ნემსკავზე წამოსაცმელი სატყუარები, თუ გინდათ, რომ ბევრი თევზი დაიჭიროთ.... პარამეტრები

[ლეკი]

სალაფავი-ყველაზე იოლად დასამზადებელი
და უნივერსალური სატყუარაა. ერთი ულუფა
სალაფავის მოსამზადებლად საჭიროა ერთი
სუფრის კოვზი მანანის ბურღული, რომელსაც
უნდა დაასხათ ასევე ერთი სუფრის კოვზი წყალი
. მასას ხუფი დაახურეთ და 1 საათი გააჩერეთ.
მანანის ბურღულმა მთლიანად უნდა შეიწოვოს
წყალი. 1 საათის შემდეგ მოურიეთ წებოვანი
მასის მიღებამდე. თუ სალაფავი 5-7 სანტიმეტრზე
გაწელვისას წყდება ე.ი მზადაა. ეს სატყუარა
ადვილად ინახება. მას ასხამენ ერთჯერად
შპრიცებში და იანახავენ საყინულეში (1 თვემდე).
შპრიციდან გამოსულ სალაფავის წვრილ ნაკადს
ახვევენ ნემსკავზე ისე, რომ წვერი არც კი
დაიფაროს, რადგან გადაგდებისას ჩამოცურდება
და თვითონ დაფარავს. მანანის სალაფავი ყოველგვარი
დანამატების გარეშეც საუკეთესო სატყუარაა.

ბარდა-მანანის ბურღული- 2 ჩაის კოვზ ბარდის
ფქვილს ასხამენ ცოტა წყალს, ადუღებენ და ურევენ
კისელის სისქემდე, შემდეგ ამატებენ მანანის ბურღულის
ფქვილს, გადმოდგამენ და სწრაფად ურევენ, სანამ არ
გასქელდება. შემდეგ კრავენ გუნდას და დებენ
სითბოში ქვაბით 1 საათის განმავლობაში. გამზადებული
მასა პლასტელინივით უნდა იყოს.

შვრია-მანანის ბურღული- 1 სუფრის კოვზ შვრიას
ვყრით ნახევარ ჭიქა მდუღარე წყალში. ვამატებთ 2-3
ჩაის კოვზ შაქარს და ვდგამთ ცეცხლზე. ქაფის გამოჩენისას
გადმოვიღებთ და მორევით ვამატებთ ნახევარ ჭიქა მანანის ბურღულს.

ქერის სატყუარა- 1 სუფრის კოვზი ქერის ბურღული
ჩავყაროთ თერმოსში და დავასხათ მდუღარე წყალი.
45 წუთის მერე გადმოვასხათ საწურზე, გავაციოთ,
გადავიტანოთ ჭურჭელში (არა პლასტმასის) და სატყუარა
მზადაა. ქერის სატყუარას შეიძლება დაემატოს 1 სუფრის
კოვზი თაფლი ან დაჭრილი ვაშლი. ყველა წყალსაცავის
თევზი არ არის ქერის სატყუარას მიჩვეული, ამიტომ
შეიძლება მოგეჩვენოთ რომ ეს სატყუარა არაეფექქტურია.
ამას გამოვასწორებთ, თუ მოსაჩვევ სატყუარაში რამდენიმე
მარცვალ ქერს დაუმატებთ. თევზი მას გასინჯავს და ინტენსიურად
წამოვა ანკესზე.

ხორბალი- ეს იქნება ყველაზე კარგი სატყუარა,
თუ გადაწყვეტთ მსხვილ კაპარჭინასა და კობრზე
თევზაობას. მისი მომზადება უადვილესია. თერმოსის
1/5-ზე ვყრით ხორბალს, ვავსებთ მდუღარე წყლით და
ვტოვებთ მთელი ღამით, დილით სატყუარა მზადაა,
მაგრამ ყველა სახის ხორბალი არ გამოდგება დასალბობად.
საჭიროა მაგარი მარცვალი, რომლისგანაც უმაღლესი
ხარისხის ფქვილს ამზადებენ. რბილი ხორბლის დალბობა
4 საათის შემდეგ უნდა აკონტროლოთ, რომ არ გადაიხარშოს.
რბილი ხარისხის ხორბალი ცუდად ჩერდება ანკესზე,
ამიტომ 2-3 მარცვლის წამოცმა უხდებათ ხოლმე. ხორბალს
არ სჭირდება არომატიზატორი.