გამოფენა და მისი წესები ., ბონიტირება . საველე დიპლომი პარამეტრები

[nik@a]

ისე კარგი იქნებოდა გამოფენის წესები რომ დაიდოს... ისე როგორც საველე გამოცდების წესები დევს ძირეულად...

[aragveli]

ხვალ ავკრეფავ და დავდებ , დღეს მეზარება.

[aragveli]

სანადირო ძაღლების გამოფენის ჩატარების წესები


სანადირო ძაღლების გამოფენა არის საჯიშე ღონისძიება. ტარდება ყოველ-წლიურად, სანადირო მეძაღლეობის მიღწევათა დემონსტრირებისა და პროპაგანდისთვის, საუკეთესო საჯიშე ძაღლების , მფლობელთა წასახალისებლად.
გამოფენაზე დაიშვებიან ძაღლები 10 თვის ასაკიდან , 10 წლის ასაკის ჩათვლით, კონტიგენტი იყოფა, სამ ასაკობრივ ჯგუფად:
უმცროსი- ათი თვიდან- 1,5 წლამდე.
საშუალო- 1,5 წლიდან -3 წლამდე.
უფროსი- 3 წლიდან -10 წლამდე.
ასაკი დგინდება ექსპერტიზის დღეს, წარმოშობის დოკუმენტების მიხედვით. ამავე დოკუმენტების საფუძველზე, ძარლის ყველა აუცილებელი მონაცემი, იწერება შესაბამის ფურცელზე, რომელიც წინასწარ და გადაეცემა საექსპერტო კომისიას, ფეფასების დაწყებამდე.
ექსპონატებზე რომლებსაც აქვთ საველე დიპლომები, წინასწარ მზადდება მასალები ბონიტირებისთვის.
გამოფენაზე დაიშვებიან მხოლოთ ცოფზე აცრილი ძაღლები, რომელთაც აქვთ საზოგადოების მიერ გაცემული მოწმობა.

ექსპერტიზა

ექსპერტიზას, როგორც რინგზე ასევე კომპლექსურ შეფასებას, ატარებს ექსპერტი ასისტენტების თანხლებით. ექსპერტებად ინიშნებიან, მხოლოდ ექსპერტ-კინოლოგიის წოდების მქონე პირები. ახალგაზრდა ექსპერტთა აღზრდისა მომზადებისთვის პრაქტიკის გასავლელად, რინგზე შეიძლება მიმაგრდეს, არა უმეტეს 2 პრაქტიკანტი. ( სტაჟიორი).

ძაღლის შეფასება გამოფენაზე ხდება, მხოლოთ მოცემული რინგის ექსპერტის მიერ და არის საბოლოო.

ექსპერტებსა და ასისტენტებს არა აქვთ უფლება შეაფასონ ძაღლები, რომლებიც ეკუთვნით მათ ან მათ ოჯახის წევრებს. ასეთი ძაღლების შეფასებას ახდენს, მთავარი საექსპერტო კომისია, რის მიხედვითაც ხდება კომპლექსური შეფასება ადგილის მიუნიჭებლად კლასში.
გამოფენაზე ძაღლები თავდაპირველად გადიან ,ექსტერიერულ, შემდეგ კი კომპლექსურ შეფასებას.

ექსპერტიზა ტარდება სქესისა და ასაკობრივი ჯგუფის მიხედვით, სედარებითი ვიზუალურ-ზომვითი მეთოდით. მეთოდი ემყარება ექსპერტიზის ტექნიკასა და მეთოდიკას, აგრეთვე ჯისების სტანდარტებს.

თავიიაანთ ჯგუფში დაგვიანებულები რინგზე არ დაიშვებიან. მათი აღწერა და შეფასება ხდება ე.წ რინგის გარეთ. მათ არ მიეკუთვნებათ ადგილი კლასში და არ ჯილდოვდებიან.
პრეტენზიები და საჩივრები მიიღება და განიხილება მხოლოთ გამოფენის დამთავრებამდე.

ჯიშიანობა და ექსტერიერი ფასდება შემდეგნაირად: უფროს და საშუალო ასაკობრივ ჯგუფში-"ფრიადი", "ძლიერ კარგი", "კარგი", "დამაკმაყოფილებელი". უმცროს ასაკობრივ ჯგუფში "ძლიერ კარგი", "კარგი", "დამაკმაყოფილებელი".

ძაღლებს რომლებსაც ექსტერიერში აქვთ არაწმინდასისხლიანობის ნიშნები: ჯისისთვის არა ტიპიური შეფერილობა, ბეწვის საფარველი და სხვა, რომელიც არ არის გათვალისწინებული სტანდარტით, აგრეთვე კრიპტოხი ძაღლები რჩებიან შეუფასებლები. კოსმეტიკური მეთოდებით და ქირურგიული ჩარევით გარეგნობის შეცვლა ,აკრძალულია და ასეთი ძაღლები არ შეფასდებიან.

უმცროსი ასაკობრივი ჯგუფის თვითეულ ძაღლზე, რომელიც მიიღებს ექსტერიერულ შეფასებას არანაკლებ "კარგისა" გაიცემა სპეციალური ,მოწმობა, სადაც მითითებული იქნება ჯიშიანობისა და ექსტერიერის შეფასება, აგრეთვე დაკავებული ადგილი რინგზე.

კომპლექსურ შეფასებას გადის სამივე ასაკობრივი ჯგუფის საველე დიპლომის მქონე, ყველა ძაღლი, რომელიც მიიღებს შეფასებას არანაკლებ :"კარგი"-სა.

კომპლექსური შეფასება(ბონიტირება)

კომპლექსური შეფასებისას ჯამდება სემდეგი მონაცემები:1) ძაღლის წარმოშობა. 2) სანადირო თვისებები, 3) ჯიშიანობა, კონსტიტუცია და ექსტერიერი, 4) შთამომავლობა.

1). ძაღლის წარმოშობის შეფასება ხდება, მისი საგვარეულოს საფუძველზე. აღნისნული დოკუმენტი უნდა ადასტურებდეს, რომ შესაფასებელ ეგზემპლარს გააჩნია უშუალო წინაპართა ოთხივე მუხლი (მშობლები, ბებია-ბაბუის წყვილები, მათი მსობლები და ბებია-ბაბუები), ხოლო მის მშობლებს, ექსტერიერის შეფასება და საველე დიპლომი.

წინაპრები ფასდება გარკვეული წესით: ა) მშობლების არსებობა თითო ქულა, ამრიგად 2 ქულა.
ბ). იმ შემთხვევაში თუ მშობლებს გააჩნიათ, ექსტერიერული შეფასება არა ნაკლები "კარგი"-სა თვითვეულ მათგანზე მოიცემა 2 ქულა, ანუ 4 ქულა.
გ).თუ მშობლებს მიღებული აქვთ, ნებისმიერი ხარისხის საველე დიპლომი, თვითვეული იძლევა 2 ქულას, ე,ი, 4 ქულას. სრული მონაცემების შემთხვევაში გამოდის რომ ძაღლი იღებს მშობლებისთვის 10 ქულას.
დ) თვითვეული ბებია და ბაბუა იძლევა 1 ქულას, ანუ მთლიანობაში 4 ქულას. მათი მშობლები 0,5 ქულას, რაც ჯამში 4 ქულაა. ბოლო მეოთხე მუხლის წინაპრები თვითვეული 0,25 ქულას, ე,ი, 2 ქულას. ამ რიგად მშობლების გარდა ,წინაპრებისთვის ძაღლს ერიცხება 10 ქულა.

2). სანადირო თვისებების შეფასება ხდება სამი უმაღლესი ხარისხის საველე დიპლომის მიხედვით. ქულები დაირიცხება შემდეგი პრინციპით:
ა). პირველი ხარისხი-40 ქულა.
ბ) მეორე ხარისხი- 35 ქულა
გ) მესამე ხარისხი- 30 ქულა.
დამატებითი ქულა დაირიცხება განმეორებითი დიპლომის შემთხვევაში და ძაღლს ემატება პირველი ხარისხისთვის 10 ქულა, მეორე ხარისხისთვის 8 ქულა, მმესამე ხარისხისთვის 5 ქულა.


3). ჯიშიანობის, კონსტიტუციისა და ექსტერიერისთვის ძაღლს ქულები ერიცხება მხოლოთ ამ გამოფენაზე მიღებული შეფასების მიხედვით , შემდეგი წესით,: "ფრიადი"- 40 ქულა, "ძლიერ კარგი"- 30 ქულა, "კარგი"- 20 ქულა. "არადამაკმაყოფილებელზე " შეფასების ქულები არ იწერება.

4). შთამომავლობის შეფასებისას მხედველობაში მიიღება მხოლოთ უშუალო შთამომავლები (შვილები) , რომლებსაც მიღებული აქვთ ნებისმიერი ხარისხის დიპლომი და ექსტერიერული შეფასება არანაკლებ "კარგისა". შთამომავლობის რიცხვი, რომლებიც ქულას აძლებს მშობელს, უნდა იყოს არაუმეტეს ექვსისა. თვითვეული შთამომავლისთვის როგორც ძუს, ასევე ხვადს ქულები დაერიცხება შემდეგნაირად: ექსტერიერული შეფასებისთვის "ფრიადზე"- 3 ქულა, "ძლიერ კარგზე"- 2 ქულა, "კარგზე"- 1 ქულა.
საველე დიპლომისთვის: პირველი ხარისხისთვის 3 ქულა, მეორე ხარისხისთვის 2 ქულა, მესამე ხარისხისთვის -1 ქულა.

ბონიტირების დროს ძაღლები ნაწილდებიან ,შემდეგ კლასებში: ელიტა, პირველი და მეორე. ძაღლის ამა თუ იმ კლასისადმი მიკუთვნება, ხდება საექსპერტო კომისიის მიერ, ცალკეულ კლასთა მოთხოვნათა გათვალისწინებით, განსაზღვრული პრინციპით:
1). უმაღლეს კლასში ელიტაში მოსახვედრად ძაღლი უნდა აკმაყოფილებდეს შემდეგ მინიმალურ მოთხოვნებს:
ა.) უნდა ჰქონდეს ერთი პირველი, ან ერთი მეორე და ერთი მესამე ხარისხის დიპლომი, რაც ჯამში უდრის 40 ქულას.
ბ). გამოფენაზე უნდა დაიმსახუროს შეფასება არანაკლებ "ძლიერ კარგი"-სა რაც ფასდება 30 ქულით.
გ). წინაპრებისთვის ძაღლს უნდა ერიცხებოდეს მინიმუმ 18 ქულა .
დ) უნდა ჰყავდეს რამდენიმე ისეთი კლასიანი შთამომავალი, რომელიც საერთო ჯამში ხვადს მისცემს 8 ქულას, ხოლო ძუს -4 ქულას.

ამგვარად უმაგლეს კლასში მოსახვედრად ხვად ძაღლს სჭირდება მინიმუმ- 96 ქულა, ხოლო ძუს- 92. ამ კლასის ყველა ძაღლი ჯილდოვდება ოქროს დიდი მედლით.

2). პირველ კლაში მოსახვედრად, ძაღლი უნდა აკმაყოფილებდეს შემდეგ მინიმალურ მოთხოვნებს:
ა). უნდა ჰქონდეს ერთი მეორე ან ორი მესამე ხარისხის დიპლომი ,რაც ჯამში 35 ქულაა.
ბ). გამოფენაზე უნდა დაიმსახუროს შეფასება არა ნაკლებ "ძლიერ კარგისა". ანუ 30 ქულა.
გ). წინაპრებისთვის ძაღლს უნდა ჰქონდეს მინიმუმ 16 ქულა.

ამრიგად პირველ კლაში მოსახვედრად ორივე სქესის ძაღლს სჭირდება მინიმუმ 81 ქულა და დაჯილდოვდება ოქროს მცირე მედლით.

3). მეორე კლასში მოსახვედრად ერთი მესამე ხარისხის დიპლომი მაინც, შეფასება მინიმუმ "კარგი" წარმოშობისთვის 16 ქულა. რაც საბოლოო ჯამში 66 ქულაა და ძაღლი ჯილდოვდება ვერცხლის მედლით.
ძაღლის ადგილი მოცემულ კლასში განისაზღვრება მის მიერ დაგროვილი ქულების ჯამით. უმაღლეს ადგილს იკავებს ძაღლი რომელიც აგროვებს ქულების უდიდეს ჯამს. ორი ან მეტი ძაღლის მიერ დაგროვილი ქულათა ჯამის თანხვედრის შემთხვევაში დაკავებული ადგილი განისაზღვრება, კომპლექსური შეფასების ცალკეული მუხლების ქულების მიხედვით შემდეგი წესით:
1) შთამომავლობის მიხედვით, 2) მუშა თვისებების მიხედვით. 3) ექსტერიერის შეფასების მიხედვით. 4) წარმოშობის მიხედვით, 5) რინგზე დაკავებული ადგილის მიხედვით.
იმ შემთხვევაში თუ მფლობელი ძაღლს რინგიდან გაიყვანს შეფასების შეფასების გამოცხადების შემდეგ, მაგრამ ექსპერტის მიერ შეფასების ფურცლის შევსებამდე, იგი დისკვალიფიცირებული იქნება ორი წლით, რის შესახებ კეთდება შესაბამისი აღნიშვნა ძაღლის საგვარეულო მოწმობაში ან პასპორტში.. ანალოგიურ სასჯელს იმსახურებს ძაღლის პატრონი, რინგზე არაეთიკური ქცევისთვის.


სანადირო მეძაღლეობისა და ძაღლით ნადირობის მოყვარულთა საზოგადოება.

[aragveli]

ვისაც აინტერესებს წაიკითხავს

[megreli]

ისე ასე თუ წავიდა საუბარი, ყველაზე მაგარი ვარიანტი იცით რომელია, 3 პოინტერი უნდა გყავდეს კაცს, ერთი შოუ კლასის, კუკლა , გამოფენაზე სატარებლად. მეორე ევროპული მუშა სისხლის, საველე შეჯიბრებისთვის და მესამე ჩვენს პრაქტიკულ ნადირობას მორგებული, კარგი სანადირო ხაზის აბორიგენი სანადიროდ.

ესეც მართალია მაგარამ ხალხი იმაში უნდა გაერკვეს თუ რისთვის ჭირდება ძაღლი,ნადირობისთვის თუ შოუებისთვის და ა.შ.... ყველას არ ექნება არც დრო,არც პირობები და არც სახსრები რომ 3 ძაღლი ყავდეს და ყველას სხვადასხვა ფუნქცია ქონდეს )))) ამიტომ შეთანხმდით ვის რისთვის უნდა ძაღლი,უფრო დავაწვრილებ (ვინც არ იცის მათთვის ) და გეტყვიტ რომ "შოუ კლასის კუკლა" სანადიროდ არ გამოგადგებათ

[@bazierashvili@]

კარგით რა ხალხო ისეთი წარმოდგენა მრჩება რომ საქართველოში არ ცხოვრობთ, მიიხედ -მოიხედეთ, ხალხს 100 ლარს ვერ გადაახდევინებ ლეკვში და ქატოთი კვებავენ. ის ადამიანები კიდევ ვისაც ამ საქმისთვის სურვილიც აქვთ , გამოცდილებაც და ფინანსებიც სულ 1 ხელის თითები ეყოფა ჩამოსათვლელად. თანაც მონადირეთა მხოლოთ 5 % თუ ესმის ჯიშიანი ძაღლის მნიშვნელობა და სილამაზე, დანარჩენებისთვის მთავარია ძაღლმა "ახლოში ეძებოს" და ბევრი მოაკვლევინოს. წადი შენ და ასეთს უხსენი ,ევროპული ძაღლების უპირატესობა, სიცილით მოკვდება. არ ვიცი ღმერთმა ქნას , მალე ყველაფერი გამოსწორდეს , მარა ამ ეტაპზე ჩვენ მზად არ ვართ იმისთვის, რომ ჩვენთან ევროპული ძაღლების დიდი რაოდენობა შემოვიდეს და სწორი სელექცია წავიდეს.