კურცჰაარი პარამეტრები

[Коба]

................................................................ეს ყველაფერი დასტურია იმისა, რომ კარგი დართვიდან აყვანილი
ლეკვი, დამწყები მონადირის ხელშიც შედარებით ადვილი "დასაყენებელია." თუმცა იღბალიც უნდა ამ ყველაფერს.

ჩემთვის აშკარაა, რომ, თუ ლეკვს გენებში არ მოყვება დადებითი თვისებები, ძალიან ძნელია მისგან დიდ მიღწევებს ელოდო. მაგრამ, თუ ლეკვს კარგი გენები აქვს და პატრონიც ეყოლა მონდომებული, ნებისმიერი ბარიერის აღება შეიძლება.
ამის დამამტკიცებელი ნათელი მაგალითია ჩემი მერი . პრინციპში, საშუალო მაჩვენებლების მქონე (დიპლომების ხარისხი და რაოდენობა მაქვს მხედველობაში) წინაპრების შთამომავალი, გახდა მინდვრის ჩემპიონი და პოსტსაბჭოთა სივრცის ერთ-ერთი საუკეთესო ძუ, კურცჰაარებში.
ისე კი, მერის დედას, ჰქონდა მშვენიერი ყნოსვა (რამოდენიმეჯერ მინადირია მასთან ერთად). მას მხოლოდ ერთი დიპლომი ჰქონდა (მეორე ხარისხის), მაგრამ ეს მხოლოდ იმიტომ, რომ, პატრონი (მეცნიერმუშაკი, კურცჰაარების 30 წლიანი სტაჟით) არ თვლიდა საჭიროდ ძაღლის ხშირად გამოყვანას შეჯიბრებებში.
მე, ცოტა მეტი გამოცდილება რომ მქონოდა იმ დროს, მერი გაცილებით ადრე მიაღწევდა იმ ბრწყინვალე შედეგებს, რაც შემდგომში მიაღწია. და არა მარტო მერი - მერის შვილიც, ენისეი (ეგიპტის ძმა), პოტენციური პირველდიპლომნიკი, რომელის ცემი გაწვრთნილია, რაღაც უნიკალური ყნოსვით.

ამაში ნაღდად გეთანხმები, ლევან - "იღბალიც უნდა ამ ყველაფერს".
კარმენს უკვე 4-ჯერ ჰქონდა პირველი ხარისხის დიპლომის აღების შანსი (ყველა შეგიბრებებში), მაგრამ, იღბალი არ გვეყო. ერთხელ, 32 მეტრის სიგრძის ყნოსვა აჩვენა (გადაზომეს), მაგრამ, ბოლო ვიყავით და გადაადგილებული ფრინველი ვერ გვეღირსა. საერთო ჯამში, "ვსეროსსისკი" რანგის ექსპერტმა მისცა პირველხარისხოვანი შეფასება, მაგრამ მეორე ხარისხის დიპლომი 885 97 547 445 77 = 80 Д2.
კურცჰაარების მეხუთე ჩემპიონატის პირველ ეტაპზე, გადაადგილებული დუპელი, ჩაჯდა ტრაქტორის ღრმა ნაკვალევში (მინდვრები სულ მშრალი, იქ კი ურო მეტი სინესტე იყო) და ამიტომაც ვერ ვანახეთ საჭირო სიშორე (სუნი იმ ნაკვალევიდან ზევით თითქმის არ ამოდიოდა.
შარშან, მოსკოვში, გადაადგილებული მწყერი ჩაჯდა პატარა მინდორში, რომლის სიგრძე მაქსიმუმ 10 მეტრი თუ იქნებოდა. ირგვლივ კი მაღალი ბალახი. მე ექსპერტებს ვთხოვე, სხვა გადაადგილებულ ფრინველს დაველოდები მეთქი, მაგრამ ნება არ დაგვრთეს და იძულებელი გავხდი, რათა მინიმუმ 12 მეტრის სიშორის მუშაობა გვეჩვენებინა, იმ ბალახებში შემეშვა ძაღლი და იქიდან დაგვეწყო მუშაობა. ეს რასაკვირველია, ზედმეტი ხმაურის გარეშე არ გამოვიდა და მწყერი "დატყდა", იმ ადგილიდან, სადაც დაჯდა.

[barambo]

გაიცანით ''ვოლფი'' .11 თვის. სურათით შეფასება რა თქმა უნდა ძნელია, მაგრამ მაინც მაინტერესებს გამოცდილი კურცჰაარისტების, განსაკუთრებით ბატონი Коба და ბატონი ლევანი 100-ის აზრი.

image sharing

upload

photo hosting sites

upload img

[barambo]

სურათის ხარისხზე ბოდიშს ვიხდი!

[gagrinski]

რა კარგი ექსტერიერი აქვს

[abu]

ბაბუ
კახა სიხარულიძის ჯესის 5 მესამე ხარისხის დიპლომი ქონდა.

[levani100]

ბაბუ
თქვენ თვითონ ბრძანეთ, რომ სურათით ძნელია ძაღლის დახასიათება და არა შეფასება, რადგან შეფასება ხდება "რინგზე", და ექსპერტის მიერ.
"ვოლფი" ნანახი მყავს და ვიტყვი, რომ აქვს იშვიათად ჯიშიანი "სუპერ" თავი,+თვალის ფერი, კარგი კორპუსი,(ასაკის გათვალისწინებით)+კარგი ძვალი. და რაც მთავარია კარგი ფსიქიკა, რაც სურათზე არ ჩანს. ერთადერთი გავა(კრუპი) აქვს ცოტა უცნაური რომ ვნახე მაშინაც ხან მეტად, ხან ნაკლებად გამოხატული აქვს. ანუ კუდი ცოტა დაბალზე უზის.
ბაბუ ძალიან მიხარია კურცჰაარით რომ გხედავ. თანაც ესეთი ღირსეულით.

[levani100]

კახა სიხარულიძის ჯესის 5 მესამე ხარისხის დიპლომი ქონდა.

"ჯესი" მაგარი სტაბილური ძაღლი იყო. ყველა იმ სანადირო თვისებით უხვად იყო "დაჯილდოვებული," რაც
კურცჰაარს მოეთხოვება.

[Коба]

ბაბუ - მართლა ძნელია სურათის საფუძველზე შეაფასო ძაღლი. ლევანის ნანახი ყოლოა და მისთვის უფრო ადვილია აზრის გამოხატვა. ერთი შემიძლია ვთქვა, რომ, სიმპატიური კურცია.

[dato 85]

ბაბუ

მშვენიერი ლეკვია ბატონო თენგო.
თავიც კარგი ჩანს სურათში და სახსრების კუთხეებიც (რასაც მე პირადად დიდ მნიშვნელობას ვანიჭებ)
ამ ეტაპზე (რაც სურათში ჩანს) ჯერ ჯერობით სუსტი მუსკლატურა აქვს. თუმცა ლეკვია და შემდეგში აკრიბავს.

ისე რაც მე გიცნობთ ბატონო თენგო, სულ ბრიტანული ძაღლები გყავდათ და კურცჰაარზე რატომ "გადახვედით"?

[dato 85]

ვისაც ფრანგულ, იტალიურ, რუმინული ხაზები აინტერესებს ამ ლინკებს გაჰყვეს.

http://www.nidauxnobles.ro/engleza/tesbeau.htm

http://www.nidauxnobles.ro/engleza/tesbeau.htm


კიდევ უნდა ავღნიშნო რომ ზემოთ ჩამოთვლილ ხაზები კურცჰაარებს რაღაც, თავისებური ექსტერიერი აქვთ, რომლიც ძაან მესიმპატიურება.

[barambo]

dato 85

ისე რაც მე გიცნობთ ბატონო თენგო, სულ ბრიტანული ძაღლები გყავდათ და კურცჰაარზე რატომ "გადახვედით"?

დათოს გაუმარჯოს!
რა ვქნა,ვაღიერე გერმანული მეძებრების უპირატესობა!
ისე ჩემი სულ პირველი ძაღლი დრატჰაარი იყო! .სამწუხაროდ, 2 წლის ასაკში პირაპლაზმოზისგან დამეღუპა.
მართალია,წვერ ულვაშის უქონლობის გამო დაწუნებული იყო,მაგრამ ძალიან მაგარი მონადირე იყო!

ასევე მყავდა ძუ დრატჰაარი'ბაბილინა".ისეც ძალიან მაგარი მონადირე იყო .

ასე რომ,დავუბრუნდი ფესვებს!!!
levani100

ბაბუ ძალიან მიხარია კურცჰაარით რომ გხედავ. თანაც ესეთი ღირსეულით

გაიხარე ლევან!

[levani100]

dato 85
მაგ ქალბატონს ძალიან სერიოზული კურცჰაარები ყავს. დაახლოებით სამი წლისწინ საიტზე ვნახე, მართლა მაგარი ძაღლები
ყავს. თანაც ყველა მსგავსი შეფერილობის, და "ტიპის." და რაც მთავარია არა შოუ კლასის, არამედ "მუშა."
ბაბუ "ვოლფ"-ი ეგეთ ტიპიად ჩამოყალიბდება. ვიცი მე ეგ ამბავი დამიჯერე.

[Коба]

თავიც კარგი ჩანს სურათში და სახსრების კუთხეებიც (რასაც მე პირადად დიდ მნიშვნელობას ვანიჭებ)

დავით, ბოდიში, მაგრამ ვერ დაგეთანხმებით. იმის გამო, რომ, სურათი ერთია და ისიც მოცულებით ხედს ("объёмный вид ") არ გვაძლევს, ძნელია რაიმე დასკვნის გამოტანა. არ სჩანს თავის ქალა და ნაწილობრივ ყელიც. არ სჩანს მკერდი წინა მხრიდან.
რაც შეეხება სახსრებს - მიუხედავად იმისა, რომ, სახსრების კუთხეები კარგად ჩანს, საერთო ჯამში ლეკვის კონსტიტუცია არასწორად აღითქვება. ეს იმის ბრალია, რომ, რატომღაც "ბაბუმ" გადაწყვიტა ლეკვისთვის სურათი მაგიდაზე გადაეღო. ეს ალბათ იმისთვის, რომ მაგიდას სწორი ზედაპირი აქვს, მაგრამ ამ შემთხვევაში, ჩემი აზრით, ამან უარყოფითი შედეგი გამოიღო. მაგიდის სიგრძე აშკარად არასაკმარისია იმისათვის, რომ, სურათზე ლეკვი გამოჩნდეს საუკეთესო მხრით. ის არ არის ნორმალურად 'გაჭიმული" და ამიტომ, სურათზე ლეკვის ფიგურა კვადრატულ შთაბეჭდილობას ტოვებს. კურცჰაარს კი გაჭიმული ფორმატი უნდა ჰქონდეს.
კარგად არ სჩანს კუდი, მაგრამ მე მგონი, ლევანმა სწორად აღნიშნა, სურათიდან მეც ისეთი შთაბეჭდილება შემექმნა, რომ, კუდი ცოტა დაბალზე უზის (სტანდარტით უნდა იჯდეს მაღლა).

ამ ეტაპზე (რაც სურათში ჩანს) ჯერ ჯერობით სუსტი მუსკლატურა აქვს. თუმცა ლეკვია და შემდეგში აკრიბავს

ამაში აბსოლუტურად გეთანხმებით. ამის გარდა, თენგიზ, მინდა მიაქციოთ ყურადღება ლეკვის თათებს. მას თათები გაშლილი (გაბრტყელებულივით) აქვს. სასურველია (უფრო სწორედ, საჭიროა) , რომ ჰქონდეს შეკუმშული. ამისათვის ასეირნეთ და არბენინეთ ისეთ ადგილებში, სადაც ლეკვის თათებისთვის გამაღიზიანებელი საფარი იქნება (მაგალითად, "ხრეში").

[barambo]

Коба
აბსოლუტურად გეთანხმებით!
ძალიან ცუდად არის გადაღებული სურათი.ამისთვის ბოდიშიც მოვიხადე!
თქვენ სწორად შენიშნეთ,მაგიდის სიგრძე არსაკმარისია,მიუხედავად იმისა რომ უკანა მარცხენა ფეხი შევეცადე გამეჭიმა,ძაღლმა უკანა მარჯვენა შეწია რამაც მისი წელში გაზნექვა და უკანა ნაწილის შეწევა გამოიწვია.ამას ავტომატურად გავის დაშვება მოყვა
გამომდინარე აქედან ჩნდება ილუზია რომ კუდი ქვემოთ აქვს დასმული.
ასევე შეცვლილია ძაღლის ფორმატი,ტოვებს კვადრატის შთაბეჭტილებას. არა და ძაღლი არის საკმაოდ გაწელილი .

კუნთოვან ქსოვილს რაც შეეხება-გეთანხმებით,აკლია მასა.იმედია ვარჯიშში აკრიფავს.

მოკლედ,ფიცი მწამს,ბოლო მაკვირვებსო,ეგრე რომ არ გამომივიდეს ამ დღეებში შევეცდები ხარისხიანი ფოტოები გადაუღო და დავდებ!

დიდი მადლობა კვალიფიციური და კეთილგანწყობილი რჩევებისათვის!

[Don. vano]

ვაღიერე გერმანული მეძებრების უპირატესობა!


BABU გამარჯობა ერთი კითხვა მაქვს თუ შეიძლება. წარსულში ისეთი ძაღლის მფლობელს, როგორიც ფანი გახლდათ და თუნდაც ჩარლი, რა არგუმენტით ასაბუთებ ამ სიტყვებს? იქნებ მეც ვცდები და არასწორი გზით მივდივარ და დამაყენეთ სწორ გზაზე..

პატივისცემით თქვენი უმცროსი მეგობარი