ჟინვალის წყალსაცავი პარამეტრები

[197610]

მოკლედ გადაწყდა ხვალ მივდივარ, რამდენადაც ვიცი მანდ გაზაფხულობით ხრამული იჭირება,

თუ ვინმეს რამე ინფო გაქვთ იქნებ გამიზიაროთ.

მიწის წითელი ჭია წაიღე მიცკევიჩის 15 ში იყიდება , ცოტას პატარები გაწვალებს , იტოგში ხრამულებს დაიჭერ , დონკაც გაუშვი საზანზე , სიმინდი გაუკეთე ! წარმატებას გისურვებ !

[giga_bai]

მოკლედ ეხლა ვემზადები ჟინვალზე წასასვლელად ღამისთევით, კონკრეტულად ამ ადგილას
http://wikimapia.org/#lat=42.1590373&l...amp;l=0&m=b
. მიმაქვს სიმინდი, პერლოვკა, წითელი ჭია, კოპტონი (კალიაც მინდა ვცადო). თევზაობას ვაპირებ მატჩით და ფსკერულით. თუ რამე დამატებით რჩევას მომცემთ დიდად მადლობელი დაგრჩებით.

[giga_bai]

აბა წავედი. შედეგს გაგაგებინებთ

[giga_bai]

შედეგი 0. ყველაფერი ვცადე სიმინდი, პერლოვკა, კალია, პური,კოპტონი, სიმინდი პოპაპით, ჭია, . ტივტივაზე ცოტა ქაშაპი დავიჭირეთ და კარასი. დილით რომ მივედით იმხელა საზნები დასეირნობდნენ, თვალებს არ ვუჭერებდი, ერთი 15-20 ცალი კი იყო, თითო არანაკლებ 5 კგ. შეიძლება ამურები იყვნენ, ცოტა მოგრძო ტანი ქონდათ. . ფოტოებიც გადავუღე, მეგობარი მომაწვდის და დავდებ. თევზაობის შედეგს ალბათ მთვარეს და სიცხეს დავაბრალებდი (შეიძლება ჩემს გამოუცდელობასაც მანდ თევზაობის). ფსკერიც არ მომეწონა, ძალიან ბალახიანი იყო. წყალსაცავი ბოლომდეა ავსებული , მაგრამ როგორც დავაკვირდი მეორე დღეს დაკლებული იყო 20 სანტიმეტრამდე, ანუ კლებაშია უკვე. ასე თუ ისე ვისიამოვნე, ბუნებით დავტკბი და დავისვენე. ასტე და ამგვარად.

[BIGმიშა]

მჭადზე რატო არ ტევზაობთ? მჭადის ფქვილი, პურის ფქვილი და ხალვა. და გამოაცხვეთ ნახევრად. ანუ პლასტენილივით. კობრი და საზანის მაგრა ევასება. მე მასე ვიჭერხოლმე თანაც კარგად. გაროხზეც დამიჭერეია

[giga_bai]

BIGმიშა

ეგ არ მიცდია. საინტერესოა ისე. მაგრამ მგონი არც მჭადი და არც ყველი უშველიდა მაგ საქმეს.

[marlin]

დილით რომ მივედით იმხელა საზნები დასეირნობდნენ, თვალებს არ ვუჭერებდი, ერთი 15-20 ცალი კი იყო, თითო არანაკლებ 5 კგ. შეიძლება ამურები იყვნენ ცოტა მოგრძო ტანი ქონდათ + ფსკერიც ძალიან ბალახიანი იყო. ეგეთ სიტუაციაში ჩემ პირად გამოცდილებას გაგიზიარებ. ეგრედწოდებული "დურაკა" ანუ, ნემსკავი 10-12 ზომის და ნემსკავზე დამაგრებული პურის ქერქი რომელიც წყლის ზედაპირზე ტივტივებს,,, დაბალ წყალში საკმაოდ შედეგიანია... და რაც მთავარია, იდეალური სიწყნარე.

[gocha-tita]

ეგ არ უშველის როცა ბალახში ჯგუფად დადის საზანი ან კარპი ესეიგი ქვირითობს და მაგდროს აზრიარაქვს.

[aragveli]

ხო ეგრეა გოჩა გეთანხმები

[marlin]

ქვირითობის დროს არ იღებს. როცა იქვირითებს გაბრუებული, დასუსტებულია და გარკვეული პერიოდი საერთოდ არაფერს ეღებს. გამოდის რომ ზაფხულის ბოლომდე არ უნდა ითევზავო, რაც ჩემი აზრით არასწორია... დღემდე ამოუცნობია რა დროს რაზე იღებს... 15-წლის სტაჟის მიუხედავად, დღესაც არ ვწყვიტავ ექსპერიმენტებს და ჩემი აზრით წინასწარი პროგნოზები ხშირად გაუმართლებელია... ამას იმის მერე მივხვდი რაც, თეთრი ამურის დამუშავების შემდეგ, ქვირითი დაახლოვებით 3-კგ გამოვიდა... ამხელა სიმძიმის პატრონს საჭმელი არ უნდა გახსენებოდა, რომელიც ასევე ბალახებში დანავარდობდა....

[marlin]

ქვირითობის დროს შედარებით ჭირვეულათ მაგრამ პატივცემული საზანიც მყავს აყვანილი დურაკაზე, რომელიც ამურივით ზუსტათ მე-9 თვეში იყო...

[marlin]

და მესამე... საყოველთაოდ ცნობილი ფაქტია რომ, ამურს ჯერ არ ვიცი მაგრამ საზანი და კარპი ქვირითობის დროს მეჩხერ ადგილებს ეძებს, როგორიცაა --კამიში, წყალში ჩაძირული ხეები და ჯაგები. რაც შეეხება ბალახს, ქვირითობს მხოლოდ იმ შემთხვევაში როცა ეს უკანასკნელები პრაქტიკულად არ არის... ჟინვალის წყალსაცავში ხეები და ჯაგები საკმარისზე მეტია...

[marlin]

2-დღის წინ ფსკერულ თევზაობისას, რამდენიმე კარგი ნავარჯიშები საზანი ავიყვანე (ანუ კარგად იბრძოლეს) ლიფსიტაზე, რომლებიც ასევე სავსე იყო ქვირითით. არ უარყობ რო ჭირვეულობს მაგრამ გამორიცხვის მეთოდი არასწორია... ნებისმიერ პერიოდში ბოლომდე უნდსა იბრძოლო რო გამარჯვება მოიპოვო...

[gocha-tita]

მოკლედ: ბარში და მთაში სხვადასხვა დროს ქვირითობს, ბარში მაისის 20 დან ივნისის 25 მდე ხოლო მთაში ივლისის 20 დან აგვისტოს 25 მდე და ზოგიერთ შემთხვევაში თუ ტბა ან ტბორი გრუნტის ცივი წყლებით საზრდოობს შეიძლება კიდევ დააგვიანოს ან საერთოდ არც იქვირითოს იმ წელს მაგრამ ციკლს მაინც გადის ანუ ავადმყოფობს. რაც შეეხება ამურს ის ტბაში ქვირითს არ დაყრის მXოლოდ იმ ტბებში ქვირითობს რომელსაც ღრმა და გრავილიანი მდინარე უერთდება რადგან ის ქვირითს მუცლის ხახუნით ქვიშაზე ყრის. რაზეც დინებაც ეხმარება. ტბაში კი მხოლოდ თავისი ძალებით სადაც დინება არ არის ვერ ყრის ქვირითს, მხოლოდ ხელოვნურად აყრევინებენ.......

[gocha-tita]

თეთრი ამური:ზურგის ფარფლში დაუტოტავი სხივი 3, დატოტვილი 7, ანალურში დაუტოტავი სხივი 3, დატოტვილი 8, გვერდის ხაზში 43-45 ქერცლია. ხახის კბილები ორმწკრივადაა, მკვეთრად დაკბილული. ლაყუჩის კბილაკები პირველ რკალზე დაახლოებით 12, მოკლე, მეჩხერი. პირი ნახევრად ქვედაა. სხეული წაგრძელებულია, შუბლი განიერი. შეფერილობა ისეთივე აქვს როგორც კობრს, ხოლო გვერდები უფრო ნათელია, ოდნავ ოქროს ელფერით. ყველა ფარფლი მუქია. თითოეული ქერცლის ფუძე მურაა, სიგრძე 1მ და მეტი, წონა 32კგ-მდე, ჩვეულებრივ უფრო პატარაა.

გავრცელება. ბინადრობს მდ. ამურში, ჩინეთში კანტონამდე. გავრცელებულია მდ. ამურის შუა და ქვედა დინებაში, მდ. უსურში, ტბა ხანკაში. საქართველოში აკლიმატიზებულია 1962 წლიდან, ბინადრობს ჯაპანისა და ნაქალაქევის თევზსაშენ ტბორებში, ჯანდარის, ლისის, კუმისის ტბებში, მარაბდის წყალსაცავში და სხვა. საქართველოს გარეთ აკლიმატიზებულია შუა აზიის, უკრაინის, რუსეთის რესპუბლიკაში.

ბიოლოგია. ბინადრობს მდინარეებსა და ტბებში. დღისით იმყოფება მდინარის ღრმა ადგილებში, ღამე ამოდის სანაპირო ზოლში საკვებად. იკვებება წყლის მცენარეებით, ბალახით, ხის ფოთლებით, თევზის ლიფსიტებით, ჭიებით, მწერებით და სხვა. მოზარდი ერთი თვის ასაკამდე იკვებება, პლანქტონით, ხოლო შემდეგ – მცენარეულით. სქესობრივად მწიფდება 4 წლის ასაკიდან, როცა იწონის არანაკლებ 3.5 კგ-ს. ნაყოფიერება 100-816.7 ათას ქვირითამდე. ტოფობს აპრიდან აგვისტოს შუა რიცხვებამდე, მდინარის ჩქარი ადგილების ზედა ფენებში, წყლის 26-30 გრადუსი ტემპერატურისას. საქართველოში ამრავლებენ ხელოვნურად. ქვირითი ნახევრად პელაგურია, მისი დიამეტრი აღწევს 2-2,5 მმ, ქვირითიდან ლარვა გამოდის 32-40 საათის შემდეგ. ყვითრის შეწოვა მთავრდება მე-6 დღეს და იწყებს დამოუკიდებელ კვებას. 1 წლის სიგრძით აღწევს 20-25 სმ, წონით – 0.6 კგ-ს.
სამეურნეო მნიშვნელობა. ძვირფასი სარეწაო თევზია, ხორცი აქვს ცხიმიანი (5.2-6.7%), გემრიელი, გამოიყენება როგორც საუკეთესო საკვები, (ნედლი და დამარილებული)და აგრეთვე წყალსატევების, ხელოვნური არხების, მცენარეულობისაგან გამწმენდი (იკვებება ძირითადად წყლის მცენარეულობით). მისი მოპოვება ხდება უმთავრესად ზაფხულში, ძირითადად მოსაყრელი და მცურავი ბადეებით, ვენტერით.

დანარჩენი გადაიკითხეთ განყოფილებაში / საქართველოში მობინადრე ღევზების ჯიშები/ დაგაინტერესებს;