემი რექსის დილის ვარჯიში http://www.youtube.com/watch?v=JRYn6sZ9HyA

xaraza' - რაში გამოიხატება მეგობარო "ვარჯიში"? რაში ავარჯიშებდით აქ ძაღლს? მიტანებაში?
თუ ეს ასეა, რა საჭიროა ამდენი და თანაც სხვა და სხვა, ხანდისხან ერთმანეთის საწინააღმდეგო ბრძანებები. მე დავთვალე - 2 წუთზე ნაკლები დროის განმავლობაში თქვენ მიეცით 60-ზე!!!!!! მეტი ბრძანება და 10-ზე მეტი საქებარი სიტყვები (დაუმსახურებლად). არაა გასაკვირი, რომ საცოდავი ძაღლი დაბნეულია, არ იცის რას თხოვთ და რა გააკეთოს. ბოლოს უკვე მობეზრდა და თავისით, ფაქტიურად თქვენი ბრძანების გარეშე (მობეზრდა, რომ 2 წუთის განმავლობაში ერთაიგივეს უმეორებდით), მიეტანა.

ეს როლიკი მშვენიერი მაგალითია იმისა, თუ, რამდენი შეცდომის დაშვება შეიძლება, ერთი შეხედვით ვითომცდა უბრალო სიტუაციაში.

-დავიწყოთ იქიდან, რომ, ძაღლს აიძულებთ "იმუშაოს" (თუ შეიძლება ამას მუშაობა დაერქვას) თვალებით (ვიზუალურად), და არა ცხვირით (ყნოსვით). ეს დიდი შეცდომაა.
-ნებისმიერი ბრძანება ძაღლისათვის უნდა იყვეს ბრძანება და არა თხოვნა, რაიმე გააკეთოს (თქვენს შემთხვევაში მიიტანოს). ბრძანება ძაღლისათვის უნდა იყოს გასაგები (მან უნდა იცოდეს ზუსტად, რა გააკეთოს ამ ბრძანების შემდეგ).
უნდა მოაჩვიოთ ძაღლი იმას, რომ, ნებისმიერი ელემენტი შეასრულოს პირველივე ბრძანებით. თუ ძაღლი სამჯერ განმეორების შემდეგაც არ ასრულებს თქვენს ბრძანებას, ჯობია დროებით თავი გაანებოთ ამ ელემენტზე მუშაობას. სხვანაირად ძაღლი შეეჩვევა იმას, რომ შეიძლება პატრონის ბრძანებების იგნორირება ან დროებით "წაყრუება".
-დაუშვებელია, მას შემდეგ, რაც მიეცით ბრძანება "წინ" და ძაღლი მიეტანა, მას მისცეთ ბრძანება "უკან", განსაკუთრებით, თუ ძაღლმა ფრინველი ააფრინა. უკეთესია ასეთ შემთხვევაში ძაღლი ბრძანებით გააჩეროთ - დააჯინოთ ან დააწვინოთ. მოკლედ, ფრინველის აფრენის შემდეგ, ძაღლი უნდა დარჩეს თავის ადგილას და სასურველია, თქვენი ბრძანებების გარეშე . თუ საველე გამოცდებზე ან შეჯიბრზე ძაღლი ფრინველის აფრენის შემდეგ თქვენსკენ გამოიქცა, ადვილი შესაძლებელია, რომ თქვენი ძაღლი მოხსნან ამ ღონისძიებიდან, დევნის ფორმულირებით.
-ძაღლი აქეთ მხოლოდ მაშინ, როცა ის სინამდვილეში ამას იმსახურებს. დაუმსახურებელი ქება, ძაღლს, როგორც ბევრ ადამიანს, აფუჭებს. ქების დამსახურების შემთხვევაში ნუ დაიშურებთ სიტყვებს, ალერსს და რაც მთავარია "ტკბილეულს", რომელიც აუცილებლად უნდა გქონდეთ თან, განსაკუთრებით, თუ ლეკვს ავარჯიშებთ.

წარმატებებს გისურვებთ.

[Коба]

გუშინ ჩემი კარმენის შვილი გავიყვანე შეჯიბრზე. ექსპერტები ბოლო წუთამდე აპირებდნენ თურმე 10 დასმას სისწრაფეში. ბოლოს მაიმც 9 დაუსვეს, ისევე როგორც მიტანებაში. არადა ერთ-ერთი ექსპერტი უმაღლესი კატეგორიის (Всероссийской категории) ექსპერტი იყო, თანაც სეტერისტი

[simona]

Коба
ვიდეოჩანაწერი არგაქვს? სასიამოვნო იქნებოდა ყურება

[Коба]

არა სამწუხაროდ. ლეკვების გადამკიდე ვააბშე დაგვაგვიანდა. ვიდეოს შემდეგ გადავუღებ სპეციალურად. წელს მინდოდა კურცჰაარების ჩემპიონატზე წამეყვანა, სადაც პარალელურად საერთაშორისო წესებითაც (ფილდ ტრაილი) ვატარებდით შეჯიბრებებს. სამწუხაროდ მე ვერ მოვიცალე, პატრონს კი საზღვარგარეთ ექნა წასასვლელი.
ისე 5 დიპლომიდან, სამში 9 აქვს სისწრაფეში, ერთში 8, ერთში 7 (იქ ძან ძნელი რელიეფი იყო).

დავდებ სურათს და წინასწარ ვიხდი ბოდიშს მის ზომებზე

[Maverick]

ბატონო Коба
გილოცავთ, ძალიან კარგი შედეგია სისწრაფე 9-იანი, რამდენხანს გრძელდებოდა ერთი ძაღლის გამოცდა?
პირობები როგორი იყო, იქენებ ეს დეტალებიც დაწეროთ

[lashamu]

გამარჯობათ, გამოფენის ვიდეოები მაქვს (1.6დან 3 წლამდე კურცჰაარების) და როგორ ავტვირთო აქ არ ვიცი, თუ გაინტერესებთ იქნებ მითხრათ და ავტვირთავ...

[Gobrona]

lashamu

აი ამ ლინკზე შედი http://ochopintre.ge/forum/index.php?showtopic=7316

ფორუმის რესურსების გამოყენება–ში შედი და იქ ნახავ ინსტრუქციას

[Коба]

ბატონო Коба
გილოცავთ, ძალიან კარგი შედეგია სისწრაფე 9-იანი, რამდენხანს გრძელდებოდა ერთი ძაღლის გამოცდა?
პირობები როგორი იყო, იქენებ ეს დეტალებიც დაწეროთ

ამ შეჯიბრის "პოლოჟენიის" საფუძველზე, ერთი ძაღლის გამოცდა ხდებოდა მაქსიმუმ სუფთა ერთი საათის განმავლობაში. ამ დროის პერიოდში, ძაღლმა იმისათვის რომ დიპლომი აიღოს, უნდა აჩვენოს 2 მუშაობა. მუშაობა, ფრინველთან "შეხვედრების" ჩაუთვლელად.
პირობები, შეიძლება ითქვას იყო იდეალური. სტაბილური, გვარიანი სიძლიერის ქარი, ჰაერის ნესტიანობა მაღალი, საკმაოდ ფრინველი.... მოკლედ ასეთ პირობებში ადვილი შესაძლებელი იყო კარგი შედეგის ჩვენება, მაგრამ გარკვეული ფაქტორების გამო დავრჩით მესამე ხარისხის დიპლომით. სამაგიეროდ მოვისმინეთ მადლობები ექსპერტებისაგან იმ სიამოვნებისთვის, რაც მაგათი სიტყვებისგან გამომდინარე მათ მიიღეს. პირველ რიგში ეს ეხებოდა "ნორმას" (ეს ძაღლის სახელია) სწრაფ, ფართო ფრებზე სვლას, ლამაზ, მყარ ნაბულს და ელვისებურ მიტანებას. ძან პერსპექტიული ძაღლია, კარგი ყნოსვით. გამოცდილება ჭირდება და მაღალი შედეგებიც მოვა.
უფრო უკეთესად მომზადებულმა ძაღლებმა, მათ შორის ჩემი კარმენის ლეკვების მამამ, ანახეს მაღალი შედეგები (6 მეორე ხარისხის დიპლომი გაიცა). გამარჯვებულმა დააგროვა 86 ქულა.

[Bone]

9 ანი კურცისთვის , მაგარია !!!

საინტერესოა ასეთის სისწრაფის ნახვა....

[ზახარა]

გუშინ ჩემი კარმენის შვილი გავიყვანე შეჯიბრზე. ექსპერტები ბოლო წუთამდე აპირებდნენ თურმე 10 დასმას სისწრაფეში. ბოლოს მაიმც 9 დაუსვეს, ისევე როგორც მიტანებაში. არადა ერთ-ერთი ექსპერტი უმაღლესი კატეგორიის (Всероссийской категории) ექსპერტი იყო, თანაც სეტერისტი

იქნებ მომავალში ვიდეოს გადაღება მოახერხოთ

[qaos1]

მეც მყავს კურცჰაარი გავალ გადავუგებ და დავდებ მაგარი ჭკვიანი გოგოა...

[Gobrona]

ბატონო Коба

პირველ რიგში მომილოცავს ასეთი კარგი შედეგების მიღწევას საწყისი ეტაპისთვის, იმედია მომავალში კიდევ უფრო გაამაყარებთ მიღწეულ შედეგებს.

კურჰაარისთვის ძაან მაგარია 9-იანი შეფასება სისწრაფეში. ჩემ კურცჰაარს "ლაკის" ძირითადად 7-იანი შეფასებები აქვს და 2-ჯერ 8-იანი. მაგრამ ამ თბილისის ზღვის რელიეფის გადამკიდე ვთვლი, რომ კიდე კარგი შედეგია

მთავარი ის არის, რომ ასეთ სვლას შესაბამისი ყნოსვაც უნდა, წინააღმდეგ შემთხვევაში ადვილი შესაძლებელია სწრაფად მორბენალმა ძაღლმა ბევრი
ფრინველი გამოტოვოს, სწორედ ამიტომ კურცჰაარისთვის ასეთი სვლა ძალიან დასაფასებელია. (ე.ი. თუ ძაღლი შედეგს ანახებს ასეთი სვლის დროს მას ძალიან კარგი ყნოსვაც უნდა ქონდეს)

კიდევ ერთხელ მომილოცავს

[simona]

Коба
ფრინველი მწყერი იყო?? თუ გნოლი?