ალაზანი პარამეტრები

[CHUDA]

შაბათს ვიყავი ალაზანზე სათევზაოთ აზარბაიჯანის საზღვართან, სოფელს მემგონი ერისიმედი ქვია, თევზი მოდიოდა, მარა ეტყობა მაინც ამინდი რომ იცვლებოდა უჭირდა. შედეგი მაინ არის, სულ ჭანარი და მურწა. მქონდა 4,5 კაი პაკლოვკა, ისე რომ ანკესს აგდებდა, ამოღებას ვერ ვასწრებდი ნაპირისკენ რომ მომყავდა ვხედავდი დინების საწინააღმდეგოდ რომ მიქონდა ლესკა და ზაცეპში შექონდა, საკმაოდ ძლიერია დიდი ეგზეპლარები. ბევრი ჩავწყვიტე :(((( სიმძიმეები 100 გრ მეყენა, მაგრამ 150-180 მაინტს უნდდოდა. ისე კარგი იყო ყველაფერი დანარჩენიც დონეზე იყო, (ღვინო მჭვადი და ცხ**ილ ყველი ყველა ატრიბუტით )

[ilariona]

CHUDA
ერთი შენთან ერათად სათევზაოთ ვერ წამოვედი რა.

კარგათ გითევზავია ალაზანზე, მშვენიერი შედეგია.


დღეა ალაზანი ნაპირებს სცდებოდა, ნაფარეული დაიტბორა ჩემს თვალწინ.

[CHUDA]

ვიცი ხო, ვაპირებდით ღამით დარჩენას, კიდე კაი წამოვედით.


ერთად კიდე მოვხვდებით, მაგას წინ რა უდგას )

[ilariona]

CHUDA
კი ტო დღეს ოჩოპინტრეს სახელზე ერთი 20კგ-ანი ლოქო უნდა დავიჭირო.

[CHUDA]

ნეპტუნი შენსკენ, ოჩო ისედაც ჩვენთანაა )

[lavriskheveli]

CHUDA

ხოშიანია ; ) დალოცვილი მდინარეა ეს ალაზანი რაა : )

[დ-NT]

lavriskheveli
+1

[kulaki]

მოგესალმებით,
შაბათს მეგობრებთან ერთად გახლდით მდინარე ალაზანზე - ყვარლის რაიონის სოფელ გავაზის მიდამოებში. თევზაობა 23.30 საათზე დავიწყეთ და დილის 10 საათზე დავასრულეთ. ყველაფერი ისე წარიმართა, როგორც საქართველოში ერთი ჩვეულებრივი ღამე უნდა წარიმართოს: ვარსკვლავებით დახუნძლული ცა, საოცარი სიჩქარით და გაურკვეველი მიმართულებით მოძრავი უამრავი მეტეორიტი, იდუმალი და ოდნავ ძრწოლვის მომგვრელი ხმები და გამთენიისას აღმოსავლეთიდან ამომავალი ვარდისფერი ბრილიანტი - ცისკრის ვარსკვლავი. „გამთენიისას ჩამეძინა“-ო - ხშირად მომისმენია ასეთი სიტყვები შეცბუნებული ღამისმთევლებისაგან, ალბათ ასეთ დროს თვითონ ბუნებაც გვინდობს, თორემ ამდენი სილამაზის შემხედვარე შეიძლება ემოციებისგან ჭკუიდან შეიშალო კაცი.
ალაზანი პატარა სამეფოებისაგან (მორევებისგან) შემდგარ სახელმწიფოს წააგავს, რომლებიც ერთმანეთთან ვერცხლისფერი გზებით (ჩქერებით) არის დაკავშირებული. ადგილობრივების რჩევით ერთ-ერთ ასეთ სამეფოს ვესტუმრეთ. მის სიუხვეზე ადგილზე მისვლამდე ბევრი ლეგენდა მოვისმინეთ. რეალობა კი სამწუხაროდ, სხვა აღმოჩნდა. შედეგად მხოლოდ 11 ცალი, თუმცა კარგი ზომების (250 – 300 გრამამდე) მთვარის შუქზე ათასფერად აელვარებული შამაია.
და კიდევ ერთი, რომლის გარეშეც სურათი დასრულებულად არ ჩაითვლება: თბილისიდან ჩატანილი ლორი და ძეხვი „მონადირული’’, ადგილობრივი ყველი და პომიდორი და დაახლოებით 60 გრადუსიანი ჯადოქარი. აი, ასეთი დონის სურათს კი თამამად მოაწერ კაცი ხელს.

[ნუკრიMax]

kulaki
კარგი იყო

[ჩელე]

kulaki

ასე მხატვრულად აღწერილი სურათი, კაი ხანია არ წამიკითხავს.... კარგი იყო...

აი მე კი სხვა ინფორმაცი მაქვს. მიჯნის ყურეში იმდენი თევზია, რომ ვერ აუდიან ჭერას. სასროლი ბადე ვეღარ გამოაქვთ რიგ შემთხვევაში-ო. თან კარგი ზომები მოდისო....

[უიარაღო]

მართლაც მაგარი იყო. კარგი დრო გიტარებია და მეორე მომენტია როგორ ხედავს ადამიანი ამა თუ იმ მოვლენას და სურათს. მშურს თქვენი

[თაზო]

ნადირობას კიდევ მოვასწრებ, წინაა სეზონი და ამ შაბათ-კვირას ალაზანზე თუ არ წავედი სათევზაოთ, გამპარსეთ ულვაში))))

kulaki

აი ეს მესმის ზურა, რესპექტები... ახლა უფრო მომინდა თევზაობა)))

[CHUDA]

ორი კვირის წინ გახლდით ალაზანზე, კარდენახიდან ჩავედი, დილის 10 საათიდან საღამოს 6 საათამდე ვთევზაობდით სამი კაცი. შედეგი შესანიშნავი 22 კილოგრამი შამაია და ერთი ჭანარი 900 გრ. ღამით ად დავრჩით წამოსასვლელი ვიყავი. ეს ჭანარიც დილით მოვიდა. დღის განმავლობაში სულ მსხვილი შამაია.

[Nodar_Ilarionich]

მოგესალმები ზურა (kulaki) ბატონო
გილოცავ ფორუმში ჩართვას
მშვენიერი და ლამაზი რეპორტი იყო, რომც არ გქონდეს თევზაობის დრო, გადაგადებინებს ყველა საქმეს და ალაზნისკენ გაგაქანებს
ამ შაბათს ვაპირებთ მე და თაზო, გაგვიხარდება, თუ ვინმე შემოგვიერთდება

[ჩელე]

Nodar_Ilarionich

ვახ მეეე ნეტა არ მივდიოდე ქობულეთსა შინა, კი წამოვიდოდი დიდის სიამოვნებით.... მიჯნის ყურეში ჩადით, ამბობენ ბლომად არისო თან ბადე და ბევრი მშრალი ყინული წაიღეთ, რომ თევზი არ გაგიფუჭდეთ....